John 1:10 - Nǫ̀htsı̨ Nı̨htł'è

¹⁰ Dıı nèk'e dǫ ta nàı̨dè. Dıı nèk'e dǫ hazǫǫ̀ whehtsı̨ kò amìı hǫt'ee sìı gınıedì-le.

John 1:10 ပူးပေါင်းရင်းမြစ်များ

Dànì Kèhoį̀wo 16:13

Gots'ǫ̀ K'àowo yets'ǫ̀ goı̨dee sìı Hagar yıızì whehtsı̨, hadı, “Nı̨, Nǫ̀htsı̨ seghàedaa anet'e, Seghàedaa elı̨ı̨ sìı dıì weehɂı̨,” hadı.

Dànì Kèhoį̀wo 17:1

Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Dànì Kèhoį̀wo 18:33

Gots'ǫ̀ K'àowo hòt'a Abraham ts'ǫ̀ goı̨de tł'axǫǫ̀ yets'ǫǫ̀ naèhtła, eyıts'ǫ Abraham edekǫ̀ nǫ̀ǫtła.

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

John 1:11

Edèot'ı̨ ts'ǫ̀ ajà, hanìkò wèot'ı̨ gı̨ı̨wǫ-le.

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 1:3

Ededı̨ wet'ǫ̀ǫ̀ t'asìı hazǫǫ̀ hòèlı̨ hǫt'e. Wedę t'asìı wı̨ı̨zìı hòèlı̨ nıìle.

John 1:5

Togoòtł'òo yìı dzęh nı̨ı̨dı̨, hanìkò dǫ gıgha togoòtł'òo t'à dzęh nı̨ı̨dı̨ı̨ nıgeedì-le.

John 17:25

“Setà, nı̨ sìı ehkw'ı anet'e. Dıı nèk'e dǫ nek'ègeezǫ-le kò, sı̨ nek'èehsǫ hǫt'e, eyıts'ǫ dıı dǫ seghàneelaa sìı jǫ ts'ǫ̀ asèneelà gık'èezǫ hǫt'e.

John 5:17

“Nǫ̀htsı̨ Dzęę̀ k'e kò Setà t'aats'ǫǫ̀ edılaà ghàlaeda hǫt'e t'à, sı̨ sı t'aats'ǫǫ̀ eghàlaehda hǫt'e,” Zezì gòhdı.

Zezì Wecheekeèdeè 14:17

Hanìkò dèè k'e t'asìı whelaa sìı weghàà dǫ, Nǫ̀htsı̨ gǫ̀hłı̨ gık'èezǫ hǫt'e. Yat'a gots'ǫ naxıgha chǫh ayehɂı̨ eyıts'ǫ t'asìı dehsheè ayehɂı̨. Eyı weghàà dǫ ts'ǫ̀ wedzeè nezı̨ wek'èts'eezǫ. Weghǫ shèts'ezhe łǫ naxıghàyele eyıts'ǫ naxıdzeè t'à naxınà anaxehɂı̨,” Paul gòhdı.

1 Corınth 1:21

Dıı nèè gots'ǫ dǫ gogı̨ı̨zǫǫ sìı Nǫ̀htsı̨ k'ègeezǫ-le, Nǫ̀htsı̨ yatıì t'à dǫ ts'ǫ̀ gots'edee sìı gıgha ezhı̨ne lanì. Hanìkò godı nezı̨ı̨ t'à ezhı̨ne k'ę̀ę̀ gots'ede gogı̨ı̨hwhǫǫ sìı wet'à dǫ hazǫǫ̀ gıgha ehkw'ı-ahodıı sìı Nǫ̀htsı̨ edaxàgole hǫt'e. Nǫ̀htsı̨ hanì eghàlaedaa sìı yeghǫ sìghà anıwǫ hǫt'e.

1 Corınth 2:8

Dıı nèk'e k'aodèe gı̨ı̨lı̨ı̨ sìı gınıedì-le ı̨lè. Gınıedì nı̨dè gots'ǫ̀ K'àowo enıìyah wehòhɂǫǫ sìı dechı̨et'aa k'e ełaàgıìhwhı ha-le ı̨lè.

1 Corınth 8:6

hanìkò goxı̨ gogha sìı Nǫ̀htsı̨ ı̨łè zǫ gǫ̀hłı̨, eyı sìı Nǫ̀htsı̨-Gotà hǫt'e. Ededı̨ t'asìı hazǫǫ̀ whehtsı̨ eyıts'ǫ ededı̨ wegha ts'eeda hǫt'e. Eyıts'ǫ gots'ǫ̀ K'àowo ı̨łè zǫ gǫ̀hłı̨, eyı sìı Zezì-Krı hǫt'e. Ededı̨ wet'ǫ̀ǫ̀ t'asìı hazǫǫ̀ hòèlı̨, eyıts'ǫ wet'à ts'eeda hǫt'e.

Colosse 1:16

Ededı̨ wet'à t'asìı hazǫǫ̀ hòèlı̨ hǫt'e: t'asìı yak'e whelaa, dıı nèk'e whelaa, t'asìı wègaat'ı̨ı̨, wègaat'ı̨-le, hazǫǫ̀ yèhtsı̨ hǫt'e. K'àowocho gı̨ı̨lı̨ı̨, k'aodèe gı̨ı̨lı̨ı̨, dèe-ts'ǫ̀-k'àowo gı̨ı̨lı̨ı̨, hazǫǫ̀ Nǫ̀htsı̨ Weza gòèhtsı̨ hǫt'e, eyıts'ǫ ededı̨ wegha gıhòèlı̨ hǫt'e.

Hebrew 11:3

Gogha ehkw'ı-ahodı t'à Nǫ̀htsı̨ edeyatıì t'à dèè, yat'a eyıts'ǫ t'asìı hazǫǫ̀ whehtsı̨ wek'èts'eezǫ hǫt'e. Hanì t'à t'asìı wègaat'ı̨ı̨ sìı t'asìı wègaat'ı̨ı̨ t'à hòèlı̨ nıìle.

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.