James 4:2 - Nǫ̀htsı̨ Nı̨htł'è

² T'asìı łǫ dahwhǫ hanìkò naxıghǫ̀t'à hǫı̨lı̨-le. Dǫ eyıì-le t'asìı gıts'ǫ sìı naxıdzeè t'à weahwhǫ hanìkò naxıghaelı̨ ha dìì, eyıt'à dǫ ełaahwhı xèht'e lanì. Ełets'ǫ̀ naxınì-le xè ełetawhıahdè. Nǫ̀htsı̨ weahkè-le ts'ıhɂǫ̀ t'asìı naxıghǫ̀t'à nıìle.

James 4:2 ပူးပေါင်းရင်းမြစ်များ

John 16:24

Dıı haı̨wa gots'ǫ̀ sıızì t'à t'asìı wı̨ı̨zìı Setà weahkè whìle hǫt'e. Eyıt'à t'asìı weahkè nı̨dè naxıghàɂà ha ne, hanì-ı̨dè sıì naxınà agode ha.

John 4:10

Zezì hayèhdı, “Nǫ̀htsı̨ ayìı dǫ ghàɂàa sìı wek'èı̨zǫ nı̨dè, eyıts'ǫ amìı tı neekèe sìı wek'èı̨zǫ nı̨dè, tı wı̨ı̨kè ha ı̨lè. Hanì-ı̨dè tı wet'à ts'eedaa neghàedı ha ı̨lè,” yèhdı.

James 1:5

Naxıta dǫ ı̨łè wınì gǫǫzǫ ha nıwǫ nı̨dè Nǫ̀htsı̨ ts'ǫ̀ yawehtı. Hanì-ı̨dè Nǫ̀htsı̨ yınì gǫı̨zǫǫ̀ ayele ha. Ayìı wets'eekèe sìı weɂǫ̀ǫ̀ goghàyele ha hǫt'e, eyıts'ǫ “Ayìıha sı̨ı̨kè?” gòhdı nàgoehɂǫ ha nıìle.

James 5:6

Dǫ ekǫ-le hogèhtsı̨-le xè naxık'èch'a aget'ı̨-le kò gısınìyaahtı xè ełaàgìahde hǫt'e.

1 John 3:15

Amìı edèot'ı̨ nèlı̨-le sìı eweèt'ı̨ı̨ gha wııtà hǫt'e, dǫ eweèt'ı̨ı̨ elı̨ı̨ sìı welǫ whìle ts'ǫ̀ eda ha nıìle, eyı wek'èahsǫ hǫt'e.