James 2:7 - Nǫ̀htsı̨ Nı̨htł'è

⁷ Eyı hanıı dǫ sìı naxıts'ǫ̀ K'àowo elı̨ı̨ sìı wıızì jıı gehtsı̨.

James 2:7 ပူးပေါင်းရင်းမြစ်များ

Matthew 1:23

“T'eekogòò hotıì eda-le ade ha, dǫzhìa nìhtè ha eyıts'ǫ Emmanuel wìyeh ha,” hadı ı̨lè. (Emmanuel ts'edıı sìı “Nǫ̀htsı̨ goxè nàwo” ts'edıì-ats'edı.)

Matthew 12:24

Hanìkò Pharısee gı̨ı̨lı̨ı̨ sìı egıìkw'o t'à hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.

Matthew 27:63

Gıts'ǫ̀ hagedı, “K'àowo, eyı dǫ-ghǫyaeɂàa-dǫǫ̀ hǫt'e ı̨lè. Įłaà eda ekò dàdı ı̨lèe sìı wenats'edì, ‘Taı dzęę̀ k'ehǫǫwo tł'axǫǫ̀-ı̨dè naèhdà ha,’ hadı ı̨lè.

Zezì Wecheekeèdeè 11:26

Yegòį̀hɂǫ tł'axǫǫ̀ kǫ̀godeè Antıoch ts'ǫ̀ geède. Barnabas eyıts'ǫ Saul ı̨łè xo deghàà Nǫ̀htsı̨ wecheekeè xè ełegıadì, eyıts'ǫ dǫ łǫ hoghàgogeèhtǫ. Kǫ̀godeè Antıoch ekǫ t'akwełǫ̀ǫ̀ Nǫ̀htsı̨ wecheekeè “Chrıst k'èagı̨ı̨t'ee dǫǫ̀” gìyeh agejà.

Zezì Wecheekeèdeè 15:17

Hanì-ı̨dè dıı nèk'e wets'ǫ dǫ gıghàhoòwoo sìı gots'ǫ̀ K'àowo hagı̨ı̨wǫǫ̀ agede ha. Eyıts'ǫ dǫ eyıì-le xàɂaa sıızì t'à-aget'ı̨ı̨ sìı ededı̨ sı sehagı̨ı̨wǫ ha. Gots'ǫ̀ K'àowo ededı̨ eyı hazǫǫ̀ yeghàlaedaa elı̨ı̨ sìı, hadı hǫt'e,’ nakwenàoɂǫǫ hagedıì gı̨ı̨tł'è ı̨lè.

Zezì Wecheekeèdeè 26:11

Gıxè hoìla ha gǫtłǫǫ̀ ełèts'ehdèe-kǫ̀ gòlaa gıta nàwhıhtła ı̨lè. Nǫ̀htsı̨ k'èch'a xàyagehtıì agehłe ha hoèhdzà ı̨lè. T'aats'ǫǫ̀ gık'èch'a zǫ eghàlaehda ha dehwhǫ ı̨lè. Eyıts'ǫ gıxè hoìla ahłe ha t'à, eyıì-le nèk'e kǫ̀ta yàgòlaa sìı ts'ǫ̀ gıxàehta ı̨lè.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Ephesus 3:15

Ededı̨ wet'à yak'e wèot'ı̨ hazǫǫ̀ eyıts'ǫ dıı nèk'e wèot'ı̨ hazǫǫ̀ weza k'ę̀ę̀ goızì hòèlı̨ hǫt'e.

1 Tımothy 1:13

Įnę̀ę Nǫ̀htsı̨ wek'èch'a xàyahtı ı̨lèe, eyıts'ǫ yıdaeht'e t'à Nǫ̀htsı̨ wecheekeè dagìıhɂa ı̨lè. Hanìkò dàht'ı̨į̀-aht'ı̨ı̨ sìı wek'èehsǫ-le ı̨lè eyıts'ǫ segha ehkw'ı-ahodı-le t'à hanì eghàlaıhdà t'à Nǫ̀htsı̨ sets'ǫ̀ wedzeè eteèɂı̨ ı̨lè.

1 Peter 4:16

Ekò “Zezì-Krı wek'èaht'ee dǫǫ̀” naxììyeh t'à naxıgha hoìla nı̨dè eyı ghǫ į̀į̀zhaahłı̨-le, hanìkò Zezì-Krı wıızì k'ę̀ę̀ naxììyeh t'à Nǫ̀htsı̨-Gotà weghàsǫahdı.

John Wenazhıı 19:13

ʔeh nedèe edoò ta adlàa yìı wheda eyıts'ǫ wıızì “Nǫ̀htsı̨ weyatıì” wìyeh.

John Wenazhıı 19:16

Weɂeè nedèe k'e eyıts'ǫ wedzaà k'e wıızì dek'eèhtł'è: “K'àodèe ts'ǫ̀ K'àowo, k'àowocho hazǫǫ̀ gha K'àowocho,” dek'eèhtł'è.