John 1:9 - Nǫ̀htsı̨ Nı̨htł'è

⁹ Dzęh wedeèdlı̨ı̨ wet'à dǫ hazǫǫ̀ gha dzęh agode ha sìı dıı nèk'e dǫ ts'ǫ̀ ajà.

John 1:9 ပူးပေါင်းရင်းမြစ်များ

Matthew 6:23

Ekò naxıdaà nezı̨-le nı̨dè naxızhį̀į̀ hazǫǫ̀ gha togoòtł'ò ha hǫt'e. Naxıdzeè yìı togoòtł'ò nı̨dè sıì naxıxè togoòtł'ò agǫ̀ht'e.

Luke 11:36

Eyıt'à naxızhį̀į̀ hǫt'ıì gha dzęh agǫ̀ht'e eyıts'ǫ naxıgha togoòtł'òo whìle nı̨dè t'aats'ǫǫ̀ naxıgha dzęh agǫ̀ht'e ha, ek'aèk'ǫ naxık'e nı̨ı̨dı̨ lanì ha,” gòhdı.

John 1:4

Ededı̨ wet'à ts'eeda hǫt'e. Ededı̨ wet'à ts'eedaa sìı dǫ gha dzęh nı̨ı̨dı̨ı̨ lanì.

John 1:7

Eyı dzęh nı̨ı̨dı̨ı̨ yeghǫ xàyahtı ha jǫ nììtła. Ededı̨ wet'ǫ̀ǫ̀ dǫ hazǫǫ̀ gıgha ehkw'ı-ahodı gha ajà.

John 12:46

Dzęh lanıı dıı nèk'e ts'ǫ̀ ahjà, amìı wegha ehkw'ı aehsı̨ı̨ sìı wexè togoòtł'òo ha nıìle.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 15:1

“Sı̨ sìı ts'ı wedeèdlı̨ı̨ aht'e, eyıts'ǫ Setà, dèè-goehshee-k'èdìı-dǫǫ̀ elı̨ hǫt'e.

John 6:32

Zezì gots'ǫ̀ hadı, “Ehkw'ı anaxèehsı̨, Moses ededı̨ yak'e gots'ǫ łèt'è naxıghàı̨dì nıìle, hanìkò Setà ededı̨ sìı yak'e gots'ǫ łèt'è wedeèdlı̨ı̨ naxıghàı̨dì hǫt'e.

John 7:12

Hanìkò dǫdeè nı dǫ łǫ Zezì ghǫ ełets'ǫ̀ gogede. Dǫ mǫ̀hdaa hagedı, “Dǫ nezı̨ hǫt'e,” mǫ̀hdaa hagedı, “Į̀le ne, eghǫyaeɂàa-dǫǫ̀ elı̨ ne,” gedı.

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:8

Hanìkò dıì nàowo gòò ghǫ naxıts'ǫ̀ eehtł'è. Wenàowoò ehkw'ıı sìı Zezì wexè wheɂǫ eyıts'ǫ naxı̨ sı naxıxè wheɂǫ wègaat'ı̨ hǫt'e. Togoòtł'òo hòɂǫǫ sìı whìle agodaade eyıts'ǫ dzęh wedeèdlı̨ı̨ sìı hòt'a gok'e hodàsaı̨dı̨į̀ ajà.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.