James 5:15 - Nǫ̀htsı̨ Nı̨htł'è

¹⁵ Gınì nàtsoo t'à yagehtı nı̨dè eyı dǫ eyaelı̨ı̨ sìı Nǫ̀htsı̨ k'aàt'ıì ayele ha, eyıts'ǫ gots'ǫ̀ K'àowo k'achı̨ nenaìtłaà ayele ha. Eyıts'ǫ eyı dǫ hołı̨ı̨ hòèhtsı̨ nı̨dè wehołı̨į̀ weghǫ nahoezhe ha.

James 5:15 ပူးပေါင်းရင်းမြစ်များ

Matthew 17:20

Zezì gots'ǫ̀ hadı, “Nǫ̀htsı̨ hayele ha hotıì naxıgha ehkw'ı-ahodı-le t'à. Ehkw'ı anaxèehsı̨, hòtł'ò-lea kò naxıgha ehkw'ı-ahodı nı̨dè, dıı shìh ts'ǫ̀ dıı haahdı ha dìì-le, ‘Jǫ gots'ǫ yeè ts'ǫ̀ adı̨ı̨le,’ wèahdı nı̨dè hade ha. Naxıgha ehkw'ı-ahodı nı̨dè t'asìı wı̨ı̨zìı naxıgha dìì gǫ̀hłı̨ ha nıìle,” Zezì gòhdı.

John 5:14

Eyı tł'axǫǫ̀ Nǫ̀htsı̨kǫ̀-gocho gà Zezì k'achı̨ nayat'ı̨ t'à, yets'ǫ̀ hadı, “Negha k'aàt'ıì agòjà, nezı̨. K'achı̨ hołı̨ı̨ k'ę̀ę̀ eghàlaı̨da-le, hanì-le-ı̨dè dànì eyanelèe sìı wenahk'e nexè hoìla agode ha,” yèhdı.

John 6:39

Amìı sı̨ı̨hɂàa sìı dıı hanıwǫ: dǫ hazǫǫ̀ seghàı̨laa sìı ı̨łè kò seghǫ dıkǫetła ha-le, hanìkò nǫǫde dzęę̀ k'e nı̨dè hazǫǫ̀ nagìdà agehłe ha.

1 Corınth 1:21

Dıı nèè gots'ǫ dǫ gogı̨ı̨zǫǫ sìı Nǫ̀htsı̨ k'ègeezǫ-le, Nǫ̀htsı̨ yatıì t'à dǫ ts'ǫ̀ gots'edee sìı gıgha ezhı̨ne lanì. Hanìkò godı nezı̨ı̨ t'à ezhı̨ne k'ę̀ę̀ gots'ede gogı̨ı̨hwhǫǫ sìı wet'à dǫ hazǫǫ̀ gıgha ehkw'ı-ahodıı sìı Nǫ̀htsı̨ edaxàgole hǫt'e. Nǫ̀htsı̨ hanì eghàlaedaa sìı yeghǫ sìghà anıwǫ hǫt'e.

2 Corınth 4:14

Nǫ̀htsı̨ sìı Zezì-Krı naìdà ayį̀į̀là hǫt'e, goxı̨ sı Zezì xè nats'ìdà agole ha hǫt'e, eyıts'ǫ naxıxè wenadąą̀ nàts'eèhzaà agole ha wek'èts'eezǫ.

James 1:6

Hanìkò t'asìı weahkè nı̨dè naxınì nàtso xè naxıgha ehkw'ı-ahodı ha hǫt'e, eyıts'ǫ ekìı ahodı dahwhǫ ha nıìle. Dǫ wınì nàtso-le sìı nı̨hts'ı t'à k'etaetı̨ lanì, nàke ts'ǫ̀ nànıwo lanì.

James 5:13

Dǫ wegha hoìla nı̨dè yeghǫ yawehtı. Naxıta dǫ wınà nı̨dè shı̨ t'à Nǫ̀htsı̨ ghàsǫedı welè.

James 5:16

Eyıt'à naxıhołı̨į̀ ghǫ ełets'ǫ̀ hǫdeahdè, eyıts'ǫ ełegha yaahtı, hanì-ı̨dè k'aàt'ıì aahde ha. Dǫ ehkw'ı edaa sìı yahtı nı̨dè weyatıì nàtso hǫt'e, eyıts'ǫ t'asìı gha yahtıı sìı wek'ę̀ę̀ hòɂǫ at'į̀.

James 5:20

dıı yatı wedaànıahdè: Amìı hołı̨ı̨-hohtsı̨ı̨-dǫǫ̀ ehkw'ı edaà anayehɂį̀ı̨ sìı ełaàwı ch'à edaxàyehtè hǫt'e, eyıts'ǫ wehołı̨į̀ łǫ sìı weghǫ nahoezheè ayehɂı̨ hǫt'e.