James 1:21 - Nǫ̀htsı̨ Nı̨htł'è

²¹ Eyıt'à hołı̨ı̨ nàowoò hazǫǫ̀ wet'à hołı̨ı̨ k'ę̀ę̀ k'ehoahɂaa sìı wedę aahłe. Nǫ̀htsı̨ yatıì naxıdzeè yìı adlàa sìı k'èeweèt'ı̨ lanì wek'ę̀ę̀ aahda, eyı wet'à edaxànaxeetè ha dìì-le.

James 1:21 ပူးပေါင်းရင်းမြစ်များ

Matthew 5:5

Amìı k'èeweèt'ı̨ gı̨ı̨lı̨ı̨ sìı gıxè sìghà hǫt'e; dèè gıghaelı̨ ha.

John 6:63

Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

John 6:68

Sımon-Peter yets'ǫ̀ hadı, “K'àowo, amìı ts'ǫ̀ ats'ejà lì? Nı̨ zǫ neyatıì t'à welǫ whìle ts'ǫ̀ ts'eeda hǫt'e.

Zezì Wecheekeèdeè 10:33

Eyıt'à ekòet'ıì nekàwhıhɂà. Jǫ nàwheętła t'à masì neehwhǫ. Nǫ̀htsı̨ wenadąą̀ hazǫǫ̀ jǫ ts'eèhkw'e, gots'ǫ̀ K'àowo ayìı gots'ǫ̀ haı̨dı ha nèhdıı sìı wets'eèhkw'ǫ ha ts'ı̨ı̨wǫ,” yèhdı.

Zezì Wecheekeèdeè 13:26

“Sèot'ı̨ı̨, Abraham wets'ǫ dǫ yàahłı̨ı̨ eyıts'ǫ naxı̨, dǫ eyıì-le xàɂaa Nǫ̀htsı̨ ghǫ hòtł'ò aahwhǫǫ sìı dıı edaxàts'eedèe wegodıì goxı̨ gots'ǫ̀ adlà hǫt'e.

Rome 1:16

Eyı godı nezı̨ı̨ sìı weghǫ į̀į̀zhaehłı̨ nıìle, Nǫ̀htsı̨ wenàowoò nàtso hǫt'e. Wet'à dǫ hazǫǫ̀ gıgha ehkw'ı-ahodıı sìı edaxàgole ha hǫt'e. Eyı godı nezı̨ı̨ sìı Israel got'ı̨į̀ t'akwełǫ̀ǫ̀ gıts'ǫ̀ ajà, eyıts'ǫ dǫ eyıì-le xàɂaa ededı̨ sı gıts'ǫ̀ ajà hǫt'e.

Rome 11:17

Wekw'ıhchı̨į̀ mǫ̀hdaa dahchı̨atǫ̀, eyıts'ǫ naxı̨ ts'ı nezı̨-le wekw'ıhchı̨į̀ laaht'ee sìı ts'ı nezı̨ı̨ wekw'ıhchı̨į̀ ta anaxììdlà laaht'e. Eyıt'à dıì sìı ts'ı nezı̨ı̨ weghochı̨į̀ t'à dahshe lanì hǫt'e.

Rome 6:17

Hołı̨ı̨ naxınì ts'ǫ̀ k'àhowo k'ę̀ę̀ zǫ eghàlaahda ı̨lè, hanìkò godı nezı̨ı̨ hoghànaxeètǫ ekò hotıì naxıdzeè t'à wek'èaht'e dahwhǫǫ̀ aahjà, eyı gha Nǫ̀htsı̨ masì wets'ı̨ı̨hwhǫ hǫt'e.

1 Corınth 15:2

Eyı godı nezı̨ı̨ t'à edaxànaxeètı̨ hǫt'e, eyıts'ǫ eyı yatı naxıghàıhɂǫǫ sìı hòtł'ò yàahtǫ̀. Hanì-le-ı̨dè k'ètł'ǫ̀ naxıgha ehkw'ı-ahodı hǫt'e.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Ephesus 1:13

Naxı̨ sı yatı ehkw'ıı ghǫ aàhkw'ǫ eyıts'ǫ godı nezı̨ı̨ wet'à dànì edaxàahdè ha weghǫ aàhkw'ǫ t'à Zezì-Krı wexè ı̨łè laahjà. Naxıgha ehkw'ı-ahodıì aahjà ekò, Nǫ̀htsı̨ Yedàyeh Nezı̨ı̨ goghàyeɂà ha dı ı̨lèe sìı wet'à naxık'e nàekwı̨ lanì hǫt'e, eyı weghàà Zezì-Krı wets'ǫ aaht'e naxık'èhoedzǫ.

Ephesus 4:22

Įnę̀ę dànì naxınìłı̨ı̨ k'ę̀ę̀ aahda ı̨lèe sìı wek'ę̀ę̀ aahda-le gha hoghànaxeètǫ ı̨lè. Hołı̨ı̨ gha hòtł'ò kànıahɂaa sìı wet'à naxınì wedıhołè hǫt'e.

