James 3:10 - Nǫ̀htsı̨ Nı̨htł'è

¹⁰ Gowà et'ıì t'à Nǫ̀htsı̨ weghàsǫts'eedı eyıts'ǫ wet'à dǫ ts'ǫ̀ nàdahots'eeɂà. Sèot'ı̨ı̨, hanì ha dìì.

James 3:10 ပူးပေါင်းရင်းမြစ်များ

Dànì Kèhoį̀wo 20:9

Eyıt'à Abımelek Abraham kayaı̨htı, hayèhdı, “Ayìıha ekǫ-le gots'ǫ̀ eghàlaneedà? Nets'ǫ̀ ekǫ-le hòwhıhtsı̨ nıìle hanìkò nı̨ sìı hołı̨ı̨ nechàa, sı̨ sek'e eyıts'ǫ sets'ǫ dǫ gık'e wheɂǫǫ̀ anelà. Hanì sets'ǫ̀ ekǫ-le eghàlaı̨da ha-le ı̨lè.

Rome 12:14

Dǫ danaxegį̀ı̨hɂaa sìı gıgha yaahtı; gıts'ǫ̀ hoìla agode ha dahwhǫ-le hanìkò gıts'ǫ̀ nezı̨į̀ aahdı.

1 Corınth 3:3

Įłaà dıı nèk'e gots'ǫ dǫ lanì nànıahdè. Ełeghǫ ts'oxoahdı eyıts'ǫ ełets'ǫ̀ nàyaahtı nı̨dè, dıı nèk'e gots'ǫ dǫ gıxèahɂı̨ laaht'ı̨. Dǫ Nǫ̀htsı̨ k'ègeezǫ-le sìı gıxèahɂı̨ hǫt'e.

1 Tımothy 5:13

Zezì ts'ǫ̀ edeyatıì k'egı̨ı̨zhì wedaats'ǫ̀ gots'egeedì agede ha sǫnı, eyıt'à ekìı kǫ̀ta k'egedè agede ha. Gots'egeedì agede wedaats'ǫ̀ yatıts'ıì kǫ̀ta k'egeɂa xè t'asìı gı̨į̀dı-le sìı ghǫ gogedeè agede ha, eyıts'ǫ t'asìı gıghǫ gode ha-le sìı ghǫ gogedeè agede ha.

James 1:16

Sèot'ı̨ı̨, edeghǫyaahɂà sǫ̀ǫ̀.

James 1:19

Sèot'ı̨ı̨, dıı yatı wedaànıahdè: Dǫ hazǫǫ̀ ekòet'ıì egeèhkw'ǫ welì, hanìkò ekòet'ıì xàyagııhtı-le, eyıts'ǫ ı̨whąą̀ gìch'e welè-le.

James 3:1

Sèot'ı̨ı̨, dǫ-hoghàehtǫǫ-dǫǫ̀ aahłı̨ ha k'ehoahɂa-le. Dǫ-hoghàehtǫǫ ts'ı̨ı̨lı̨ nı̨dè dǫ eyıì-le gınahk'e hòtł'ò gosınìyaetı ha, wek'èahsǫ hǫt'e.

James 3:11

Tık'è ı̨łè zǫ gots'ǫ sìı tı nezı̨ı̨ eyıts'ǫ dewatì xàetł'ì nıìle.

James 3:9

Gowalıì t'à Nǫ̀htsı̨-Gotà weghàsǫts'eedı, hanìkò eyı gowalıì et'ıì t'à dǫ Nǫ̀htsı̨ k'ę̀ę̀ gıhòèlı̨ı̨ sìı gıts'ǫ̀ nàdahots'eeɂà.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.