John 1:19 - Nǫ̀htsı̨ Nı̨htł'è

¹⁹ Kǫ̀ta Jerusalem gots'ǫ Israel got'ı̨į̀ gha k'aodèe John-Baptıst dageehke gha, yahtıı eyıts'ǫ Levıte gı̨ı̨lı̨ı̨ gıts'ǫ̀ geèhɂà. Dageehke, “Amìı anet'e?” gıìhdı t'à John-Baptıst gots'ǫ̀ goı̨de.

John 1:19 ပူးပေါင်းရင်းမြစ်များ

John 1:7

Eyı dzęh nı̨ı̨dı̨ı̨ yeghǫ xàyahtı ha jǫ nììtła. Ededı̨ wet'ǫ̀ǫ̀ dǫ hazǫǫ̀ gıgha ehkw'ı-ahodı gha ajà.

John 10:24

Israel got'ı̨į̀ gha k'aodèe gımǫǫ̀ nìı̨de, hagıìhdı, “Dàwhaà nek'eènats'eèhɂı̨ ha? Chrıst wèts'edıı eyı anet'e nı̨dè, gots'ǫ̀ ehkw'ı haı̨dı,” gıìhdı.

John 10:31

Israel got'ı̨į̀ gha k'aodèe nàgeehshì ha gı̨ı̨wǫ t'à, k'achı̨ kwe negı̨į̀wa.

John 11:19

Eyıt'à dǫ łǫ Mary eyıts'ǫ Martha ts'àgede. Gıchı ełaı̨wo t'à gogà geèhkw'e.

John 2:18

Zezì hajà t'à Israel got'ı̨į̀ mǫ̀hdaa hagıìhdı, “Amìı wedahxà anet'ı̨? Godaà enıìyah nechàa hòwheęhtsı̨ nı̨dè wek'èts'eezǫ ha,” gıìhdı.

John 2:20

Eyıt'à Israel got'ı̨į̀ hagıìhdı, “Dı̨ènǫ-daats'ǫ̀-ek'ètaı xo t'à dıı Nǫ̀htsı̨kǫ̀-gocho gogehtsı̨ hǫt'e. Taı dzęę̀ t'à kǫ̀ nagoı̨htsı̨ ha nı̨ı̨dı nì?” gıìhdı.

John 5:10

Eyıt'à Israel gha k'aodèe eyı dǫ k'aàt'ıì ajàa sìı ts'ǫ̀ hagedı, “Nǫ̀htsı̨ Dzęę̀ k'e agǫ̀ht'e, gonàowoò k'èch'a netè k'enehchı,” gıìhdı.

John 5:15

Eyı dǫ k'aàt'ıì ajàa sìı Israel gha k'aodèe gots'ǫ̀ èhtła, hagòhdı, “Zezì k'aàt'ıì asį̀į̀là,” gòhdı.

John 5:16

Zezì, Nǫ̀htsı̨ Dzęę̀ k'e hanì eghàlaı̨dà t'à k'aodèe Zezì gha hoìla hogehtsı̨į̀ agejà.

John 5:18

Zezì hadı ts'ıhɂǫ̀ k'aodèe k'èdaà gıweè haı̨wǫ. Nǫ̀htsı̨ Dzęę̀ nàı̨zhì zǫ nıìle gı̨ı̨wǫ, hanìkò Nǫ̀htsı̨ xàè setà hǫt'e dı t'à Nǫ̀htsı̨ xèht'eè adììdlà.

John 6:41

“Yak'e gots'ǫ łèt'è dıı nèk'e ts'ǫ̀ ajàa sìı eyı aht'e,” Zezì hadı t'à Israel got'ı̨į̀ gıghǫ sǫagedı.

John 6:52

Zezì hadı t'à Israel got'ı̨į̀ sıì gıgha nezı̨-le t'à ełets'ǫ̀ hagedı, “Eyı dǫ ayìı ayèhdı? Dànì wezhį̀į̀ ghǫ shèts'etı̨į̀ agole ha?” gedı.

John 7:1

Eyı hagòjà tł'axǫǫ̀ Zezì Galılee nèk'e hazǫǫ̀ nàhtła. Israel got'ı̨į̀ gha k'aodèe weweè hagı̨ı̨wǫ t'à, Judea nèk'e ts'ǫ̀ ade ha nıwǫ-le.

John 7:11

Jerusalem ekǫ dzędeè hołè ekò Israel got'ı̨į̀ gha k'aodèe Zezì hak'egeet'į̀. K'aodèe dǫ hazǫǫ̀ dageehke, “Eyı dǫ asį̀į̀ weahɂı̨?” gògedı.

John 7:15

Israel got'ı̨į̀ gha k'aodèe weyatıì gıìkw'o ekò gıgha enıìyah t'à hagedı, “Eyı dǫ hoghàweètǫ-le kò, dànì t'à t'asìı k'èezǫ nǫǫ̀?” gedı.

John 8:22

Hadı t'à Israel got'ı̨į̀ gha k'aodèe dałegeehke, “ ‘Edı̨į̀ ts'ǫ̀ aht'ı̨ı̨ sìı ekǫ aahde ha dìì,’ hadı t'à, ełaàdìwı ha nì-ghǫ adı?” gedı.

John 8:48

Israel got'ı̨į̀ gha k'aodèe Zezì ts'ǫ̀ hagedı, “Samarıa got'ı̨į̀ anet'e eyı xè ı̨nìłı̨ı̨ nets'ǫ̀-èlı̨, hanèts'edı ı̨lèe sìı ehkw'ı anèts'edı ı̨lè!” gıìhdı.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

John 8:57

K'aodèe hagedı, “Įłaà sı̨laènǫ neghoò-le, hanìkò Abraham neeɂı̨ nı̨ı̨dı nì?” gıìhdı.

Zezì Wecheekeèdeè 13:25

John-Baptıst, Nǫ̀htsı̨ la yeghàı̨ɂǫǫ sìı yeghǫ nat'è ha nìkw'o ekò hadı, ‘Eyı dǫ aht'e dahwhǫ nì? Į̀le, eyı aht'e nıìle. Eyı dǫ sek'èè nììtła ha sìı wekechı̨į̀tł'ıì ejıehge ha kò dǫ lahoeht'ı̨ nıìle,’ hadı ı̨lè.

Zezì Wecheekeèdeè 19:4

Paul gots'ǫ̀ hadı, “John-Baptıst wenàowoò k'ę̀ę̀ gok'ètaìdzǫǫ sìı edek'ets'ı̨ı̨lı̨ gha hǫt'e. Dǫ yek'èè nììtła ha sìı ehkw'ı adı weahwhǫ ha hǫt'e gòhdı ı̨lè. Eyı sìı Zezì hǫt'e,” Paul gòhdı.

1 John 1:5

Dıı wegodıì ts'ıìkw'oo sìı naxıts'ǫ̀ hats'edı hǫt'e. Dıı wegodıì hǫt'e: Nǫ̀htsı̨ sìı dzęh hǫt'e, wexè togoòtł'òo whìle.