James 1:17 - Nǫ̀htsı̨ Nı̨htł'è

¹⁷ T'asìı hazǫǫ̀ nezı̨ı̨ xè wedeèdlı̨ı̨ gots'ǫ̀ at'ı̨ı̨ sìı ı̨dòo yak'e gots'ǫ hǫt'e. Nǫ̀htsı̨-Gotà, sa eyıts'ǫ whǫ̀ whehtsı̨ı̨ sìı gots'ǫ̀ ayehɂı̨ hǫt'e. Nǫ̀htsı̨ sìı, wınì nàke nıìle, edınì eładı̨į̀ ayehɂı̨ nıìle.

James 1:17 ပူးပေါင်းရင်းမြစ်များ

Dànì Kèhoį̀wo 41:16

Joseph k'àowocho Faraoh ts'ǫ̀ hadı, “Sı̨ set'à agot'ı̨ nıìle, hanìkò Nǫ̀htsı̨ sìı k'àowocho ayìı ghǫ nàtee dàhodıì-ahodı nıwǫǫ sìı yek'èezǫǫ̀ ayele ha,” yèhdı.

Matthew 7:11

Naxı̨ hołı̨ı̨-hoahtsı̨ı̨-dǫǫ̀ aaht'e kò, naxıza t'asìı nezı̨ı̨ gıghàahłe k'èahsǫ. Naxıtà yak'e whedaa sìı dǫ geekè nı̨dè naxınahk'e t'asìı nezı̨ı̨ goghàyele ha hǫt'e.

Luke 11:13

Naxı̨ hołı̨ı̨-hoahtsı̨ı̨-dǫǫ̀ aaht'e kò, naxızaa t'asìı nezı̨ı̨ gıghàahłe k'èhoahsǫ. Naxıtà yak'e whedaa sìı naxınahk'e t'asìı nezı̨ı̨ naxıghàɂà ha hǫt'e. Dǫ Yedàyeh Nezı̨ı̨ geekè nı̨dè gots'ǫ̀ ayele ha hǫt'e!” Zezì gòhdı.

John 1:9

Dzęh wedeèdlı̨ı̨ wet'à dǫ hazǫǫ̀ gha dzęh agode ha sìı dıı nèk'e dǫ ts'ǫ̀ ajà.

John 3:27

John-Baptıst gots'ǫ̀ hadı, “Amìı yak'e gots'ǫ la weghǫ̀t'ǫǫ sìı yek'ę̀ę̀ zǫ eghàlaeda hǫt'e.

John 3:3

Zezì yets'ǫ̀ hadı, “Ehkw'ı anèehsı̨, dǫ wı̨ı̨zìı k'achı̨ wegǫ̀hłı̨ lenǫsıı Nǫ̀htsı̨ Wenàowoò k'ę̀ę̀ hòɂǫ yek'èezǫ ha dìì,” yèhdı.

John 8:12

Zezì k'achı̨ dǫ ts'ǫ̀ hadı, “Dıı nèk'e dǫ hazǫǫ̀ gıgha dzęh nı̨ı̨dı̨ı̨ aht'e. Amìı sexè at'ı̨ı̨ sìı wexè togoòtł'ò ha-le, dzęh wet'à ts'eedaa wexè hòɂǫ hǫt'e,” gòhdı.

Zezì Wecheekeèdeè 11:18

Hadı gots'ǫ̀ goı̨de tł'axǫǫ̀ dǫ t'asagedı ha dìì t'à Nǫ̀htsı̨ ghàsǫgeedı, “Nǫ̀htsı̨ sìı dǫ eyıì-le xàɂaa gı̨ı̨lı̨ı̨ kò edek'egı̨ı̨lı̨ nı̨dè edaxàgole ha goghàhòı̨ɂǫ nǫǫ̀,” gedı.

Zezì Wecheekeèdeè 5:31

Nǫ̀htsı̨ ı̨dòo ts'ǫ̀ neyı̨į̀htı̨, edegà nàgòts'ehnèe whedaà ayį̀į̀là, gogha k'àowocho yèhtsı̨ eyıts'ǫ edaxàgole ha ayį̀į̀là. Eyıt'à Israel got'ı̨į̀ edek'egı̨ı̨lı̨ nı̨dè gıhołı̨į̀ goghǫ nahoele ha.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

1 Corınth 4:7

Amìı dǫ nahk'e aaht'eè anaxį̀į̀là? T'asìı naxıts'ǫ sìı naxıghǫ̀t'ǫ hǫt'e. T'asìı naxıghǫ̀t'ǫ nı̨dè dànìghǫ t'asìı naxıghǫ̀t'ǫ-le lanì xàdahoahdì?

