John 10:10 - Nǫ̀htsı̨ Nı̨htł'è

¹⁰ Eeɂį̀ı̨-dǫǫ̀ sìı sahzǫ̀ą deɂį̀ı̨ xè ełaàgòhde zǫ gha at'ı̨, hanìkò sı̨ set'à geeda ha jǫ ahjà, eyıts'ǫ denahk'e gıxè sìghà hòɂǫ gha jǫ ahjà.

John 10:10 ပူးပေါင်းရင်းမြစ်များ

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Matthew 20:28

Dǫ-wet'àaɂàa-deè ededı̨ kò dǫ yegha eghàlageeda gha jǫ nììtła nıìle, hanìkò dǫ ts'àdı xè dǫ gha ełaàwı gha jǫ nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.

Matthew 21:13

Hagòhdı, “Dıı hanì dek'eèhtł'è hǫt'e: ‘Sekǫ̀ yats'ehtıı k'è gha gòɂǫ hǫt'e,’ hanìkò naxı̨ sìı ‘egeeɂį̀ı̨-dǫǫ̀ gha kǫ̀’ gòwhahtsı̨ hǫt'e,” gòhdı.

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Mark 11:17

Dıı hadıì dǫ hoghàgoèhtǫ, “Dıı hanì dek'eèhtł'è hǫt'e: ‘Sekǫ̀ sìı dıı nèk'e dǫ hazǫǫ̀ gha yats'ehtıı k'è gòɂǫ hǫt'e,’ hanìkò naxı̨ sìı ‘egeeɂį̀ı̨-dǫǫ̀ gha kǫ̀’ gòwhahtsı̨,” gòhdı.

Luke 19:10

Dǫ-wet'àaɂàa-deè sìı dǫ dıkǫèdee gokak'eet'į̀ xè edaxàgole gha jǫ nììtła hǫt'e,” Zezì yèhdı.

John 10:1

“Ehkw'ı anaxèehsı̨, dǫ, sahzǫ̀ą k'èhodìı gha enìı̨tǫ k'è goyaetła-le, hanìkò ekǫ-le gots'ǫ goyaèhtła nı̨dè eyı dǫ sìı eeɂį̀ı̨-dǫǫ̀ elı̨ hǫt'e.

John 10:11

“Sı̨ sahzǫ̀ą-k'èdìı-dǫǫ̀ nezı̨ı̨ aht'e. Sahzǫ̀ą-k'èdìı-dǫǫ̀ nezı̨ı̨ sìı edesahzǫ̀ą gha ełaàwı hǫt'e.

John 12:47

“Dǫ seyatıì ıìkw'o, hanìkò yek'ę̀ę̀ eda-le sìı sı̨ wesınìyahtı ha nıìle. Dǫ sınìyahtı ha dıı nèk'e ts'ǫ̀ ahjà nıìle, dǫ edaxàgehłe gha ahjà.

John 12:6

Eyı hadıı sìı dǫ-teèt'ı̨ı̨ ghǫneètǫ t'à adı nıìle, hanìkò eeɂį̀ı̨-dǫǫ̀ elı̨ t'à, hadı. Ededı̨ sǫǫ̀mbawò-k'èdìı elı̨, eyıts'ǫ ı̨hk'è edegha sǫǫ̀mba ìhchı ı̨lè.

John 3:17

Nǫ̀htsı̨ dǫ xè hoìla hòèhtsı̨ gha, edeza dıı nèk'e ts'ǫ̀ ayı̨į̀là nıìle, hanìkò ededı̨ wet'à dǫ edaxàgole gha ayı̨į̀là.

John 5:40

hanìkò aahda anaxehłe ha sìı sets'ǫ̀ aahde ha dahwhǫ-le.

John 6:33

Yak'e gots'ǫ hodàèhtłaa sìı ededı̨, Nǫ̀htsı̨ wełèt'è hǫt'e, dıı nèk'e dǫ geedaà agohɂı̨,” gòhdı.

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

Rome 2:21

Ekò naxı̨ dǫ eyıì-le hoghàgıahtǫ nı̨dè dànìghǫ hoghàdeahtǫ-le? Ets'eeɂį̀ k'èch'a goahde nı̨dè dànıt'à naxı̨ èhłı̨ aahɂį̀?

1 Tımothy 1:15

Dıı yatı sìı hotıì ehkw'ı hǫt'e, dǫ hotıì edegha gìhchı ha hǫt'e: Zezì-Krı hołı̨ı̨-hogehtsı̨ı̨-dǫǫ̀ edaxàgole ha, dıı nèk'e ts'ǫ̀ ajà. Sı̨ sìı gıta gots'ǫ denahk'e hołı̨ı̨-hohtsı̨ı̨-dǫǫ̀ aht'e ı̨lè.

Hebrew 6:17

Nǫ̀htsı̨ edeza edeyatıì goghàı̨ɂǫǫ sìı t'aats'ǫǫ̀ edeyatıì k'èdì ha gık'èezǫ ha nıwǫ t'à, ededı̨ edet'à yatı nàtsoo whehtsı̨ ı̨lè.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

2 Peter 1:11

Hanìkò gots'ǫ̀ K'àowo Zezì-Krı, Edaxàgolee elı̨ı̨ sìı, wenàowoò k'ę̀ę̀ welǫ whìle ts'ǫ̀ hòɂǫǫ sìı goyaahdè t'à Nǫ̀htsı̨ naxıghǫ wınà ha hǫt'e.