James 1:19 - Nǫ̀htsı̨ Nı̨htł'è

¹⁹ Sèot'ı̨ı̨, dıı yatı wedaànıahdè: Dǫ hazǫǫ̀ ekòet'ıì egeèhkw'ǫ welì, hanìkò ekòet'ıì xàyagııhtı-le, eyıts'ǫ ı̨whąą̀ gìch'e welè-le.

James 1:19 ပူးပေါင်းရင်းမြစ်များ

Matthew 5:22

Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.

Mark 12:37

Hanì dek'eèhtł'è-ı̨dè, Davıd ‘sets'ǫ̀ K'àowo’ yèhdı nı̨dè dànì t'à yeza elı̨ welì?” Zezì gòhdı. Dǫ łǫ Zezì geèhkw'ǫǫ sìı dànì gots'ǫ̀ xàyaı̨htı t'à gınà.

Mark 2:2

dǫ łǫ eyı nègı̨ı̨de. Dǫ łǫ t'à gòɂǫ-le agòjà, enìı̨tǫ gà kò gòɂǫ-le. Zezì edeyatıì hoghàgoehtǫ ekò

Luke 15:1

Įłàà sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ Zezì weyatıì ts'ııhkw'ǫ̀ gı̨ı̨wǫ t'à wemǫǫ̀ nègı̨ı̨de.

Luke 19:48

Hanìkò dànì agele ha sìı gık'èezǫ-le, dǫ hazǫǫ̀ Zezì weyatıì gıgha nezı̨ t'à.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

Zezì Wecheekeèdeè 10:33

Eyıt'à ekòet'ıì nekàwhıhɂà. Jǫ nàwheętła t'à masì neehwhǫ. Nǫ̀htsı̨ wenadąą̀ hazǫǫ̀ jǫ ts'eèhkw'e, gots'ǫ̀ K'àowo ayìı gots'ǫ̀ haı̨dı ha nèhdıı sìı wets'eèhkw'ǫ ha ts'ı̨ı̨wǫ,” yèhdı.

Zezì Wecheekeèdeè 13:48

Dǫ eyıì-le xàɂaa eyı nàgeèhzaa sìı hagedı egıìkw'o ekò sıì gınà ahodı eyıts'ǫ gots'ǫ̀ K'àowo weyatıì ghǫ nezı̨į̀ agedı. Dǫ hazǫǫ̀ welǫ whìle ts'ǫ̀ geeda ha Nǫ̀htsı̨ goghàhòı̨ɂǫǫ sìı hazǫǫ̀ gıgha ehkw'ı-ahodı.

Zezì Wecheekeèdeè 17:11

Israel got'ı̨į̀ kǫ̀ta Berea nàgedèe sìı kǫ̀ta Thessalonıca got'ı̨į̀ nahk'e gınezı̨. Godı nezı̨ı̨ gıìkw'o t'à gınà. Asį̀į̀ Paul ehkw'ı gode gı̨ı̨wǫ t'à dzę taàt'eè Nǫ̀htsı̨ Nı̨htł'è k'eyagehtı.

Zezì Wecheekeèdeè 2:42

Zezì wecheekeèdeè hoghàgogeehtǫ ekò hotıì egeèhkw'ǫ, eyıts'ǫ yagehtı xè Nǫ̀htsı̨ łèt'è ghǫ shègezhe gha łą̀ą ełègehdè.

Ephesus 4:26

“Ààhch'e nı̨dè hołı̨ı̨ hoahtsı̨-le,” dek'eèhtł'è. Sa nàɂàa ts'ǫ̀ ààhch'e-le,

Ephesus 4:31

T'asìı hazǫǫ̀ t'à ełek'èch'a aaht'ee sìı wedę aahłe. Ełets'ǫ̀ naxınì nàìtłoo, ełets'ǫ̀ ààhch'ee, ełetawhıahdèe, ełek'adaahdèe, eyıts'ǫ hołı̨ı̨ hazǫǫ̀ k'ę̀ę̀ k'ehoahɂaa sìı wedę aahłe.

Colosse 3:15

Zezì-Krı wexè ts'èwhı̨į̀ hòɂǫǫ sìı wek'ę̀ę̀ aahda welì. Zezì-Krı wezhį̀į̀ aahłı̨ı̨ sìı ts'èwhı̨į̀ aahda ha naxììchì, eyı weghǫ Nǫ̀htsı̨ ts'ǫ̀ masì dahwhǫ.

