John 1:12 - Nǫ̀htsı̨ Nı̨htł'è

¹² Hanìkò dǫ hazǫǫ̀ ehkw'ı adı gı̨ı̨hwhǫ xè wexè aget'ı̨ ha gı̨ı̨wǫǫ sìı Nǫ̀htsı̨ weza gı̨ı̨lı̨ k'ę̀ę̀ gııtà agǫ̀ǫ̀là.

John 1:12 ပူးပေါင်းရင်းမြစ်များ

Matthew 10:40

“Dǫ naxıgı̨ı̨wǫǫ sìı sı̨ segı̨ı̨wǫ hǫt'e eyıts'ǫ dǫ segı̨ı̨wǫǫ sìı amìı sı̨ı̨hɂàa sìı gı̨ı̨wǫ hǫt'e.

Matthew 12:21

Dǫ hazǫǫ̀ xàɂaa ededı̨ Edaxàgolee elı̨ı̨ sìı gıgha ehkw'ı-ahodı ha,” Isaıah hadı, yeghǫ goı̨de ı̨lè.

Matthew 18:5

“Amìı sıızì dahxà dıı chekoa nechà-lea lanıı ts'ǫ̀ nezı̨į̀ anıwǫǫ sìı sı̨ sets'ǫ̀ nezı̨į̀ anıwǫ hǫt'e.

John 1:11

Edèot'ı̨ ts'ǫ̀ ajà, hanìkò wèot'ı̨ gı̨ı̨wǫ-le.

John 1:7

Eyı dzęh nı̨ı̨dı̨ı̨ yeghǫ xàyahtı ha jǫ nììtła. Ededı̨ wet'ǫ̀ǫ̀ dǫ hazǫǫ̀ gıgha ehkw'ı-ahodı gha ajà.

John 11:52

Israel got'ı̨į̀ zǫǫ̀-le, hanìkò Nǫ̀htsı̨ Weza hazǫǫ̀ dıı nèk'e ehkègı̨ı̨dee sìı gogha ełaàwı ha hǫt'e. Ełènagoowa xè dǫ ı̨łè gı̨ı̨lı̨į̀ agole ha.

John 2:23

Zezì, dzędeè Passover gha kǫ̀ta Jerusalem wheda ekò, dǫ łǫ Zezì enıìyah łǫ eghàlaı̨dà gıaɂı̨, eyıt'à ehkw'ı adı gı̨ı̨wǫǫ̀ agejà.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

John 3:18

Amìı ehkw'ı adı yı̨ı̨hwhǫǫ sìı hoìla awedle ha-le, hanìkò amìı ehkw'ı adı yı̨ı̨hwhǫ-le sìı hòt'a wesınìyaetı hǫt'e, Nǫ̀htsı̨ Weza ı̨łàet'ee sìı wegha ehkw'ı-ahodı-le t'à.

Zezì Wecheekeèdeè 3:16

Zezì gogha ehkw'ı-ahodı t'à dıı dǫ weghàahdaa eyıts'ǫ wek'èahsǫǫ sìı nàtsoò ajà. Zezì wedahxà eyıts'ǫ ededı̨ wet'ǫ̀ǫ̀ goınì nàtsoo t'à dıı dǫ deghàà k'aàt'ıì anajàa sìı weghàahda hǫt'e.

Rome 8:14

amìı Nǫ̀htsı̨ wets'ǫ Įnì gıts'ǫ̀ k'àhowoo sìı Nǫ̀htsı̨ weza agı̨ı̨t'e t'à.

Rome 8:16

Yedàyeh Nezı̨ı̨ eyıts'ǫ gots'ǫ ı̨nì į̀łah, “Nǫ̀htsı̨ weza ats'ı̨ı̨t'e,” gògedı.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

Galatıa 3:26

Zezì-Krı naxıgha ehkw'ı-ahodı dahxà naxı̨ hazǫǫ̀ Nǫ̀htsı̨ weza aaht'e.

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Colosse 2:6

Eyıt'à, Zezì-Krı naxıts'ǫ̀ K'àowo elı̨ı̨ aahłà k'ę̀ę̀ t'aats'ǫǫ̀ wexè aahda.

2 Peter 1:4

Gots'ǫ̀ hanì naɂa ts'ıhɂǫ̀ t'asìı deè godawhelaà ayį̀į̀làa sìı ghǫ edeyatıì goghàı̨ɂǫ hǫt'e. Eyı ts'ıhɂǫ̀ Nǫ̀htsı̨ xè aaht'ı̨į̀ aahjà eyıts'ǫ dıı nèk'e dǫ gınàowołı̨ı̨ k'ę̀ę̀ aahda ch'à edaxàwhahde hǫt'e.

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.

1 John 3:10

Amìı Nǫ̀htsı̨ weza agı̨ı̨t'ee, eyıts'ǫ amìı wehłı̨ı̨ weza agı̨ı̨t'ee sìı dıı weghàà gık'èts'eezǫ hǫt'e: Dǫ ehkw'ı eghàlageeda-le, eyıts'ǫ edèot'ı̨ ghǫnegeètǫ-le sìı Nǫ̀htsı̨ weza gı̨ı̨lı̨ nıìle.

1 John 3:2

Seàgı̨ą, dıì Nǫ̀htsı̨ weza ats'ı̨ı̨t'e, ı̨daà dǫ dàhòt'ı̨ı̨ ts'ı̨ı̨lı̨ ha sìı ı̨łaà wek'èts'eezǫ nıìle. Hanìkò Zezì-Krı dànì wègaat'ı̨ k'ę̀ę̀ wets'eɂį̀ ha ne t'à nììtła nı̨dè wexèht'eè lats'ede ha wek'èts'eezǫ.

1 John 3:23

Dıı nàowo goghàı̨ɂǫ hǫt'e: Weza Zezì-Krı gogha ehkw'ı adı ha hǫt'e, eyıts'ǫ ełeghǫnets'eètǫ ha hǫt'e.