James 3:1 - Nǫ̀htsı̨ Nı̨htł'è

¹ Sèot'ı̨ı̨, dǫ-hoghàehtǫǫ-dǫǫ̀ aahłı̨ ha k'ehoahɂa-le. Dǫ-hoghàehtǫǫ ts'ı̨ı̨lı̨ nı̨dè dǫ eyıì-le gınahk'e hòtł'ò gosınìyaetı ha, wek'èahsǫ hǫt'e.

James 3:1 ပူးပေါင်းရင်းမြစ်များ

Matthew 10:24

“Dǫ hoghàweètǫǫ sìı hoghàyeehtǫǫ-dǫǫ̀ nahk'e elı̨ nıìle, eyıts'ǫ k'àowo wecheekeè sìı edets'ǫ k'àowo nahk'e elı̨ nıìle.

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Matthew 9:11

Pharısee gı̨ı̨lı̨ı̨ sìı gogıaɂı̨ ekò Zezì wecheekeè ts'ǫ̀ hagedı, “Dànìghǫ naxıts'ǫ̀ k'àowo sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨?” gògedı.

Luke 16:2

Eyıt'à k'àowo edecheekeè kayaı̨htı gà yets'ǫ̀ hadı, ‘Neghǫ godı nezı̨-le eèhkw'o. Hòt'a segha eghàlaı̨da ha-le t'à, t'asìı hazǫǫ̀ netł'aà whelaa sìı dek'enìı̨tł'è,’ yèhdı.

Luke 6:37

“Dǫ sınìyaahtı-le, hanì-ı̨dè naxısınìyaetı ha-le. Dǫ gıdę kò dahwhǫ-le nı̨dè Nǫ̀htsı̨ naxıdę anaxele ha-le. Dǫ ghǫ nahoahłe nı̨dè Nǫ̀htsı̨ naxıghǫ nahoele ha.

John 3:10

Zezì yets'ǫ̀ hadı, “Nı̨ sìı Israel got'ı̨į̀ gha dǫ-hoghàehtǫǫ-dǫǫ̀ nelı̨, hanìkò dàehsı̨ı̨ sìı wenıı̨dì-le nì?

Zezì Wecheekeèdeè 13:1

Kǫ̀ta Antıoch ekǫ Nǫ̀htsı̨ wecheekeè gıta nakwenàoɂǫǫ eyıts'ǫ dǫ-hoghàehtǫǫ-dǫǫ̀ gǫ̀hłı̨: Barnabas, Sımeyon (Naıger sı wìyeh), Cyrene got'ı̨į̀ Lucıyus, Manan (k'àowocho Herod xè dèzhǫ) eyıts'ǫ Saul.

1 Corınth 12:28

Nǫ̀htsı̨ sìı t'akwełǫ̀ǫ̀ wecheekeè gıta gots'ǫ edecheekeèdeè gǫį̀hchìı hǫt'e, eyı k'èè nakwenàoɂǫǫ, eyı k'èè dǫ-hoghàehtǫǫ-dǫǫ̀, eyı k'èè enıìyah-hogehtsı̨ı̨-dǫǫ̀, eyı k'èè dǫ-k'aàt'ıì-agehɂı̨ı̨-dǫǫ̀, eyı k'èè dǫ-ts'àdıı-dǫǫ̀, eyı k'èè t'asìı-gha-k'aodèe-gı̨ı̨lı̨ı̨-dǫǫ̀, eyıts'ǫ eyı k'èè yatı-ładı̨ı̨-t'à-gogedee-dǫǫ̀ gǫį̀hchìı hǫt'e.

2 Corınth 5:10

Ehkw'ı anaxèehsı̨, goxı̨ hazǫǫ̀ Zezì-Krı wenadąą̀ nìts'edè gà gosınìyaehtı ha hǫt'e. Dǫ hazǫǫ̀ ı̨łaà edezhį̀į̀ yìı geeda et'ıì ayìı hogehtsı̨ k'èxa gıghàhòt'à ha. Ehkw'ı gı̨ı̨dà, hanì-le-ı̨dè ehkw'ı gı̨ı̨dà-le k'èxa goghàhòɂà ha.

Ephesus 4:11

Ededı̨ sìı dǫ mǫ̀hdaa wecheekeèdeè gı̨ı̨lı̨ ha goghàhòı̨ɂǫ hǫt'e, mǫ̀hdaa nakwenàoɂǫǫ gı̨ı̨lı̨ ha, mǫ̀hdaa godı nezı̨ı̨ k'egeɂaa gı̨ı̨lı̨ ha, mǫ̀hdaa Nǫ̀htsı̨ wets'ǫ dǫ k'ègedìı gı̨ı̨lı̨ ha, eyıts'ǫ mǫ̀hdaa dǫ hoghàgogeehtǫǫ gı̨ı̨lı̨ ha agǫ̀ǫ̀là.

1 Tımothy 1:7

Moses wenàowoò hoghàgogeehtǫ ha gı̨ı̨wǫ eyıts'ǫ ayìı ghǫ agedıı sìı hotıì ehkw'ı ats'edı gı̨ı̨wǫ, hanìkò ayìı ghǫ gogedee sìı gınıedì-le.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

2 Tımothy 1:11

Godı nezı̨ı̨ dǫ ts'ǫ̀ haehsı̨ ha, eyıts'ǫ wet'à dǫ hoghàehtǫ ha, eyı gha wecheekeèdeè ehłı̨ ha sį̀į̀hchì hǫt'e.

Hebrew 13:17

Naxıts'ǫ̀ k'aodèe gı̨ı̨lı̨ı̨ sìı gık'èaht'e. Nezı̨į̀ naxık'ègedì hǫt'e eyıts'ǫ dànì eghàlageeda k'èxa Nǫ̀htsı̨ gosınìyaehtı ha hǫt'e. Gık'èaht'e, hanì-ı̨dè gınà edılaà ghàlageeda ha, eyıts'ǫ gıgha dezhì ha-le. Gılaà gıgha dezhì aahłà nı̨dè gıt'àhoahwhı ha nıìle.

James 1:16

Sèot'ı̨ı̨, edeghǫyaahɂà sǫ̀ǫ̀.

James 1:19

Sèot'ı̨ı̨, dıı yatı wedaànıahdè: Dǫ hazǫǫ̀ ekòet'ıì egeèhkw'ǫ welì, hanìkò ekòet'ıì xàyagııhtı-le, eyıts'ǫ ı̨whąą̀ gìch'e welè-le.

James 3:10

Gowà et'ıì t'à Nǫ̀htsı̨ weghàsǫts'eedı eyıts'ǫ wet'à dǫ ts'ǫ̀ nàdahots'eeɂà. Sèot'ı̨ı̨, hanì ha dìì.

1 Peter 5:3

Dǫ gıxoahdı ha anaxììdlàa sìı gıts'ǫ̀ k'adahoahdè-le, hanìkò Nǫ̀htsı̨ wesahzǫ̀ą gıgha k'aodèe nezı̨ı̨ aahłı̨, hanì-ı̨dè naxıxègeɂı̨į̀ agede ha hǫt'e.