James 2:6 - Nǫ̀htsı̨ Nı̨htł'è

⁶ Naxı̨ sìı dǫ-teèt'ı̨ı̨ į̀į̀zhagı̨ı̨lı̨į̀ agıahɂı̨. Dǫ ahxee gı̨ı̨lı̨ı̨ sìı naxıt'ǫ̀ǫ̀ ahxe gìhłè hǫt'e. Ededı̨ sìı nàyaetıı-kǫ̀ ts'ǫ̀ anaxegehɂı̨ hǫt'e.

James 2:6 ပူးပေါင်းရင်းမြစ်များ

John 8:49

Zezì gots'ǫ̀ hadı, “Įnìłı̨ı̨ sets'ǫ̀-èlı̨ nıìle. Sı̨ Setà weghàsǫhoedı ahłà hǫt'e, hanìkò naxı̨ yatı laòt'ı̨-le t'à sets'ǫ̀ goahde.

Zezì Wecheekeèdeè 13:50

Hanìkò Israel got'ı̨į̀ dǫ xè nıdahǫǫ̀woò agį̀į̀là, ts'èko ahxee gı̨ı̨lı̨ı̨ Nǫ̀htsı̨ gı̨ı̨wǫ eyıts'ǫ kǫ̀godeè gha k'aodèe gı̨ı̨lı̨ı̨ gıxè nàdahoowo. Paul eyıts'ǫ Barnabas k'èch'a nàdahogehdè t'à eyı nèk'e gots'ǫǫ̀ xàgogeèhɂà.

Zezì Wecheekeèdeè 17:6

Hanìkò gokawhį̀agejà t'à Jason xàgeèlì eyıts'ǫ Nǫ̀htsı̨ wecheekeè sı mǫ̀hdaa kǫ̀godeè gha k'aodèe ts'ǫ̀ gogeèwa. Hagedıì gezeh, “Dıı dǫ, hazǫǫ̀ nèk'e dǫ xè hoìla hogehtsı̨ı̨ sìı dıì jǫ nègı̨ı̨de,

Zezì Wecheekeèdeè 18:12

Achaıa nèk'e Gallıyo k'àowo elı̨ ekò Israel got'ı̨į̀ ełets'àdageedı t'à Paul wesınìyaetıì agı̨į̀là.

Zezì Wecheekeèdeè 8:3

Saul Nǫ̀htsı̨ wecheekeè godıhohtsı̨ ha, kǫ̀ta dǫzhìı eyıts'ǫ ts'èko nıgoìle gà dǫ-danìı̨laa-kǫ̀ ts'ǫ̀ agohɂı̨.

1 Corınth 11:22

Naxıkǫ̀ shèahzhe xè aahdǫ ha dìì-le sǫnaà? Nǫ̀htsı̨ wecheekeè dǫ k'ę̀ę̀ gıahtà-le nì, eyıts'ǫ dǫ-teèt'ı̨ı̨ sìı į̀į̀zhagı̨ı̨lı̨į̀ agıahłe ha nì? Eyı ghǫ naxıts'ǫ̀ nezı̨į̀ aehsı̨ ha nì?

James 2:3

dǫ ahxee wègaat'ı̨ı̨ sìı nezı̨į̀ wets'ǫ̀ naahɂa xè wets'ǫ̀ dıı haahdı, “Jǫ daèhchı̨ nezı̨ı̨ negha whetǫ,” wèahdı, hanìkò dǫ-teèt'ı̨ı̨ ts'ǫ̀ dıı haahdı, “Nı̨ ekǫ nàąwo,” hanì-le-ı̨dè “Sekè gà dechı̨tè k'e wheęda,” wèahdı.

James 5:4

Seàhkw'ǫ! Dǫ naxıdèè k'e t'asìı dehshee nàgı̨ı̨htsı̨ı̨ sìı gıts'àɂaahdì-le t'à naxısınìyaetı hǫt'e. Dǫ t'asìı dehshee naxıgha nàgehtsı̨ı̨ sìı yagìtse t'à, gots'ǫ̀ K'àowo t'asìı wegha dìì-le sìı goèhkw'ǫ hǫt'e.

James 5:6

Dǫ ekǫ-le hogèhtsı̨-le xè naxık'èch'a aget'ı̨-le kò gısınìyaahtı xè ełaàgìahde hǫt'e.