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Ephesus 1:18

Naxıda enıìyah hòɂǫ ts'ǫ̀ naxıkayaetıı sìı naxıdzeè t'à hotıì nezı̨į̀ wek'èahsǫ ha, eyı sı gha yahtı hǫt'e. T'asìı enıìyah deè Nǫ̀htsı̨ edets'ǫ dǫ gha ts'atà whehłaa sìı goghàyele ha hǫt'e.

Ephesus 2:8

Nǫ̀htsı̨ wesǫnıwǫ t'à edaxàwhahde hǫt'e, eyıts'ǫ naxıgha ehkw'ı-ahodı t'à Nǫ̀htsı̨ wesǫnıwǫ ààhchı hǫt'e. T'asìı haahłà t'à naxıghǫ̀t'ǫ nıìle, hanìkò Nǫ̀htsı̨ naxıghàyı̨ı̨ɂǫ hǫt'e.

Phılıppı 1:29

Zezì-Krı naxıgha ehkw'ı-ahodıı sìı naxıghǫ̀t'ǫ hǫt'e, eyı zǫǫ̀-le, wegha daahɂa ha, eyı sı naxıghǫ̀t'ǫ hǫt'e.

1 Tımothy 6:16

Nǫ̀htsı̨ ededı̨ zǫ ełaàwı-le sìı sadeè nàtso lanì wehòhɂǫ t'à dǫ wı̨ı̨zìı yets'ǫ̀ nıwà-le ade ha dìì, eyıt'à dǫ wı̨ı̨zìı yaɂı̨ whìle eyıts'ǫ dǫ wı̨ı̨zìı yeɂį̀ ha dìì. Ededı̨ weghàsǫts'eedı welè, eyıts'ǫ welǫ whìle ts'ǫ̀ gots'ǫ̀ K'àowo enıìyah t'à nàtso welè. Amen.

Hebrew 13:8

Zezì-Krı ı̨nę̀ę dànì wexè gòı̨ɂàa sìı dıı dzęę̀ k'e hanì wexè hòɂǫ eyıts'ǫ welǫ whìle ts'ǫ̀ hanì wexè hòɂǫ ha hǫt'e.

James 1:5

Naxıta dǫ ı̨łè wınì gǫǫzǫ ha nıwǫ nı̨dè Nǫ̀htsı̨ ts'ǫ̀ yawehtı. Hanì-ı̨dè Nǫ̀htsı̨ yınì gǫı̨zǫǫ̀ ayele ha. Ayìı wets'eekèe sìı weɂǫ̀ǫ̀ goghàyele ha hǫt'e, eyıts'ǫ “Ayìıha sı̨ı̨kè?” gòhdı nàgoehɂǫ ha nıìle.

James 3:15

Hanì gots'ı̨ı̨zǫǫ̀ k'ehots'eɂaa sìı yak'e gots'ǫ nıìle, dıı nèk'e gots'ǫ hǫt'e. Nǫ̀htsı̨ wets'ǫ nıìle, wehłı̨ı̨ wets'ǫ hǫt'e.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 John 1:5

Dıı wegodıì ts'ıìkw'oo sìı naxıts'ǫ̀ hats'edı hǫt'e. Dıı wegodıì hǫt'e: Nǫ̀htsı̨ sìı dzęh hǫt'e, wexè togoòtł'òo whìle.

1 John 4:10

Dıı hanì ełeghǫnets'eètǫǫ wedeèdlı̨ı̨ hǫt'e: goxı̨ dǫ ts'ı̨ı̨lı̨ı̨ sìı dànì Nǫ̀htsı̨ ghǫnets'eètǫ awèts'edı-le, hanìkò ededı̨ sıì goghǫneètǫ t'à Weza gohołı̨į̀ k'èxa gogha ełaı̨wı ha gots'ǫ̀ ayį̀į̀là.

John Wenazhıı 21:23

Eyı kǫ̀godeè sìı Nǫ̀htsı̨ wets'ǫ enıìyah deè wek'e saı̨dı̨ t'à sa eyıts'ǫ adzęzah wek'e daaɂa-le kò t'asanìle. Hazǫǫ̀ ts'ǫ̀ wek'e dzęh agǫ̀ht'e eyıts'ǫ Sahzǫ̀ą sìı gogha ek'aèk'ǫ dèk'ǫ̀ǫ elı̨ lanì.

John Wenazhıı 22:5

To agode ha nıìle. Nǫ̀htsı̨ ededı̨ sìı gok'e daaɂa ha ne t'à, dǫ wı̨ı̨zìı ek'aèk'ǫ nıwǫ ha nıìle eyıts'ǫ dǫ wı̨ı̨zìı sadeè nıwǫ ha nıìle. Eyıts'ǫ welǫ whìle ts'ǫ̀ k'àowo gı̨ı̨lı̨ ha.