James 2:18 - Nǫ̀htsı̨ Nı̨htł'è

¹⁸ Hanìkò dǫ sets'ǫ̀ dıı hadı nı̨dè, “Nı̨ negha ehkw'ı-ahodı, hanìkò sı̨ nezı̨į̀ eghàlaehda,” sèhdı nı̨dè, wets'ǫ̀ dıı haehsı̨ ha. “Negha ehkw'ı kò wek'ę̀ę̀ eghàlaı̨da-le sìı weghàıhdà, ekò sı̨ ayìı dàhɂı̨ weghàà segha ehkw'ı-ahodıı sìı weghàı̨daà anehłe ha,” haehsı̨ ha.

James 2:18 ပူးပေါင်းရင်းမြစ်များ

Rome 14:23

Hanìkò amìı wegha hotıì-le kò ı̨łaà yeghǫ shètı̨ nı̨dè eyı dǫ wesınìyaetı hǫt'e, wegha ehkw'ı-ahodı k'ę̀ę̀ eda-le ts'ıhɂǫ̀. T'asìı hazǫǫ̀ weghàlats'eedaa sìı gogha ehkw'ı-ahodı k'ę̀ę̀-le nı̨dè eyı gogha hołı̨ı̨ hǫt'e.

Rome 3:28

Dıı hanì gogha ehkw'ı-ahodı hǫt'e: Dǫ wegha ehkw'ı-ahodı t'à ehkw'ı awììdlà hǫt'e. Moses wenàowoò k'ę̀ę̀ eda t'à ehkw'ıì ade ha nıìle.

Rome 4:6

K'àowocho Davıd eyı xèht'eè xàyaı̨htı ı̨lè. Dǫ yek'èxa eghàlaı̨da-le kò, Nǫ̀htsı̨ ehkw'ı edaa k'ę̀ę̀ yııhtàa sìı wexè sìghà hǫt'e hadı ı̨lè. Davıd dıı hanì enı̨ı̨tł'è ı̨lè:

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

Rome 9:19

Naxı̨ sets'ǫ̀ dıı haahdı ha tahkò: “Hanì hòɂǫ nı̨dè, dànìghǫ Nǫ̀htsı̨ ı̨łaà gok'e nìdahoeɂà? Nǫ̀htsı̨ hanıwǫ nı̨dè dǫ wı̨ı̨zìı yınì k'èch'a ade ha dìì,” sèahdı ha tahkò.

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

1 Tımothy 1:5

Ełeghǫnıahtǫ ha dehwhǫ t'à eyı yatı naxıghàehɂǫ. Godzeè yìı hołı̨ı̨ whìle xè, goınì nezı̨ı̨ xè, eyıts'ǫ hotıì gogha ehkw'ı-ahodı xè ełeghǫnets'eètǫ ha hǫt'e.

Tıtus 2:7

T'aats'ǫǫ̀ nezı̨į̀ k'ehoı̨ɂa, hanì-ı̨dè nexègeɂı̨ ha. Nàowo ehkw'ıı k'ę̀ę̀ eyıts'ǫ degaı k'ę̀ę̀ hoghàgı̨ı̨htǫ.

Hebrew 11:31

Ts'èkojıı Rahab wìyeh sìı wegha ehkw'ı-ahodı t'à, nàeɂį̀ı̨-dǫǫ̀ gots'àı̨dì, eyıt'à dǫ Nǫ̀htsı̨ k'èagı̨ı̨t'e-le sìı xè ełaàgı̨ı̨hwho-le.

Hebrew 11:33

Eyı dǫ gıgha ehkw'ı-ahodı ts'ıhɂǫ̀ ełegegǫ t'à hogeèhnǫ eyıts'ǫ edegha dèè gìhchì. Nàowo ehkw'ıı k'ę̀ę̀ eghàlagı̨ı̨dà, eyıts'ǫ Nǫ̀htsı̨ edeyatıì goghàı̨ɂǫǫ sìı wek'ę̀ę̀ t'asìı gıghǫ̀zha, eyıts'ǫ goòjìıcho godzıgehɂà ch'à agogį̀į̀là.

Hebrew 11:6

Dǫ wegha ehkw'ı-ahodı-le nı̨dè Nǫ̀htsı̨ wınà hohtsı̨ ha dìì. Dǫ hazǫǫ̀ Nǫ̀htsı̨ ts'ǫ̀ aget'ı̨ı̨ sìı Nǫ̀htsı̨ wehòhɂǫǫ sìı gıgha ehkw'ı-ahodı ha hǫt'e, eyıts'ǫ amìı ededzeè t'à Nǫ̀htsı̨ nıwǫǫ sìı eyı k'èxa Nǫ̀htsı̨ t'asìı nechàa goghàyeɂà ha gıgha ehkw'ı-ahodı ha hǫt'e.

James 2:14

Sèot'ı̨ı̨, dǫ, “segha ehkw'ı-ahodı,” hadı hanìkò yek'ę̀ę̀ eghàlaeda-le nı̨dè wegha wet'àaɂà-le hǫt'e. “Segha ehkw'ı-ahodı,” hadı zǫ t'à edaxàweetè ha nıìle.

James 3:13

Naxıta dǫ gǫǫzǫ xè t'asìı nıedì edeewǫ nı̨dè ehkw'ı eda t'à wègaat'ı̨į̀ ayııle, eyıts'ǫ gǫǫzǫ t'à k'èeweèt'ı̨ k'ę̀ę̀ dǫ ts'ǫ̀ nezı̨į̀ eghàlaıdà.