James 2:16 - Nǫ̀htsı̨ Nı̨htł'è

¹⁶ naxı̨ ı̨łè yets'ǫ̀ dıı hadı, “Nexè sìghà welè; negha gòkǫ̀ xè weghǫ shèı̨tı̨ı̨ negha deghàà welè,” yèhdı, hanìkò goht'ǫ eyıts'ǫ yeghǫ shètı̨ı̨ t'à yets'àı̨dı-le nı̨dè eyı t'asìı nıìle.

James 2:16 ပူးပေါင်းရင်းမြစ်များ

Matthew 15:32

Zezì edecheekeè gots'ǫ̀ gode, hagòhdı, “Dıı dǫ sedzeè t'à etegeèhɂı̨. Taı dzęę̀ jǫ sexè gıakw'è xè t'asìı wı̨ı̨zìı gıwàhǫǫdì-le. Bò dę nàgeetł'ì ha sǫnı t'à, degeèhdì xè nageehɂà ha dehwhǫ-le,” gòhdı.

Matthew 25:35

Bò ghaehwhı ekò t'asìı ghǫ shèhtı̨ seghàahdì ı̨lè. Tı ghaehwhı ekò tı seghàahdì ı̨lè. Naxıkǫ̀ta xàhtǫ ehłı̨ ekò naxıkǫ̀ ts'ǫ̀ asèahłà ı̨lè.

Matthew 25:36

Goht'ǫ sets'ǫ-le ekò goht'ǫ seghàahła ı̨lè. Eyaehłı̨ ekò sek'èahdì ı̨lè. Eyıts'ǫ dǫ-danìı̨laa-kǫ̀ whıhda ekò sets'àwhaahde ı̨lè,’ hagòhdı ha.

Mark 5:34

Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè, eyıts'ǫ ayìı t'à daneeɂaa sìı neghǫ whìle awede,” yèhdı.

Rome 12:9

Naxıdzeè t'à dǫ ghǫnıahtǫ. Hołı̨ı̨-nàowoò sìı wedzaahwhǫ, hanìkò t'asìı ehkw'ı xè nezı̨ı̨ sìı wedeahchı-le.

2 Corınth 8:8

Eyı haahłe ha dehsı̨į̀-aehsı̨-le, hanìkò naxeèhdzà aht'ı̨. Dànì dǫ eyıì-le Nǫ̀htsı̨ wets'ǫ dǫ ghǫnegeètǫǫ sìı asį̀į̀ gıxèht'eè hòtł'ò gıghǫnıahtǫ gha naxeèhdzà aht'ı̨.