James 2:10 - Nǫ̀htsı̨ Nı̨htł'è

¹⁰ Nàowo hazǫǫ̀ k'èahdì hanìkò nàowo ı̨łè zǫ nàahzhì nı̨dè nàowo hazǫǫ̀ k'eahzhì gha naxısınìyaetı ha hǫt'e.

James 2:10 ပူးပေါင်းရင်းမြစ်များ

Galatıa 3:10

Dǫ hazǫǫ̀ Moses wenàowoò k'ègedì t'à ehkw'ıì agede ha gı̨ı̨wǫǫ sìı hoìla agedle ha hǫt'e. Dıı hanì dek'eèhtł'è, “Dǫ hazǫǫ̀ Moses wenı̨htł'è k'e t'asìı hazǫǫ̀ dek'eèhtł'èe sìı t'aats'ǫǫ̀ gık'èı̨t'e-le nı̨dè wek'èxa hoìla agedle ha hǫt'e,” dek'eèhtł'è.

Galatıa 5:3

Eyı nàowo k'ę̀ę̀ dǫzhìı hazǫǫ̀ gıkwǫ̀ nàt'à adegį̀į̀làa sìı k'achı̨ gıts'ǫ̀ dıı haehsı̨ ha: Haaht'ı̨ nı̨dè Moses wenàowoò hazǫǫ̀ deghàà wek'èaht'e ha hǫt'e.

James 3:2

Goxı̨ dǫ ts'ı̨ı̨lı̨ı̨ sìı ekǫ-le eghàlats'eeda hǫt'e. Dǫ edewà t'à ekǫ-le xàyahtı-le sìı deghàà dǫ nezı̨ı̨ elı̨ hǫt'e, eyıts'ǫ ekǫ-le eghàlaeda ch'à edezhį̀į̀ hazǫǫ̀ k'èdì ha dìì-le.

2 Peter 1:10

Eyıt'à sèot'ı̨ı̨, naxıkayaetı xè naxììchì k'ę̀ę̀ aahda, eyı ghǫ naxınì nàtsoò aahłe hanì-ı̨dè naxıxè hagode ha. Hanì edeghàlaahda nı̨dè hołı̨ı̨ naxıdaèht'è hǫı̨lı̨ ha nıìle.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.