James 3:13 - Nǫ̀htsı̨ Nı̨htł'è

¹³ Naxıta dǫ gǫǫzǫ xè t'asìı nıedì edeewǫ nı̨dè ehkw'ı eda t'à wègaat'ı̨į̀ ayııle, eyıts'ǫ gǫǫzǫ t'à k'èeweèt'ı̨ k'ę̀ę̀ dǫ ts'ǫ̀ nezı̨į̀ eghàlaıdà.

James 3:13 ပူးပေါင်းရင်းမြစ်များ

Matthew 11:29

Senàowoò edek'e aahłe eyıts'ǫ hoghànaxııhtǫ. Dǫ ts'ǫ̀ sedzeè nezı̨ xè k'èeweèt'ı̨ aht'e. Sek'èaht'e nı̨dè naxıdzeè xè ts'èwhı̨į̀ hòɂǫ ha.

Matthew 21:5

“Jerusalem got'ı̨į̀ gıts'ǫ̀ dıı haahdı, ‘Naxıts'ǫ k'àowocho ts'èwhı̨į̀ nıwǫ xè tłı̨tsoa weza k'e dawheda xè naxıts'ǫ̀ nayahte,’ ” nakwenàoɂǫǫ hadı ı̨lè.

Matthew 5:5

Amìı k'èeweèt'ı̨ gı̨ı̨lı̨ı̨ sìı gıxè sìghà hǫt'e; dèè gıghaelı̨ ha.

Matthew 7:24

“Eyıt'à amìı seyatıì ıìkw'o xè yek'ę̀ę̀ edaa sìı dǫ gǫǫzǫǫ kwe k'e edekǫ̀ gòhtsı̨ı̨ lanì hǫt'e.

1 Corınth 6:5

Edeghǫ į̀į̀zhaahłı̨ ha, hanì naxıts'ǫ̀ gohde. Naxıta dǫ gosınìyaehtı ha dǫ gǫǫzǫǫ gǫ̀hłı̨-le nì?

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 8:24

Eyıt'à eyı dǫ taı gıghǫnıahtǫǫ sìı gık'èezǫǫ̀ agıahłe, eyıts'ǫ ayìı ghǫ naxıghǫ xàhots'edìı sìı wek'ę̀ę̀ ehkw'ı eghàlaahda. Hanì-ı̨dè Nǫ̀htsı̨ wecheekeè hazǫǫ̀ gık'èezǫ ha.

Galatıa 5:23

ełets'ǫ̀ godzeè nezı̨ı̨, eyıts'ǫ hołı̨ı̨ nàowoò ch'à edek'èts'edì. Eyı hanıı wets'àet'ǫ gha nàowo gǫ̀hłı̨ nıìle.

Galatıa 6:1

Sèot'ı̨ı̨, naxı̨ Yedàyeh Nezı̨ı̨ k'ę̀ę̀ aahdaa sìı dǫ hołı̨ı̨ hòèhtsı̨ wek'èahsǫ nı̨dè, eyı dǫ wets'ǫ̀ naxıdzeè nezı̨ı̨ t'à ehkw'ı edaà aweahłe. Hanìkò edexoahdı, naxı̨ sı hołı̨ı̨ nàowoò t'à naxeèdzà ha sǫnı.

Galatıa 6:4

Hazǫǫ̀ naxıtaàt'eè dànì k'ehoahɂaa sìı ededaànıahdè ha hǫt'e. Dǫ hat'ı̨ı̨ sìı edeghǫ nezı̨į̀ anıwǫ ha, eyıts'ǫ dǫ eyıì-le nahk'e aht'e edeewǫ ha nıìle.

Ephesus 4:2

Hotıì k'èeweèt'ı̨ k'ę̀ę̀ aahda, dǫ ts'ǫ̀ naxıdzeè nezı̨ welè, eyıts'ǫ ełeghǫnıahtǫ xè ełexè ts'èwhı̨į̀ aahda.

