John 1:18 - Nǫ̀htsı̨ Nı̨htł'è

¹⁸ Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 1:18 ပူးပေါင်းရင်းမြစ်များ

Dànì Kèhoį̀wo 16:13

Gots'ǫ̀ K'àowo yets'ǫ̀ goı̨dee sìı Hagar yıızì whehtsı̨, hadı, “Nı̨, Nǫ̀htsı̨ seghàedaa anet'e, Seghàedaa elı̨ı̨ sìı dıì weehɂı̨,” hadı.

Dànì Kèhoį̀wo 18:33

Gots'ǫ̀ K'àowo hòt'a Abraham ts'ǫ̀ goı̨de tł'axǫǫ̀ yets'ǫǫ̀ naèhtła, eyıts'ǫ Abraham edekǫ̀ nǫ̀ǫtła.

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Luke 10:22

“Setà t'asìı hazǫǫ̀ setł'aà whelaà ayį̀į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza dǫ gòį̀hchìı sìı Nǫ̀htsı̨-Gotà k'ègeezǫǫ̀ agohɂı̨,” Zezì hadı.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 12:41

Isaıah, Zezì wexè enıìyah agode ha nadąą̀ yaɂı̨ t'à hanì yeghǫ goı̨de ı̨lè.

John 13:23

Wecheekeè ı̨łè, Zezì yeghǫneètǫǫ sìı yegà ladà k'e shètı̨.

John 14:9

Zezì hayèhdı, “Phılıp, whaà naxıxè aeht'į̀, hanìkò ı̨łaà sek'èı̨zǫ-le nì? Amìı saɂı̨ı̨ sìı hòt'a Setà ghàı̨dà hǫt'e. Eyıt'à dànìghǫ ‘Netà weghàts'eedaà agoı̨le,’ sìı̨dı?

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 17:6

“Dıı nèk'e dǫ hazǫǫ̀ seghàneelaa sìı nek'ègeezǫǫ̀ agèhłà. Nets'ǫ agı̨ı̨t'e ı̨lèe sìı seghàgınèela, eyıts'ǫ neyatıì k'èagı̨ı̨t'e.

John 3:11

Ehkw'ı anèehsı̨, t'asìı k'èts'eezǫ eyıts'ǫ t'asìı wets'aɂı̨ı̨ sìı weghàà gots'ede hǫt'e, hanìkò naxı̨ dǫ xàɂaa yàahłı̨ı̨ sìı ehkw'ı ats'edı goahwhǫ-le.

John 6:46

Dǫ wı̨ı̨zìı Gotà aɂı̨ whìle, Nǫ̀htsı̨ wets'ǫ ne sìı ededı̨ zǫ Gotà eɂı̨ hǫt'e.

2 Corınth 4:4

Wehłı̨ı̨ dıı nèè gha k'àowo elı̨ı̨ sìı dǫ gıgha ehkw'ı-ahodı-le sìı gınì t'à gıgha xègaat'ı̨-le agǫ̀ǫ̀là. Eyıt'à Zezì-Krı wegodıì nezı̨ı̨ ts'ıhɂǫ̀ dǫ xè dzęh hòɂǫǫ sìı gıgha wègaat'ı̨ ha dìì, eyıts'ǫ Zezì-Krı enıìyah wehòhɂǫ xè hotıì Nǫ̀htsı̨ xèht'eè wègaat'ı̨ı̨ sìı, gınıedì ha dìì hǫt'e.

Colosse 1:15

Nǫ̀htsı̨-Gotà gogha wègaat'ı̨-le, hanìkò Weza yexèht'eè wègaat'ı̨ hǫt'e. Weza sìı t'akwełǫ̀ǫ̀ hǫt'e eyıts'ǫ t'asìı hazǫǫ̀ hòèlı̨ı̨ sìı ts'ǫ̀ K'àowo.

1 Tımothy 1:17

Gots'ǫ K'àowocho welǫ whìle ts'ǫ edaa, eładı̨į̀ ade-le, eyıts'ǫ wègaat'ı̨-le sìı, weghàsǫts'eedı welè. Gonǫ̀htsı̨ ı̨łàet'ee zǫ sìı welǫ whìle ts'ǫ̀ wexè enıìyah welè. Amen.

1 Tımothy 6:16

Nǫ̀htsı̨ ededı̨ zǫ ełaàwı-le sìı sadeè nàtso lanì wehòhɂǫ t'à dǫ wı̨ı̨zìı yets'ǫ̀ nıwà-le ade ha dìì, eyıt'à dǫ wı̨ı̨zìı yaɂı̨ whìle eyıts'ǫ dǫ wı̨ı̨zìı yeɂį̀ ha dìì. Ededı̨ weghàsǫts'eedı welè, eyıts'ǫ welǫ whìle ts'ǫ̀ gots'ǫ̀ K'àowo enıìyah t'à nàtso welè. Amen.

1 John 4:12

Dǫ wı̨ı̨zìı Nǫ̀htsı̨ aɂı̨ whìle, hanìkò ełeghǫnets'eètǫ nı̨dè Nǫ̀htsı̨ godzeè yìı nàdè hǫt'e eyıts'ǫ dànì goghǫneètǫǫ sìı deghàà gok'e wègaat'ı̨ hǫt'e.

1 John 4:20

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

1 John 4:9

Nǫ̀htsı̨ dàı̨hcho ts'ǫ̀ goghǫneètǫǫ sìı dıı weghàà wek'èts'eezǫǫ̀ agǫ̀ǫ̀là: Weza wet'ǫ̀ǫ̀ ts'eeda ha goı̨hwhǫ t'à, Edeza ı̨łàet'ee zǫ dıı nèk'e ts'ǫ̀ ayį̀į̀là.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.