Ephesus 4:25

Eyıt'à naxı̨ hazǫǫ̀ hots'ets'ìı k'ę̀ę̀ goahde-le eyıts'ǫ naxèot'ı̨ ts'ǫ̀ ehkw'ı goahde, Zezì-Krı wezhį̀į̀ ı̨łè zǫ gots'ǫ ats'ı̨ı̨t'e t'à.

Ephesus 5:4

Naxıta dǫ wı̨ı̨zìı whàdagoetsǫ̀ǫ gode ha-le, ezhı̨ne yatıì hanì-le-ı̨dè yatı nezı̨-le t'à dlòahtsı ha-le, eyı hazǫǫ̀ sìı Nǫ̀htsı̨ wets'ǫ dǫ gıgha ehkw'ı nıìle. Hanìkò gowà t'à Nǫ̀htsı̨ ts'ǫ̀ masì ts'edı welì.

1 Thessalonıca 1:5

Godı nezı̨ı̨ naxıts'ǫ̀ nèts'ı̨ı̨ɂǫ ekò, yatı zǫ naxıghàts'ı̨ı̨ɂǫ nıìle. Hanìkò Yedàyeh Nezı̨ı̨ ts'ıhɂǫ̀ naxıta enıìyah nàhòwo t'à, eyı godı nezı̨ı̨ hotıì ehkw'ı hǫt'e wek'èahsǫ anaxį̀į̀là. Naxıts'àts'edı ha t'à dànì naxıta nàts'ı̨ı̨dèe sìı wek'èahsǫ hǫt'e.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

Tıtus 2:11

Nǫ̀htsı̨ wesǫnıwǫǫ wet'à dǫ hazǫǫ̀ edaxàdè ha sìı dǫ hazǫǫ̀ ts'ǫ̀ wègoèht'į̀ hǫt'e.

Hebrew 12:1

Dǫ łǫ gıgha ehkw'ı-ahodıı k'ę̀ę̀ gı̨ı̨dàa sìı gomǫǫ̀ goòɂà ts'ǫ̀ geèhkw'e lanì, eyıt'à t'asìı hazǫǫ̀ wet'à goınì nàtso-le sìı wedę ats'ııle. Goınì nàtso-le t'à nàhotì-le gohołı̨į̀ godaèht'è, eyıt'à Nǫ̀htsı̨ wenàowoò k'ę̀ę̀ ts'eeda gha goınì nàtso ats'ı̨ı̨hwhǫ ha hǫt'e.

Hebrew 2:3

Eyıt'à Nǫ̀htsı̨ enıìyah k'ę̀ę̀ edaxàgolee sìı wedę ats'ı̨ı̨là nı̨dè nàgoehkwa ch'à kwı̨ts'eehdè ha honàedı nıìle. Edaxàgole ha sìı gots'ǫ̀ K'àowo t'akwełǫ̀ǫ̀ yeghǫ goı̨de ı̨lè, eyıts'ǫ dǫ gı̨į̀hkw'ǫ̀ǫ sìı ededı̨ sı gots'ǫ̀ hagedı.

Hebrew 4:2

Gocho gıxèht'eè goxı̨ sı godı nezı̨ı̨ t'à gots'ǫ̀ gogı̨ı̨de hǫt'e, hanìkò Nǫ̀htsı̨ wegodıì gı̨į̀hkw'ǫ̀ǫ sìı gıgha ehkw'ı-ahodı-le t'à gıt'àhǫı̨hwhı-le.

James 4:8

Nǫ̀htsı̨ ts'ǫ̀ nıwà-le aahde, hanì-ı̨dè ededı̨ sı naxıts'ǫ̀ nıwà-le ade ha. Naxı̨ hołı̨ı̨-hoahtsı̨ı̨-dǫǫ̀ aaht'ee sìı naxıhołı̨į̀ wedę aahłe, eyıts'ǫ naxınì nàke laaht'ee sìı naxıdzeè degaı aahłe.

James 5:20

dıı yatı wedaànıahdè: Amìı hołı̨ı̨-hohtsı̨ı̨-dǫǫ̀ ehkw'ı edaà anayehɂį̀ı̨ sìı ełaàwı ch'à edaxàyehtè hǫt'e, eyıts'ǫ wehołı̨į̀ łǫ sìı weghǫ nahoezheè ayehɂı̨ hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 1:9

Naxıdą̀ązhį̀ı̨ edaxàdè ha dahwhǫ t'à naxıgha ehkw'ı-ahodı xè naxınà.

1 Peter 2:1

Hanìkò dıì sìı hołı̨ı̨ hazǫǫ̀ k'ę̀ę̀ k'ehoahɂaa, ełeghǫyaahɂàa, degaı daahtsı̨ı̨, ełeghǫ ts'oxoahdıı, ełıızì jıı aahtsı̨ı̨, eyı hazǫǫ̀ wedę aahłe.

1 Peter 2:11

Seàgı̨ą, dıı nèk'e ts'ǫ dǫ gıta xàhtǫ laaht'e t'à hołı̨ı̨ naxıdą̀ązhį̀ı̨ k'alawoo sìı wek'ę̀ę̀ aahda ha-le naxıghǫ hòtł'ò hahwhǫ.