James 4:4 - Nǫ̀htsı̨ Nı̨htł'è

⁴ Naxı̨ sìı Nǫ̀htsı̨ k'èch'a aaht'ı̨ hǫt'e. Dıı nèk'e gots'ǫ dǫ gıàgı̨ą ts'ı̨ı̨lı̨ nı̨dè Nǫ̀htsı̨ wedzats'ı̨ı̨hwhǫ hǫt'e, wek'èahsǫ-le nì? Amìı dıı nèk'e ts'ǫ nàowołı̨ı̨ k'ę̀ę̀ at'ı̨ı̨ sìı Nǫ̀htsı̨ ts'ǫ̀ xànıɂaà ade ha hǫt'e.

James 4:4 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 12:39

Zezì gots'ǫ̀ hadı, “Dǫ Nǫ̀htsı̨ k'èagı̨ı̨t'e-le xè hołı̨ı̨-nàowoò k'ę̀ę̀ geedaa sìı enıìyah deè geekè, hanìkò hanıı wı̨ı̨zìı geɂį̀ ha-le. Nǫ̀htsı̨ dànì nakwenàoɂǫǫ Jonah xè enıìyah eghàlaı̨dàa sìı eyı zǫ geɂį̀ ha.

Matthew 16:4

Dǫ Nǫ̀htsı̨ k'èagı̨ı̨t'e-le xè nàowołı̨ı̨ k'ę̀ę̀ eghàlageeda gı̨ı̨lı̨ı̨ sìı enıìyah deè geɂį̀ ha gı̨ı̨wǫ. Nǫ̀htsı̨ dànì nakwenàoɂǫǫ Jonah xè enıìyah eghàlaı̨dàa sìı eyı zǫ geɂį̀ ha,” gòhdı. Eyı tł'axǫǫ̀ Zezì gots'ǫǫ̀ naèhtła, t'asį̀ı̨ ts'ǫ̀ ajà.

Matthew 6:24

“Dǫ wı̨ı̨zìı k'àowo nàke gha eghàlaeda ha dìì. K'àowo ı̨łè ghǫneètǫ ha eyıts'ǫ ı̨łè nèlı̨ ha-le, eyıts'ǫ k'àowo ı̨łè k'èı̨t'e ha eyıts'ǫ ı̨łè wek'èı̨t'e ha-le. Nǫ̀htsı̨ eyıts'ǫ sǫǫ̀mba, į̀łah ełèht'eè gıgha eghàlats'eeda ha dìì hǫt'e.

Luke 19:27

Dǫ sets'ǫ̀ xànegı̨ı̨ɂa t'à gıgha k'àowocho ehłı̨ ha segı̨ı̨hwhǫ-le sìı jǫ nègıahwha, senadąą̀ ełaàgìahde,’ gòhdı,” Zezì hadıì goxè godo.

John 15:19

Dıı nèk'e dǫ gıxè aaht'ı̨ nı̨dè xàè edets'ǫ dǫ lanì naxıghǫnegeètǫ ha hǫt'e. Hanìkò dıì, gıts'ǫ dǫ aaht'e nıìle, dıı nèk'e dǫ gıta gots'ǫ naxìhchì hǫt'e. Eyı ts'ıhɂǫ̀ dǫ naxıdzagı̨ı̨hwhǫ hǫt'e.

John 17:14

Neyatıì gıghàehɂǫ hǫt'e, eyıt'à dıı nèk'e ts'ǫ dǫ secheekeè dzagı̨ı̨hwhǫ, sexèht'eè dıı nèk'e gots'ǫ agı̨ı̨t'e-le t'à.

John 7:7

Dıı nèk'e dǫ hazǫǫ̀ naxıdzagı̨ı̨hwhǫ ha dìì, hanìkò sı̨ nàowołı̨ı̨ k'ę̀ę̀ eghàlageeda gèehsı̨ t'à, sedzagı̨ı̨hwhǫ.

Rome 5:10

Įłaà Nǫ̀htsı̨ wek'èch'a ts'eeda ekò weza gogha ełaı̨wo t'à Nǫ̀htsı̨ wexè ts'èwhı̨į̀ ts'eedaà agǫ̀ǫ̀là. Nǫ̀htsı̨ wexè ts'èwhı̨į̀ ts'eeda agòìdlà zǫǫ̀-le, dıì Zezì wexè ts'eeda t'à denahk'e edaxàgole ha hǫt'e.

Rome 8:7

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

1 Corınth 1:20

Dǫ gogı̨ı̨zǫǫ edegeewǫǫ sìı amìı agı̨ı̨t'e edegeewǫ? Dǫ enı̨htł'è-deè ghàgeètǫ gı̨ı̨wǫǫ sìı amìı agı̨ı̨t'e edegeewǫ? Dıı nèè gots'ǫ nàowo t'à gogedee gı̨ı̨lı̨ı̨ sìı amìı agı̨ı̨t'e edegeewǫ? Nǫ̀htsı̨ sìı dıı nèè gots'ǫ nàowo sìı ezhı̨ne k'ę̀ę̀ ayį̀į̀là.

1 Corınth 1:21

Dıı nèè gots'ǫ dǫ gogı̨ı̨zǫǫ sìı Nǫ̀htsı̨ k'ègeezǫ-le, Nǫ̀htsı̨ yatıì t'à dǫ ts'ǫ̀ gots'edee sìı gıgha ezhı̨ne lanì. Hanìkò godı nezı̨ı̨ t'à ezhı̨ne k'ę̀ę̀ gots'ede gogı̨ı̨hwhǫǫ sìı wet'à dǫ hazǫǫ̀ gıgha ehkw'ı-ahodıı sìı Nǫ̀htsı̨ edaxàgole hǫt'e. Nǫ̀htsı̨ hanì eghàlaedaa sìı yeghǫ sìghà anıwǫ hǫt'e.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.