James 3:2 - Nǫ̀htsı̨ Nı̨htł'è

² Goxı̨ dǫ ts'ı̨ı̨lı̨ı̨ sìı ekǫ-le eghàlats'eeda hǫt'e. Dǫ edewà t'à ekǫ-le xàyahtı-le sìı deghàà dǫ nezı̨ı̨ elı̨ hǫt'e, eyıts'ǫ ekǫ-le eghàlaeda ch'à edezhį̀į̀ hazǫǫ̀ k'èdì ha dìì-le.

James 3:2 ပူးပေါင်းရင်းမြစ်များ

Matthew 12:34

Naxı̨ sìı wehłı̨ı̨ weza laaht'e! Hołı̨ı̨-hoahtsı̨ı̨-dǫǫ̀ aaht'e t'à t'asìı nezı̨ı̨ ghǫ goahde ha dìì. Dǫ gıdzeè yìı ayìı whelaa weghàà gogede hǫt'e.

Matthew 12:37

Naxıyatıì ghàà naxısınìyaetı ha. Yatı nezı̨ı̨ t'à goahde nı̨dè wek'èxa t'asanaxedle ha-le, ekò yatı nezı̨-le t'à goahde nı̨dè wek'èxa hoìla anaxedle ha,” Zezì gòhdı.

Rome 3:10

Nǫ̀htsı̨ Nı̨htł'è k'e dıı hanì dek'eèhtł'è, “Dǫ wı̨ı̨zìı ehkw'ı edaa gǫ̀hłı̨ nıìle, dǫ hanıı ı̨łè kò gǫ̀hłı̨ nıìle.

Rome 7:21

Eyıt'à dıı hanì sexè hòɂǫ: Nàowo nezı̨ı̨ eghàlaehda ha dehwhǫ kò nàowołı̨ı̨ sedaèht'è.

1 Corınth 9:27

Į̀le, sezhį̀į̀ sek'èı̨t'e xè segha eghàlaedaà ahɂı̨. Hanì-ı̨dè godı nezı̨ı̨ t'à dǫ ts'ǫ̀ goıhde tł'axǫǫ̀ nı̨dè, t'asìı deè ts'eehnè gha sedę asedle ha nıìle.

Galatıa 3:22

Hanìkò Nǫ̀htsı̨ Nı̨htł'è k'e, dǫ hazǫǫ̀ hołı̨ı̨ nàowoò gıts'ǫ̀ k'ahowo, dek'eèhtł'è. Hanì ts'ıhɂǫ̀ Zezì-Krı gogha ehkw'ı-ahodı nı̨dè eyı Nǫ̀htsı̨ yatı whehtsı̨ı̨ sìı goghǫ̀t'à ha hǫt'e.

Galatıa 5:17

Gonìłı̨ı̨ sìı Yedàyeh Nezı̨ı̨ k'èch'a anıwǫ hǫt'e eyıts'ǫ Yedàyeh Nezı̨ı̨ sìı gonìłı̨ı̨ k'èch'a anıwǫ hǫt'e. Ełek'èch'a agı̨ı̨wǫ t'à ayìı dàahłe ha dahwhǫǫ sìı haahłe ha dìì hǫt'e.

Colosse 1:28

Zezì-Krı weghǫ dǫ ts'ǫ̀ gots'ede. Dǫ ehkw'ı geeda ha ts'ı̨ı̨wǫ ts'ıhɂǫ̀, wet'à gots'ı̨ı̨zǫǫ̀ ats'ejàa sìı t'à dǫ hazǫǫ̀ nàgets'eɂǫ xè hoghàgets'eehtǫ. Hanì-ı̨dè Zezì-Krı wets'ıhɂǫ̀ dǫ hazǫǫ̀ degaı k'ę̀ę̀ agets'ele ha ts'ı̨ı̨wǫ.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.

Hebrew 13:21

Nǫ̀htsı̨ wınì k'ę̀ę̀ eghàlaahda gha t'asìı hazǫǫ̀ naxıghàyııle. Eyıts'ǫ ayìı wınì k'ę̀ę̀ ne sìı Zezì-Krı wet'ǫ̀ǫ̀ naxıdzeè yìı yeghàlaıdà. Welǫ whìle ts'ǫ̀ Zezì weghàsǫhoedı welè. Amen.

James 1:26

Dǫ Nǫ̀htsı̨ ghǫ wınì nàtsoò edeewǫ, hanìkò edeyatıì xoehdı-le nı̨dè edeghǫyaeɂà hǫt'e eyıts'ǫ ayìı wegha ehkw'ı-ahodıı sìı wet'àaɂà-le hǫt'e.

James 1:4

Įłaà naxınì nàtsoò aahwhǫ nı̨dè deghàà naxıgha ehkw'ı-ahodı ha, eyıts'ǫ nezı̨į̀ eghàlaahda gha t'asìı wı̨ı̨zìı naxıgha dek'aɂį̀ ha-le.

James 2:10

Nàowo hazǫǫ̀ k'èahdì hanìkò nàowo ı̨łè zǫ nàahzhì nı̨dè nàowo hazǫǫ̀ k'eahzhì gha naxısınìyaetı ha hǫt'e.

1 Peter 3:10

Hanì dek'eèhtł'è, “Amìı whaà ts'ǫ̀ ıhdà nıwǫ eyıts'ǫ wexè sìghà welè nıwǫǫ sìı hołı̨ı̨ yatıì t'à gode eyıts'ǫ hots'ì gode ch'à edewà k'èdì ha hǫt'e.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.