James 1:14 - Nǫ̀htsı̨ Nı̨htł'è

¹⁴ Hanìkò dǫ edınì t'à hołı̨ı̨ nıwǫ ts'ıhɂǫ̀ weèdzà hǫt'e. Hołı̨ı̨ nàowoò ts'ıɂǫ̀ yeehtè lanì.

James 1:14 ပူးပေါင်းရင်းမြစ်များ

Dànì Kèhoį̀wo 3:6

Ts'èko, eyı ts'ı wejìecho ts'eɂà gha nezı̨ lanì wegha wègaat'ı̨ xè wegha wèdaat'ı̨. Wet'à gohzǫǫ̀ ahde ha nıwǫ t'à jìecho mǫ̀hdaa neyı̨į̀wa gà yı̨ı̨ɂà. Wedǫǫ̀ yegà nàwoo sìı jìecho mǫ̀hdaa yeghàı̨dì. Ededı̨ sı yı̨ı̨ɂà.

Dànì Kèhoį̀wo 6:5

Gots'ǫ̀ K'àowo dıı nèk'e dǫ sıì hołı̨ı̨ k'ę̀ę̀ geedaà agejàa, gok'èezǫ. Ekìı t'aats'ǫǫ̀ dedzeè t'à hołı̨ı̨ zǫ ghǫ nànıgedè agejà.

Dànì Kèhoį̀wo 8:21

Gots'ǫ̀ K'àowo t'asìı wets'ǫ̀ wek'eek'ǫ̀ǫ sìı wegha nezı̨ t'à edets'ǫ̀ hadı, “Dǫ negechà-lea gots'ǫ t'aats'ǫǫ̀ ededzeè t'à hołı̨ı̨ nàowoò zǫ danıgedè kò, k'achı̨ wı̨ı̨zìı dèè k'e hanì hoìla agohłe ha nıìle. Eyıts'ǫ k'achı̨ wı̨ı̨zìı t'asìı hazǫǫ̀ edaa sìı gıdıhohtsı̨ ha nıìle.

Matthew 15:18

Hanìkò gowà gots'ǫ yatı xàdeewìı sìı godzeè yìı gots'ǫ at'ı̨ hǫt'e, eyı wet'à ‘degaı ts'ı̨ı̨lı̨-le’ ats'et'į̀.

Matthew 15:20

Nàowołı̨ı̨ ghǫ nànıts'edè nı̨dè wet'à ‘degaı ts'ı̨ı̨lı̨-le’ ats'et'į̀. Hanìkò shèts'etı̨ kwe goılà k'enats'ehtse-le nı̨dè wet'à ‘degaı ts'ı̨ı̨lı̨-le’ ats'ede ha nıìle,” Zezì gòhdı.

Matthew 4:1

Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.

Matthew 5:28

Hanìkò sı̨ dıı hanaxèehsı̨: Amìı ekǫ-le nànıwo t'à ts'èko ghàeda nı̨dè hòt'a edınì t'à yexè hołı̨ı̨ hòèhtsı̨ hǫt'e.

Rome 7:11

Eyı nàowo wek'èch'a aht'ı̨ ha segha hòɂǫǫ̀ adlà t'à sınìłı̨ı̨ seghǫyaàɂǫ eyıts'ǫ wek'èch'a ahjà. Eyı nàowo wets'ıhɂǫ̀ hołı̨ı̨ ełaıhwhoò asį̀į̀là.

Rome 7:13

Eyıt'à eyı nàowo nezı̨ı̨ sìı ełaıhwhoò asį̀į̀là nì? Hanì honàedı nıìle! Eyı nàowo nezı̨ı̨ wet'ǫ̀ǫ̀ gohołı̨į̀ sıì wejıı hǫt'e wenıts'eedì ats'et'į̀, eyıts'ǫ nàowo nezı̨ı̨ wek'èts'eezǫǫ̀ ats'et'į̀ nı̨dè hołı̨ı̨ ełaàts'edeè agohɂį̀ hǫt'e. Eyıt'à nàowodeè weghàà gohołı̨į̀ sıì wejıı hǫt'e wenıts'eedì.

Ephesus 4:22

Įnę̀ę dànì naxınìłı̨ı̨ k'ę̀ę̀ aahda ı̨lèe sìı wek'ę̀ę̀ aahda-le gha hoghànaxeètǫ ı̨lè. Hołı̨ı̨ gha hòtł'ò kànıahɂaa sìı wet'à naxınì wedıhołè hǫt'e.

Hebrew 3:13

Hanìkò ı̨łaà “dıı dzęè” ts'edı et'ıì dzę taàt'eè ełınì nàtsoò ałaahɂı̨. Hałaahɂı̨ nı̨dè naxıta dǫ wı̨ı̨zìı weghǫyahoeɂà t'à Nǫ̀htsı̨ ts'ǫ̀ wedzeè dezhì ade ha nıìle.

James 1:13

Dǫ hołı̨ı̨ t'à weèdzà nı̨dè, “Nǫ̀htsı̨ asehɂı̨,” hadı ha-le. Nǫ̀htsı̨ ededı̨ sìı hołı̨ı̨ t'à weèdzà ha hòɂǫ nıìle, eyıts'ǫ ededı̨ hołı̨ı̨ t'à dǫ èhdzà nıìle.

James 1:15

Dǫ hołı̨ı̨ ghaewıı sìı yek'ę̀ę̀ eghàlaeda, eyıts'ǫ k'èdaà hołı̨ı̨ nàowoò wegha nàtso at'į̀ t'à, eyı dǫ yet'à ełaàwı hǫt'e.