James 2:21 - Nǫ̀htsı̨ Nı̨htł'è

²¹ Gocho Abraham wedaànıahdè. Tso ełeka nèyı̨ı̨la k'e Nǫ̀htsı̨ ts'ǫ̀ edeza Isaac ełaehwhı xè yek'eehk'ǫ̀ ha sınìhòı̨ɂǫ, hajà t'à dǫ ehkw'ı eda gha wııtà hǫt'e.

James 2:21 ပူးပေါင်းရင်းမြစ်များ

Matthew 12:37

Naxıyatıì ghàà naxısınìyaetı ha. Yatı nezı̨ı̨ t'à goahde nı̨dè wek'èxa t'asanaxedle ha-le, ekò yatı nezı̨-le t'à goahde nı̨dè wek'èxa hoìla anaxedle ha,” Zezì gòhdı.

Matthew 3:9

‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.

Luke 1:73

Gocho Abraham ts'ǫ̀ dıı hadıì yatı whehtsı̨: ‘Dǫ gots'ǫ̀ xànegı̨ı̨ɂa gıch'à edaxàgole ha, eyıts'ǫ ts'eejı̨-le xè wegha eghàlats'eeda ha,

Luke 16:24

Eyı dǫ Abraham ts'ǫ̀ ezeh hadı, ‘Setà Abraham, etesenèeɂı̨. Lazarus sets'ǫ̀ awı̨ı̨le, edelakw'ǫǫ̀ tı ta ayııle gà sewalıì whek'ò ayııle. Jǫ kǫ̀ nàtsoo t'à sıì daıhɂa dìì,’ yèhdı.

Luke 16:30

“Hanìkò Abraham ts'ǫ̀ hadı, ‘Į̀le setà, hanì ha dìì, hanìkò dǫ ełaı̨wo gots'ǫ naìdàa sìı gots'ǫ̀ gode nı̨dè gık'èı̨t'e ha ne,’ yèhdı.

John 8:39

Zezì ts'ǫ̀ hagedı, “Abraham gotà hǫt'e ne,” gedı. Zezì hagòhdı, “Abraham wets'ıhɂǫ̀ǫ-dǫǫ̀ aaht'e nı̨dè Abraham dànì eghàlaı̨dàa sìı naxı̨ wexèht'eè eghàlaahda ha ı̨lè.

John 8:53

Gocho Abraham wenahk'e nelı̨ nì-ghǫ aı̨dı? Abraham eyıts'ǫ nakwenàoɂǫǫ hazǫǫ̀ ełaàgı̨ı̨dè ı̨lè. Amìı aht'e edęęwǫ?” gıìhdı.

Zezì Wecheekeèdeè 7:2

Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.

Rome 3:20

Dǫ wı̨ı̨zìı Moses wenàowoò deghàà k'èdì ha dìì, eyıt'à dǫ wı̨ı̨zìı ehkw'ı eda k'ę̀ę̀ Nǫ̀htsı̨ yesınìyaehtı ha nıìle. Hanìkò Moses wenàowoò ts'ıhɂǫ̀ hołı̨ı̨ hots'ehtsı̨ nǫǫ̀ wek'èts'eezǫǫ̀ ats'ejà.

Rome 4:1

Eyıt'à hanì hòɂǫ nı̨dè gocho Abraham weghǫ dàts'edı lì? Nǫ̀htsı̨ k'ę̀ę̀ dǫ ehkw'ı ts'ı̨ı̨lı̨ı̨ sìı ghǫ ayìı k'èhoèhzà?

Rome 4:12

Eyıts'ǫ Moses wenàowoò k'ę̀ę̀ gıkwǫ̀ nàt'àa sìı ededı̨ sı gogha gotà elı̨ hǫt'e. Gıkwǫ̀ nàat'a zǫ t'à gotà elı̨ nıìle, hanìkò Nǫ̀htsı̨ gıgha ehkw'ı-ahodı t'à gotà elı̨ hǫt'e, Abraham nàat'a kwe hanì wegha ehkw'ı-ahodı ı̨lè k'ę̀ę̀.

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

Hebrew 11:17

Abraham, Nǫ̀htsı̨ yeèhdzà ekò yegha ehkw'ı adı t'à edeza Isaac Nǫ̀htsı̨ gha ełaàyèhwhı ha sınìhòı̨ɂǫ ı̨lè. Ededı̨ Nǫ̀htsı̨ weyatıì weghǫ̀t'ǫǫ sìı edeza ı̨łàet'ee zǫ Nǫ̀htsı̨ ts'ǫ̀ ełaàyèhwhı ha ı̨lè.

James 2:18

Hanìkò dǫ sets'ǫ̀ dıı hadı nı̨dè, “Nı̨ negha ehkw'ı-ahodı, hanìkò sı̨ nezı̨į̀ eghàlaehda,” sèhdı nı̨dè, wets'ǫ̀ dıı haehsı̨ ha. “Negha ehkw'ı kò wek'ę̀ę̀ eghàlaı̨da-le sìı weghàıhdà, ekò sı̨ ayìı dàhɂı̨ weghàà segha ehkw'ı-ahodıı sìı weghàı̨daà anehłe ha,” haehsı̨ ha.

James 2:24

Eyı ts'ıhɂǫ̀ dǫ dànì eghàlaeda weghàà dǫ ehkw'ı eda k'ę̀ę̀ wııtà hǫt'e, wegha ehkw'ı-ahodı zǫ t'à nıìle.