James 2:3 - Nǫ̀htsı̨ Nı̨htł'è

³ dǫ ahxee wègaat'ı̨ı̨ sìı nezı̨į̀ wets'ǫ̀ naahɂa xè wets'ǫ̀ dıı haahdı, “Jǫ daèhchı̨ nezı̨ı̨ negha whetǫ,” wèahdı, hanìkò dǫ-teèt'ı̨ı̨ ts'ǫ̀ dıı haahdı, “Nı̨ ekǫ nàąwo,” hanì-le-ı̨dè “Sekè gà dechı̨tè k'e wheęda,” wèahdı.

James 2:3 ပူးပေါင်းရင်းမြစ်များ

Luke 23:11

Eyı tł'axǫǫ̀ k'àowocho Herod eyıts'ǫ wets'ǫ eghǫǫ-dǫǫ̀ Zezì k'adageedè. K'àowochoɂeè yìı gı̨ı̨htı̨ gà k'àowo Pılate ts'ǫ̀ nageèhchì.

2 Corınth 8:9

Gots'ǫ̀ K'àowo Zezì-Krı gots'ǫ̀ sǫnıwǫǫ sìı wek'èahsǫ hǫt'e. Ededı̨ sìı ahxe elı̨ ı̨lè hanìkò naxıgha eteèt'ı̨į̀ adììdlà hǫt'e. Eteèt'ı̨į̀ adììdlà t'à naxıxè ahxe hòɂǫ agode ha.

James 2:2

Edahxǫ dǫ goht'ǫ dètìı t'à-at'ı̨ xè welakw'ǫǫ̀ k'e sǫǫ̀mbaekwo lamǫ̀ǫ wheɂǫǫ sìı ełeahdìı-kǫ̀ goyaèhtła, eyıts'ǫ edahxǫ dǫ-teèt'ı̨ı̨ goht'ǫts'ıa t'à-at'ı̨ ededı̨ sı ełeahdìı-kǫ̀ goyaèhtła nı̨dè

James 2:6

Naxı̨ sìı dǫ-teèt'ı̨ı̨ į̀į̀zhagı̨ı̨lı̨į̀ agıahɂı̨. Dǫ ahxee gı̨ı̨lı̨ı̨ sìı naxıt'ǫ̀ǫ̀ ahxe gìhłè hǫt'e. Ededı̨ sìı nàyaetıı-kǫ̀ ts'ǫ̀ anaxegehɂı̨ hǫt'e.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.