John 1:4 - Nǫ̀htsı̨ Nı̨htł'è

⁴ Ededı̨ wet'à ts'eeda hǫt'e. Ededı̨ wet'à ts'eedaa sìı dǫ gha dzęh nı̨ı̨dı̨ı̨ lanì.

John 1:4 ပူးပေါင်းရင်းမြစ်များ

Matthew 4:16

Naxı̨ togoòtł'ò nàahdèe sìı dzęh naxık'e saı̨dı̨į̀ ajà, eyıts'ǫ naxı̨ ełaahde ha nìkw'oo sìı naxıxè sıì dzęh agòjà,” dek'eèhtł'è.

Luke 2:32

Dǫ hazǫǫ̀ Israel got'ı̨į̀ gı̨ı̨lı̨-le sìı gogha dzęh nı̨ı̨dı̨ı̨ elı̨ t'à gıgha xègaat'ı̨ ha eyıts'ǫ wets'ıhɂǫ̀ Israel got'ı̨į̀, nets'ǫ dǫ agı̨ı̨t'ee sìı, gıxè enıìyah hòɂǫ ha,” Sımeyon hadıì xàyaı̨htı.

John 11:25

Zezì yets'ǫ̀ hadı, “Sı̨ set'à dǫ naìdà xè eda hǫt'e. Amìı ehkw'ı adı sı̨ı̨hwhǫǫ sìı, ełaàwı kò, eda ha.

John 12:35

Zezì edeghǫ gots'ǫ̀ hadı, “Įłaà whaà-lea gots'ǫ̀ dzęh naxıxè wheɂǫ ha. To agode kwe, ı̨łaà naxıxè dzęh et'ıì k'eahdè. Dǫ togoòtł'òo k'edaa sìı edı̨į̀ ts'ǫ̀ at'ı̨ı̨ sìı yek'èezǫ nıìle.

John 12:46

Dzęh lanıı dıı nèk'e ts'ǫ̀ ahjà, amìı wegha ehkw'ı aehsı̨ı̨ sìı wexè togoòtł'òo ha nıìle.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 3:19

Dıı hanì hòɂǫ ts'ıhɂǫ̀ Nǫ̀htsı̨ dǫ sınìyaehtı hǫt'e: Dzęh dıı nèk'e ts'ǫ̀ ajà, hanìkò dǫ nàowołı̨ı̨ k'ę̀ę̀ eghàlageeda ts'ıhɂǫ̀ to gıgha denahk'e nezı̨.

John 5:21

Gotà dǫ ełaı̨dèe sìı naìdà xè geedaà agohɂı̨. Eyı xèht'eè Weza wegha sìghà k'ę̀ę̀ dǫ eda ha nıwǫǫ sìı hagohɂı̨ hǫt'e.

John 5:26

Gotà wet'à ts'eeda hǫt'e, eyı xèht'eè Weza sı t'à ts'eeda hǫt'e, hanì wetł'a hòɂǫ ayı̨į̀là.

John 8:12

Zezì k'achı̨ dǫ ts'ǫ̀ hadı, “Dıı nèk'e dǫ hazǫǫ̀ gıgha dzęh nı̨ı̨dı̨ı̨ aht'e. Amìı sexè at'ı̨ı̨ sìı wexè togoòtł'ò ha-le, dzęh wet'à ts'eedaa wexè hòɂǫ hǫt'e,” gòhdı.

John 9:5

Įłaà dıı nèk'e whıhda et'ıì dǫ hazǫǫ̀ gıgha dzęh aht'e,” gòhdı.

Zezì Wecheekeèdeè 26:23

Nakwenàoɂǫǫ hagedı, ‘Chrıst daı̨ɂa ha, dǫ ełaı̨dèe gots'ǫ ededı̨ t'akwełǫ̀ǫ̀ naìdà ha. Xàè wèot'ı̨ gı̨ı̨lı̨ı̨ eyıts'ǫ dǫ eyıì-le xàɂaa sìı gıxè dzęh agǫ̀ǫ̀là, eyı ghǫ gots'ǫ̀ gode ha,’ gedı ı̨lè,” Paul hadıì k'àowocho Agrıppa ts'ǫ̀ goı̨de.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

Ephesus 5:14

Eyı dzęę̀ sìı wet'à t'asìı hazǫǫ̀ wègaat'ı̨ at'į̀ hǫt'e. Eyıt'à dıı hanì dek'eèhtł'è, “Nı̨ wheętı̨ı̨ sìı ts'enewı, naìdà anede, hanì-ı̨dè Zezì-Krı dzęh nek'e nı̨ı̨dı̨į̀ ayele ha,” dek'eèhtł'è.

Colosse 3:4

Eyıt'à Zezì-Krı wets'ıhɂǫ̀ aahda, eyıts'ǫ K'àowocho enıìyah k'ę̀ę̀ wègoèht'į̀ nı̨dè naxı̨ sı wexè naxègaat'ı̨ ha hǫt'e.

1 John 1:1

Ededı̨ kèhǫǫ̀wo gots'ǫ wehòhɂǫǫ sìı wets'eèhkw'ǫ ı̨lè, xàè godaà t'à wets'aɂı̨ xè weghàts'ı̨ı̨dà ı̨lè eyıts'ǫ goılà t'à dawets'aachì ı̨lè. Eyı Yatı wet'à ts'eedaa elı̨ı̨ sìı weghǫ gots'edeè ats'edı.

1 John 1:2

Yatı wet'à ts'eedaa elı̨ı̨ sìı wègoèht'į̀ ajà; wets'aɂı̨ t'à weghǫ gots'ede. Eyı yatı wet'à welǫ whìle ts'ǫ̀ ts'eedaa sìı weghǫ naxıts'ǫ̀ gots'ede. Ededı̨ edetà xè wheda ı̨lèe sìı gots'ǫ̀ wègoèht'į̀ ajà.

1 John 5:11

Dıı hanì gots'ǫ̀ xàyaetı: Nǫ̀htsı̨ welǫ whìle ts'ǫ̀ ts'eeda ha goghàhòı̨ɂǫ hǫt'e. Amìı Weza yegha ehkw'ı adıı sìı welǫ whìle ts'ǫ̀ eda ha hǫt'e.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.