Colosse 3:8

Hanìkò dıı hazǫǫ̀ wedę aahłe: ts'ìch'ee, goınì nàìtłoo, hołı̨ı̨ k'ę̀ę̀ k'ehots'eɂaa, dǫ k'adats'edèe, eyıts'ǫ whàdagots'etsǫ̀ǫ, eyı hazǫǫ̀ wedę aahłe.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

James 1:16

Sèot'ı̨ı̨, edeghǫyaahɂà sǫ̀ǫ̀.

James 1:2

Sèot'ı̨ı̨, hoìla łǫ xàɂaa t'à naxeèdzà nı̨dè sıì naxınà welè.

James 1:26

Dǫ Nǫ̀htsı̨ ghǫ wınì nàtsoò edeewǫ, hanìkò edeyatıì xoehdı-le nı̨dè edeghǫyaeɂà hǫt'e eyıts'ǫ ayìı wegha ehkw'ı-ahodıı sìı wet'àaɂà-le hǫt'e.

James 2:1

Sèot'ı̨ı̨, gots'ǫ̀ K'àowo Zezì-Krı wexè enıìyah hòɂǫǫ sìı naxıgha ehkw'ı-ahodı t'à, dǫ mǫ̀hdaa zǫ nezı̨į̀ gıts'ǫ̀ naahɂa-le, dǫ hazǫǫ̀ naxıgha ełègı̨ı̨ht'e ha hǫt'e.

James 2:5

Sèot'ı̨ı̨, seàhkw'ǫ: dǫ-teèt'ı̨ı̨ gı̨ı̨lı̨ı̨ sìı gıgha ehkw'ı-ahodı ha Nǫ̀htsı̨ gòį̀hchì hǫt'e, eyıt'à gıxè sìghà hòɂǫ hǫt'e. Dıı nèk'e gogha dǫ-teèt'ı̨ı̨ gı̨ı̨lı̨ı̨ kò, Nǫ̀htsı̨ goghǫ dıı hadı, “Gıgha ehkw'ı aehsı̨ xè seghǫnegeètǫ t'à dǫ ahxee gı̨ı̨lı̨ ha eyıts'ǫ senàowoò k'ę̀ę̀ hòɂǫǫ gıghǫ̀t'à ha,” hadı.

James 3:10

Gowà et'ıì t'à Nǫ̀htsı̨ weghàsǫts'eedı eyıts'ǫ wet'à dǫ ts'ǫ̀ nàdahots'eeɂà. Sèot'ı̨ı̨, hanì ha dìì.

James 4:11

Sèot'ı̨ı̨, ełıızì jıı aahtsı̨-le. Amìı edèot'ı̨ ghǫ gode, hanì-le-ı̨dè yesınìyaehtıı sìı, Nǫ̀htsı̨ nàowoò k'èch'a gode xè yesınìyaehtı hǫt'e. Nǫ̀htsı̨ nàowoò wesınìyaahtı nı̨dè wenàowoò k'ę̀ę̀ aahda nıìle, wek'èch'a goahde hǫt'e.

James 5:12

Sèot'ı̨ı̨, dıı wedaànıahdè: Yak'e wedahxà, dıı nèk'e wedahxà, hanì-le-ı̨dè t'asìı wı̨ı̨zìı dahxà yatı nàtsoo aahtsı̨ ha nıìle. “Hęɂę,” dahdı nı̨dè wek'ę̀ę̀ eghàlaahda, eyıts'ǫ “Į̀le,” dahdı nı̨dè wek'ę̀ę̀ eghàlaahda. Haaht'ı̨-le nı̨dè wek'èxa naxısınìyaetı ha hǫt'e.

James 5:19

Sèot'ı̨ı̨, naxıta gots'ǫ dǫ ı̨łè ekǫ-le ajà nı̨dè, eyıts'ǫ dǫ eyıì-le yets'ǫ̀ gode t'à ehkw'ı goòɂà ts'ǫ̀ anayį̀į̀là nı̨dè,

1 John 2:21

Nàowo ehkw'ıı k'èhoahsǫ-le t'à naxıts'ǫ̀ eehtł'è nıìle, hanìkò nàowo ehkw'ıı wek'èahsǫ t'à naxıts'ǫ̀ eehtł'è hǫt'e, eyıts'ǫ hots'ets'ìı sìı nàowo ehkw'ıı gots'ǫ nıìle.