James 4:12 - Nǫ̀htsı̨ Nı̨htł'è

¹² Nǫ̀htsı̨ zǫ gogha nàowo whehtsı̨ xè gosınìyaehtıı elı̨ hǫt'e, ededı̨ zǫ edaxàgole ha, hanì-le-ı̨dè godıhohtsı̨ ha. Hanìkò naxı̨ sìı naxèot'ı̨ gısınìyaahtı ha naxıghàhòt'ǫ nıìle.

James 4:12 ပူးပေါင်းရင်းမြစ်များ

Matthew 10:28

Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Luke 12:5

Hanìkò amìı wets'àahjı̨ ha sìı naxıdaehsı̨ ha: dǫ ełaàgòı̨hdè tł'axǫǫ̀ wehłı̨kǫ̀ goyagoehdè ha wegha dìì-le sìı eyı wets'àahjı̨ ha hǫt'e.

Rome 14:13

Eyıt'à ełesınìyats'ehtı welè-le. Naxèot'ı̨ naxıt'à hołı̨ı̨ hogehtsı̨ ch'à naxınì nàtsoò aahwhǫ xè edek'èahdì.

Rome 14:4

Eyı dǫ wets'ǫ̀ k'àowo anet'e nıìle t'à wesınìyaąhtı ha nıìle. Dǫ nezı̨ı̨ elı̨, hanì-le-ı̨dè dǫ nezı̨-le elı̨ı̨ sìı wets'ǫ k'àowo wets'ǫ̀ hoèlı̨ hǫt'e. Gots'ǫ̀ K'àowo dǫ nezı̨ı̨ elı̨į̀ ayele ha dìì-le t'à dǫ nezı̨ı̨ elı̨ k'ę̀ę̀ wııtà ha.

Rome 2:1

Eyıt'à, wek'èts'eezǫ-le, dahdı ha dìì hǫt'e. Dànì dǫ eyıì-le gısınìyaahtıı sìı eyı weghàà edesınìyaahtı hǫt'e, naxı̨ dǫ eyıì-le gısınìyaahtıı sìı hotıì gıxèht'eè eghàlaahda hǫt'e t'à.

Rome 9:20

Hanìkò ayìıcho aaht'e dahwhǫ t'à hanì Nǫ̀htsı̨ ts'ǫ̀ ek'èt'à goahde welì? “Ededı̨ gòèhtsı̨ı̨ sìı wek'èch'a gots'ede ha nì? ‘Dànìghǫ dıı hanì sèwheęhtsı̨ nǫǫ̀?’ hats'edıì dawets'eehke ha nì?”

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

James 5:9

Sèot'ı̨ı̨, ełek'èch'a goahde-le. Haaht'ı̨ nı̨dè naxısınìyaetı ha. Dǫ-sınìyaehtıı-dǫǫ̀ hòt'a naxısınìyahtı ha nìkw'o!