John 1:13 - Nǫ̀htsı̨ Nı̨htł'è

¹³ Wezaa gı̨ı̨lı̨ı̨ sìı dǫkwǫ̀ t'à gıgǫ̀hłı̨ı̨ awèts'edı-le, dǫ hanıwǫ t'à le, eyıts'ǫ dǫzhìı wınì k'ę̀ę̀ sı t'à le, hanìkò Nǫ̀htsı̨ dahxà gıgǫ̀hłı̨ t'à Nǫ̀htsı̨ wezaa gı̨ı̨lı̨ hǫt'e.

John 1:13 ပူးပေါင်းရင်းမြစ်များ

Dànì Kèhoį̀wo 25:22

Bebìa nàke weyìı ełets'agehchı t'à hadı, “Sexè dàgot'ı̨į̀-agot'ı̨?” Yek'èezǫ ha nıwǫ t'à gots'ǫ̀ K'àowo daehke.

Dànì Kèhoį̀wo 25:28

Isaac ekìı-ka ts'ǫ bò wegha łekǫ t'à Esau ghǫneètǫ, ekò Rebekah t'aa Jacob ghǫneètǫ.

Dànì Kèhoį̀wo 27:33

Isaac sıì dèhyeh t'à wets'ehłı̨į̀ lajà, hadı, “Amìı nàwhezè t'à bò seghàı̨dì nǫǫ̀? Goyaneetła kwe weghǫ shèhtı̨ tł'axǫǫ̀ yatı nezı̨ı̨ t'à wek'eèyaehtı ı̨lè. Eyı ts'ıhɂǫ̀ hòt'a łǫ̀ǫ̀ wexè sìghà hòɂǫǫ̀ agode ha!” edeza èhdı.

Dànì Kèhoį̀wo 27:4

Bò łekǫǫ whet'ee segha nezı̨ı̨ sìı k'ę̀ę̀ xàı̨ht'è gà weghǫ shèhtı̨ ha sets'ǫ̀ı̨hge. Hanì-ı̨dè ełaehwhı kwe yatı nǫǫde wet'à nexè sìghà hòɂǫ ha sìı t'à nek'eèyahtı ha,” yèhdı.

Matthew 3:9

‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.

John 3:3

Zezì yets'ǫ̀ hadı, “Ehkw'ı anèehsı̨, dǫ wı̨ı̨zìı k'achı̨ wegǫ̀hłı̨ lenǫsıı Nǫ̀htsı̨ Wenàowoò k'ę̀ę̀ hòɂǫ yek'èezǫ ha dìì,” yèhdı.

1 Corınth 3:6

Sı̨ dèè goyìı wet'à t'asìı dehshee nèehɂǫ, Apollos tı yek'e ayį̀į̀là, hanìkò Nǫ̀htsı̨ sìı dehsheè ayį̀į̀là hǫt'e.

Phılıppı 2:13

Nǫ̀htsı̨ ededı̨ naxıdzeè yìı eghàlaeda t'à. Ededı̨ sìı wenàowoò nezı̨ı̨ k'ę̀ę̀ dahwhǫǫ̀ anaxehɂı̨ eyıts'ǫ wek'ę̀ę̀ aahdaà anaxehɂı̨.

Tıtus 3:5

edaxàgoı̨la. Ehkw'ı eghàlats'ı̨ı̨dà t'à agǫ̀ǫ̀là nıìle, hanìkò wedzeè eteèɂı̨ t'à agǫ̀ǫ̀là. Dıı hanì edaxàgoı̨la hǫt'e: Gohołı̨į̀ k'enaı̨htso xè dǫ eładı̨ı̨ ts'ı̨ı̨lı̨į̀ agǫ̀ǫ̀là eyıts'ǫ Yedàyeh Nezı̨ı̨ wet'ǫ̀ǫ̀ dǫ gòò gòèhtsı̨.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

1 Peter 1:23

Naxı̨ sìı k'achı̨ naxıgǫ̀hłı̨į̀ aahjà hǫt'e. T'asìı wedıhołè ha sìı t'à aahjà nıìle, hanìkò Nǫ̀htsı̨ weyatıì welǫ whìle ts'ǫ̀ wheɂǫǫ sìı t'à k'achı̨ naxıgǫ̀hłı̨ hǫt'e.

1 Peter 1:3

Nǫ̀htsı̨, Zezì-Krı wetà, weghàsǫts'eedı welè. Sıì gots'ǫ̀ wedzeè eteèɂı̨ t'à k'achı̨ dǫ nats'edlı̨į̀ agǫ̀ǫ̀là hǫt'e. Gots'ǫ̀ K'àowo Zezì naìdà ts'ıhɂǫ̀, ts'eeda ha gogha hòɂǫǫ̀ ayį̀į̀là.

1 Peter 2:2

Bebìa k'ǫǫ̀t'a dǫ gı̨ı̨lı̨ı̨ sìı edemǫ wet'ò wedeèdlı̨ı̨ ghageewı lanì Nǫ̀htsı̨ wenàowoò ghaahwhı welì. Hanì-ı̨dè edaxàahdè gha naxınì nàtsoò ade ha,

1 John 3:9

Nǫ̀htsı̨ dahxà dǫ wegǫ̀hłı̨ı̨ sìı ı̨łaà hołı̨ı̨ nàowoò k'ę̀ę̀ eda nıìle, Nǫ̀htsı̨ wets'ǫ Įnì wedzeè yìı wheɂǫ ne t'à. Nǫ̀htsı̨ dahxà wegǫ̀hłı̨ ne t'à ı̨łaà hołı̨ı̨ k'ę̀ę̀ eda ha nıìle.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.

1 John 5:1

Amìı, Zezì Nǫ̀htsı̨ yį̀į̀hchì hǫt'e wegha ehkw'ı-ahodıı sìı Nǫ̀htsı̨ gots'ǫ wegǫ̀hłı̨ hǫt'e, eyıts'ǫ amìı Gotà ghǫneètǫǫ sìı Weza sı ghǫneètǫ hǫt'e.

1 John 5:18

Amìı Nǫ̀htsı̨ gots'ǫ wegǫ̀hłı̨ı̨ sìı ı̨łaà hołı̨ı̨ k'ę̀ę̀ eda nıìle wek'èts'eezǫ. Zezì-Krı Nǫ̀htsı̨ gots'ǫ wegǫ̀hłı̨ ı̨lèe sìı yek'èdì hǫt'e, eyıt'à wehłı̨ı̨ t'asayele ha dìì.

1 John 5:4

Amìı Nǫ̀htsı̨ gots'ǫ wegǫ̀hłı̨ı̨ sìı dıı nèè ts'ǫ nàowołı̨ı̨ nahk'e elı̨ hǫt'e. Gogha ehkw'ı-ahodıı t'à, dıı nèè ts'ǫ nàowołı̨ı̨ ghǫts'eèhnǫ hǫt'e.