James 4:9 - Nǫ̀htsı̨ Nı̨htł'è

⁹ Edek'eahłı̨ t'à naxıdzeè nànııtì xè hòtł'ò aahtse. Nàɂaahdlò nı̨dè dıì aahtse, naxınà nı̨dè dıì ts'ǫǫ̀dahwhǫ.

James 4:9 ပူးပေါင်းရင်းမြစ်များ

Matthew 21:41

Zezì ts'ǫ̀ hagedı, “Eyı dǫ negezı̨-le sìı ełaàgòhde ha eyıts'ǫ dèè dǫ eyıì-le goghǫnèyıɂà ha; jìecho dıìdìı nı̨dè mǫ̀hdaa gıghàle ha sìı hanıı dǫ ghǫnèyıɂà ha hǫt'e,” gıìhdı.

Matthew 5:4

Amìı gıdzeè nànııtìı sìı gıxè sìghà hǫt'e; gıxè hoı̨zı̨ agode ha.

Luke 16:25

“Hanìkò Abraham yets'ǫ̀ hadı, ‘Ekò seza, dıı nèk'e nàądè ekò t'asìı nezı̨ı̨ zǫ t'à ı̨da ı̨lè; ekò Lazarus t'aa wexè hoìla zǫ ı̨lè. Dıì Lazarus wexè hoı̨zı̨į̀ agòjà, ekò nı̨ sìı nexè hoìla hǫt'e.

Luke 6:21

Dıì deahdì nı̨dè naxıxè sìghà hǫt'e; nezı̨į̀ shèahzhe ha. Dıì aahtse nı̨dè naxıxè sìghà hǫt'e; nàɂaahdlò ha.

Luke 6:25

Dıì nezı̨į̀ shèahzhe nı̨dè deahdì xè naxıgha hoìla ha hǫt'e. Dıì nàɂaahdlò nı̨dè naxıdzeè nànııtì xè aahtse ha.