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

1 Tımothy 4:12

Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

1 Tımothy 6:11

Hanìkò Tımothy, nı̨ sìı Nǫ̀htsı̨ wets'ǫ dǫ anet'e, eyı hołı̨ı̨ nàowoò hazǫǫ̀ ch'à edek'ènedì. Nàowo ehkw'ıı zǫ neewǫ, Nǫ̀htsı̨ wınì k'ę̀ę̀ ı̨da, wets'ǫ̀ nınì nàtso anehwhǫ, dǫ ghǫneę̀tǫ, negha hoìla kò enaąt'è-le, eyıts'ǫ dǫ ts'ǫ̀ nedzeè nezı̨ welè.

2 Tımothy 2:25

Dǫ gık'èch'a agedıı sìı edek'egı̨ı̨lı̨ gha Nǫ̀htsı̨ goghàhòɂà ha t'à ts'èwhı̨į̀ hoghàgoehtǫ ha hǫt'e. Hanì-ı̨dè nàowo ehkw'ıı sìı gık'èezǫǫ̀ agede ha,

Tıtus 3:2

Dǫ gıızì jıı gııhtsı̨-le, dǫ hazǫǫ̀ ts'ǫ̀ ts'èwhı̨į̀ gııdà, gıdzeè nezı̨ı̨ t'à dǫ daànıgedè ha eyıts'ǫ dǫ hazǫǫ̀ ts'ǫ̀ k'èeweèt'ı̨ k'ę̀ę̀ geeda ha hǫt'e.

Hebrew 13:5

Sǫǫ̀mba ghaahwhı ch'à edek'èahdì, eyıts'ǫ ayìı naxıts'ǫ sìı wet'à naxınà welè. Nǫ̀htsı̨ dıı hadı t'à, “Naxıts'ǫǫ̀ ahde hǫı̨lı̨ ha nıìle, ɂǫ̀naxeehdè hǫı̨lı̨ ha nıìle,” hadı, dek'eèhtł'è.

James 1:21

Eyıt'à hołı̨ı̨ nàowoò hazǫǫ̀ wet'à hołı̨ı̨ k'ę̀ę̀ k'ehoahɂaa sìı wedę aahłe. Nǫ̀htsı̨ yatıì naxıdzeè yìı adlàa sìı k'èeweèt'ı̨ lanì wek'ę̀ę̀ aahda, eyı wet'à edaxànaxeetè ha dìì-le.

James 2:18

Hanìkò dǫ sets'ǫ̀ dıı hadı nı̨dè, “Nı̨ negha ehkw'ı-ahodı, hanìkò sı̨ nezı̨į̀ eghàlaehda,” sèhdı nı̨dè, wets'ǫ̀ dıı haehsı̨ ha. “Negha ehkw'ı kò wek'ę̀ę̀ eghàlaı̨da-le sìı weghàıhdà, ekò sı̨ ayìı dàhɂı̨ weghàà segha ehkw'ı-ahodıı sìı weghàı̨daà anehłe ha,” haehsı̨ ha.

James 3:1

Sèot'ı̨ı̨, dǫ-hoghàehtǫǫ-dǫǫ̀ aahłı̨ ha k'ehoahɂa-le. Dǫ-hoghàehtǫǫ ts'ı̨ı̨lı̨ nı̨dè dǫ eyıì-le gınahk'e hòtł'ò gosınìyaetı ha, wek'èahsǫ hǫt'e.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 Peter 1:15

Amìı naxıkayaı̨htıı sìı degaı hǫt'e, eyıt'à wexèht'eè degaı aaht'e ha hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

1 Peter 3:4

hanìkò naxıdzeè t'à naxèdaat'ı̨ ha hǫt'e. Dǫ ts'ǫ̀ naxıdzeè nezı̨ı̨ eyıts'ǫ ts'èwhı̨į̀ dahwhǫ nı̨dè Nǫ̀htsı̨ wegha t'asìı nechàa hǫt'e.