James 2:8 - Nǫ̀htsı̨ Nı̨htł'è

⁸ Nǫ̀htsı̨ Nı̨htł'è k'e dıı hanì dek'eèhtł'èe, “Edeghǫnıahtǫ k'ę̀ę̀ naxèot'ı̨ ghǫnıahtǫ.” Eyı nàowo nezı̨ı̨ wek'èahdì nı̨dè ehkw'ı eghàlaahda hǫt'e.

James 2:8 ပူးပေါင်းရင်းမြစ်များ

Matthew 22:39

Nàowo wek'èè wheɂǫǫ sìı dıı hanì dek'eèhtł'è: ‘Edeghǫnıahtǫ k'ę̀ę̀ naxèot'ı̨ gıghǫnıahtǫ ha hǫt'e.’

Matthew 25:21

“Wets'ǫ̀ k'àowo hayèhdı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea t'à nezı̨į̀ eghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Matthew 25:23

“Wets'ǫ̀ k'àowo yets'ǫ̀ hadı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea nezı̨į̀ weghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Matthew 7:12

Eyı xèht'eè dànì dǫ naxıts'ǫ̀ nezı̨į̀ eghàlageeda ha dahwhǫ k'ę̀ę̀ gıts'ǫ̀ eghàlaahda. Moses wenàowoò eyıts'ǫ nakwenàoɂǫǫ gını̨htł'è k'e hanì dek'eèhtł'è.

Rome 13:10

Dǫ gıghǫnıahtǫ nı̨dè, gıts'ǫ̀ hojıì eghàlaahda ha nıìle. Eyıt'à ełeghǫnets'eètǫ nı̨dè Moses wenàowoò deghàà weghàlats'ı̨ı̨dà gha ıtà hǫt'e.

Galatıa 5:14

Eyı nàowo hǫt'ıì sìı nàowo ı̨łè ghǫ godeè-adı hǫt'e, eyı sìı dıı hǫt'e, “Edeghǫnıahtǫ k'ę̀ę̀ naxèot'ı̨ gıghǫnıahtǫ,” dek'eèhtł'è.

Galatıa 6:2

Naxıgha hoìla nı̨dè ełets'àahdı. Haaht'ı̨ nı̨dè Zezì-Krı wenàowoò k'ę̀ę̀ deghàà aahda hǫt'e.

Phılıppı 4:14

Hanìkò dıì sexè hoìla t'à sets'àahdıı sìı nezı̨į̀ aaht'ı̨ hǫt'e.

1 Thessalonıca 4:9

Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.

James 1:25

Nàowo wedeèdlı̨ı̨ sìı hołı̨ı̨ gots'ǫ̀ k'àowo-le ayehɂı̨ hǫt'e. Ayìı nezı̨į̀ ts'ıìkw'oo sìı t'aats'ǫǫ̀ wenats'edì xè wek'ę̀ę̀ eghàlats'eeda nı̨dè goxè sìghà hǫt'e.

James 2:12

Nàowo wet'à hołı̨ı̨ gots'ǫ̀ k'àowo-le sìı wek'ę̀ę̀ aahda. Eyı nàowo weghàà naxısınìyaetı ha ts'ıhɂǫ̀, eyı nàowo k'ę̀ę̀ nezı̨į̀ goahde eyıts'ǫ wek'ę̀ę̀ k'ehoahɂa.

James 2:19

Nǫ̀htsı̨ ı̨łè zǫ gǫ̀hłı̨ı̨ sìı negha ehkw'ı-ahodı. Ehkw'ı aneewǫ hǫt'e! Įnìłı̨ı̨ kò ededı̨ sı eyı gıgha ehkw'ı hǫt'e, eyıt'à geejı̨ xè gıts'ehłı̨ laget'į̀.

James 4:11

Sèot'ı̨ı̨, ełıızì jıı aahtsı̨-le. Amìı edèot'ı̨ ghǫ gode, hanì-le-ı̨dè yesınìyaehtıı sìı, Nǫ̀htsı̨ nàowoò k'èch'a gode xè yesınìyaehtı hǫt'e. Nǫ̀htsı̨ nàowoò wesınìyaahtı nı̨dè wenàowoò k'ę̀ę̀ aahda nıìle, wek'èch'a goahde hǫt'e.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.