James 5:5 - Nǫ̀htsı̨ Nı̨htł'è

⁵ Dıı nèk'e dǫ ahxee k'ę̀ę̀ aahda, eyıts'ǫ t'asìı hazǫǫ̀ edegha zǫ wet'à-aaht'ı̨. Tıts'aàdìı ełaàgıìhwhıı gha łek'à agehɂı̨ lanì gosınìyaetıı dzęę̀ gha dǫ ahxee edèwhahtsı̨.

James 5:5 ပူးပေါင်းရင်းမြစ်များ

Luke 16:19

Zezì dǫ xè godo, hadı, “Įłàà dǫ ahxee ı̨łè, dzę taàt'eè goht'ǫ wèdaat'ı̨ı̨ yìı wheda xè hoı̨zı̨ zǫ nàde ı̨lè.

Luke 16:25

“Hanìkò Abraham yets'ǫ̀ hadı, ‘Ekò seza, dıı nèk'e nàądè ekò t'asìı nezı̨ı̨ zǫ t'à ı̨da ı̨lè; ekò Lazarus t'aa wexè hoìla zǫ ı̨lè. Dıì Lazarus wexè hoı̨zı̨į̀ agòjà, ekò nı̨ sìı nexè hoìla hǫt'e.

Rome 13:13

Dzęh dǫ geeda lanì ehkw'ı ts'eeda ha hǫt'e. Ts'edǫ xè ts'ıɂǫ̀-hots'eeɂà welè-le, gozhį̀į̀ t'à hołı̨ı̨ k'alats'edèe welè-le, ełets'ǫ̀ nàyats'ehtı welè-le, eyıts'ǫ ełeghǫ ts'ohots'eedı welè-le.

1 Tımothy 5:6

Hanìkò ts'èko gıdǫǫ̀ ełaı̨dèe sìı sìgoèt'ı̨ı̨ zǫ gı̨ı̨wǫ nı̨dè, ı̨łaà geeda et'ıì dǫ ełaı̨dèe lagı̨ı̨t'e.

2 Tımothy 3:4

ełeghǫyageeɂà ha, gınì nàìtło ha, t'asìı deè edegeetsı̨ ha, Nǫ̀htsı̨ nahk'e sìgoèt'ı̨ı̨ ghageewı ha,

2 Peter 2:13

Dànì dǫ ts'ǫ̀ hoìla ghàlagı̨ı̨dà k'ę̀ę̀ gıts'ǫ̀ hoìla adle ha. Dzę kò hołı̨ı̨ k'ę̀ę̀ sìgoèt'ı̨ hogehtsı̨ı̨ gıgha nezı̨. Eyı hanıı dǫ naxıta aget'ı̨ t'à į̀į̀zhaahłı̨ ha naxıghàlageeda. Naxıxè nàsı̨ ghǫ shègezhe kò edehołı̨į̀ k'ę̀ę̀ k'ehogeɂa gıgha nezı̨.

Jude 1:12

Eyı dǫ naxıxè ełeghǫnets'eètǫǫ gha nàsı̨ ghǫ shègezhe nı̨dè naxıta t'asìı ı̨hjı lagı̨ı̨t'e, eyıts'ǫ edeghǫ į̀į̀zhagı̨ı̨lı̨į̀ honàedı-le, sahzǫ̀ą-k'èdìı-dǫǫ̀ ededı̨ zǫ edewà-geedı lagı̨ı̨t'e. Chǫhk'oò wets'ǫ chǫh whìle, ekìı nı̨hts'ı k'eyehts'ıı lagı̨ı̨t'e. Xat'ǫ̀ jìechı̨į̀ wek'e jìe whìle xè wexochı̨į̀ xàts'ı̨ı̨hdla t'à nàekeè ełaı̨wo, eyı lagı̨ı̨t'e.

John Wenazhıı 18:7

T'asìı wèdaat'ı̨ı̨ łǫ xàɂaa wets'ǫ t'à ahxe k'ę̀ę̀ nàdè adììdlà. Eyı t'aànì enıìyah xè ahxe k'ę̀ę̀ ı̨ı̨dà xèht'eè daı̨ɂa xè wedzeè nànııtì aweahłe. Edeghǫ xàhodì gode, edets'ǫ̀ hadı, ‘Ts'èko-k'àowo aht'e t'à daèhchı̨cho k'e whıhda. Ts'èko wedǫǫ̀ wegà ełaı̨wo aht'e nıìle eyıts'ǫ sedzeè nànııtì hǫı̨lı̨ ha nıìle,’ edets'ǫ̀ hadı.