James 5:3 - Nǫ̀htsı̨ Nı̨htł'è

³ Naxıts'ǫ sǫǫ̀mbaekwo eyıts'ǫ sǫǫ̀mba degoo hazǫǫ̀ ek'eèhtsǫ̀ ajà. T'asìı hazǫǫ̀ ek'eèhtsǫ̀ǫ sìı weghàà t'asìı ghǫ aahdı-le ı̨lèe naxık'èhoedzǫ ha. Kǫ̀ t'à naxıkwǫ̀ k'eek'ǫ̀ lanì ha. Nǫǫde dzęę̀ gha t'asìı hazǫǫ̀ xàɂaa nàwhahtsı̨ hǫt'e.

James 5:3 ပူးပေါင်းရင်းမြစ်များ

Dànì Kèhoį̀wo 31:48

Laban hadı, “Jǫ kwe whelaa sìı ełexè yatı nàtsoo wììtsı̨ı̨ wenats'edì ha eyı gha hǫt'e,” hadı. Eyıt'à eyı nèk'e Galed gòyeh hǫt'e.

Dànì Kèhoį̀wo 31:52

Jǫ kwe whelaa sìı eyıts'ǫ jǫ kwe nàı̨ɂaa sìı wet'à goyatıì nats'edì ha hǫt'e. Nets'ǫ̀ hoìla hohtsı̨ ha jǫ kwe whelaa sìı wete ehtła ha nıìle, eyıts'ǫ nı̨ sets'ǫ̀ hoìla hoı̨htsı̨ ha jǫ kwe whelaa eyıts'ǫ jǫ kwe nàı̨ɂaa sìı wete aąde ha nıìle.

Dànì Kèhoį̀wo 49:1

Eyı tł'axǫǫ̀ Jacob edeza gokayaı̨htı, hadı, “Segà nìahdè, ı̨daà naxıxè dàgode ha sìı naxıts'ǫ̀ haehsı̨ ha.

Zezì Wecheekeèdeè 2:17

‘Nǫ̀htsı̨ hadı, Nǫǫde dzęę̀ ts'ǫ̀ hawe nı̨dè sets'ǫ Yedàyeh Nezı̨ı̨ dǫ hazǫǫ̀ k'e ahłe ha. Wedahxà naxıza eyıts'ǫ naxıtì xàyagehtı ha. Naxıts'ǫ cheko gınazhıı xègaat'ı̨ ha, naxıts'ǫ eneèko nàgete ha.

Rome 2:5

Hanìkò naxıkwì nàtso xè naxıdzeè t'à edek'eahłı̨-le t'à, Nǫ̀htsı̨ naxıts'ǫ̀ wek'èch'a aahłà hǫt'e. Nǫ̀htsı̨ edenàowoò ehkw'ıı k'ę̀ę̀ dǫ-sınìyaehtıı-dzęę̀ k'e nı̨dè, deɂǫ̀ǫ̀ hoìla anaxedle ha hǫt'e.

2 Tımothy 2:17

Ayìı dǫ hoghàgogeehtǫǫ sìı tàda lanì dǫ ta ts'ǫ̀ ade ha. Hymenaeus eyıts'ǫ Phıletus eyı nàke sìı hanì dǫ hoghàgogeehtǫ.

2 Peter 3:3

Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha, eyı sìı hotıì wenıahdì ha hǫt'e.

John Wenazhıı 17:16

Eyı tıts'aàdìı nechàa eyıts'ǫ edè hoònǫ weneeɂı̨ı̨ sìı eyı ts'èkojıı dzagı̨ı̨hwhǫ ha. Wekwǫ̀ǫyaà-geleè xè goht'ǫ dę whedaà agele ha. Wekwǫ̀ geɂà xè kǫ̀ t'à gık'eehk'ǫ̀ ha.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.

John Wenazhıı 21:8

Hanìkò dǫ gınì nàtso-le sìı, dǫ ehkw'ı-ahodı gı̨ı̨wǫ-le sìı, dǫjıı, dǫ ełaàgehdee dǫǫ̀, hołı̨ı̨ k'alagedèe dǫǫ̀, ı̨k'ǫǫ̀ gı̨ı̨lı̨ı̨, kwe t'à nǫ̀htsı̨ą hòèlı̨ı̨ ts'ǫ̀ yagehtıı, eyıts'ǫ hots'ìı-dǫǫ̀, hazǫǫ̀ kwe dèk'ǫ̀ǫ whehtǫǫ weta ts'ǫ̀ agedle ha. Nàekeè t'à ełaàgede ha,” sets'ǫ̀ hadı.