James 4:1 - Nǫ̀htsı̨ Nı̨htł'è

¹ Ayìı ts'ıhɂǫ̀ ełets'ǫ̀ ààhch'e xè ełek'èch'a aahdı? Naxıdzeè yìı hołı̨ı̨ nàowoò naxık'alawo t'à ełets'ǫ̀ ààhch'e hǫt'e.

James 4:1 ပူးပေါင်းရင်းမြစ်များ

Matthew 15:19

Nàowołı̨ı̨ t'à nànıts'edèe sìı godzeè yìı gots'ǫ at'ı̨ hǫt'e. Godzeè t'à dıı hanì nezı̨į̀ nànıts'edè-le: dǫ ełaàts'ehwhıı, ełexè hołı̨ı̨ hots'ehtsı̨ı̨, hołı̨ı̨ k'ę̀ę̀ ełek'alats'edèe, ets'eeɂį̀ı̨, dǫ ghǫ hots'ets'ìı, eyıts'ǫ dǫ gıızì jıı ts'ehtsı̨.

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

Rome 7:23

hanìkò nàowołı̨ı̨ sezhį̀į̀ yìı eghàlaedaa sìı nàowo nezı̨ı̨ sedzeè yìı wheɂǫǫ k'èch'a eghàlaeda wek'èehsǫ. Hołı̨ı̨-nàowoò seyìı eghàlaedaa sìı sets'ǫ̀ k'àhowo t'à sedaàtǫ laaht'e.

Rome 7:5

Goınìłı̨ı̨ gots'ǫ̀ k'àhowo ekò, Moses wenàowoò weghǫ ets'ıìkw'o t'à gonìłı̨ı̨ yek'èch'a eghàlaeda ha nıwǫ. Eyıts'ǫ gozhį̀į̀ t'à hołı̨ı̨ hots'èhtsı̨ı̨, gonìłı̨ı̨ k'ę̀ę̀ eghàlats'eeda ı̨lèe sìı wet'à ełaàts'ede ı̨lè.

Rome 8:7

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

Galatıa 5:17

Gonìłı̨ı̨ sìı Yedàyeh Nezı̨ı̨ k'èch'a anıwǫ hǫt'e eyıts'ǫ Yedàyeh Nezı̨ı̨ sìı gonìłı̨ı̨ k'èch'a anıwǫ hǫt'e. Ełek'èch'a agı̨ı̨wǫ t'à ayìı dàahłe ha dahwhǫǫ sìı haahłe ha dìì hǫt'e.

Colosse 3:5

Eyıt'à dıı nèk'e gots'ǫ hołı̨ı̨ nàowoò naxıts'ǫ̀ k'àowo-le aahłe. Dıı hołı̨ı̨ nàowoò hǫt'e: gozhį̀į̀ t'à hołı̨ı̨ k'alats'edèe, gonìłı̨ı̨, hołı̨ı̨ ghats'eewı, eyıts'ǫ t'asìı ghǫ ets'edì-le. T'asìı gha ets'edì-le sìı gogha nǫ̀htsı̨ elı̨į̀ at'į̀ hǫt'e.

2 Tımothy 2:23

Dǫ ezhı̨ne k'ę̀ę̀ ełets'ǫ̀ nàyagehtıı sìı gıxè anet'ı̨-le. Eyı hagedı t'à dǫ ełets'ǫ̀ gìch'e wek'èı̨zǫ hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

Tıtus 3:9

Hanìkò ezhı̨ne nàowoò t'à ełets'ǫ̀ nàyats'ehtıı sìı eyıts'ǫ gocho gıızì dek'eèhtł'è k'èts'edìı sìı wedę anele. Moses wenàowoò ghǫ nàyaı̨htı-le, hats'edıı sìı wet'àhots'eehwhı nıìle eyıts'ǫ wet'àaɂà nıìle.

James 1:14

Hanìkò dǫ edınì t'à hołı̨ı̨ nıwǫ ts'ıhɂǫ̀ weèdzà hǫt'e. Hołı̨ı̨ nàowoò ts'ıɂǫ̀ yeehtè lanì.

James 4:3

Weahkè sǫnı kò t'asìı naxıghǫ̀t'à-le nı̨dè naxınì ekǫ-le t'à weahkè ts'ıhɂǫ̀ hǫt'e. T'asìı naxıghǫ̀t'ǫ nı̨dè sìgoèt'ı̨ı̨ zǫ ts'ǫ̀ wek'ehoahwhı ha dahwhǫ.

1 Peter 1:14

Chekoa edetà k'èı̨t'ee lanì Nǫ̀htsı̨ k'èaht'e. Įnę̀ę godı nezı̨ı̨ k'èahsǫ-le ekò naxınìłı̨ı̨ k'ę̀ę̀ k'ehoahɂa ı̨lè, hanìkò dıì sìı hanì aahda ha nıìle.

1 Peter 2:11

Seàgı̨ą, dıı nèk'e ts'ǫ dǫ gıta xàhtǫ laaht'e t'à hołı̨ı̨ naxıdą̀ązhį̀ı̨ k'alawoo sìı wek'ę̀ę̀ aahda ha-le naxıghǫ hòtł'ò hahwhǫ.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

2 Peter 3:3

Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha, eyı sìı hotıì wenıahdì ha hǫt'e.