James 1:1 - Nǫ̀htsı̨ Nı̨htł'è

¹ Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

James 1:1 ပူးပေါင်းရင်းမြစ်များ

Matthew 10:3

Phılıp, Bartholomew, Thomas, sǫǫ̀mba-nàhtsį̀ı̨-dǫǫ̀ Matthew, Alphaeus weza James, Thadıyus,

Matthew 13:55

Dechı̨-eghàlaedaa-dǫǫ̀ weza nıìle nì? Wemǫ Mary wìyeh nì? Eyıts'ǫ wechı sı James, Joseph, Sımon eyıts'ǫ Zhıdàà agı̨ı̨t'e-le nì?

Matthew 19:28

Zezì edecheekeè gots'ǫ̀ hadı, “Ehkw'ı anaxèehsı̨, t'asìı hazǫǫ̀ wegòò anagòjà xè Dǫ-wet'àaɂàa-deè k'àowocho whelı̨ t'à ededaèhchı̨cho k'e wheda nı̨dè naxı̨ sek'èè k'eahdè ı̨lèe sìı daèhchı̨cho hoònǫ-daats'ǫ̀-nàke k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha.

Mark 3:18

eyıts'ǫ Andrew, Phılıp, Bartholomew, Matthew, Thomas, Alphaeus weza James, Thadıyus, Sımon (“dǫ edenèè ghǫneètǫǫ” wìyeh),

Luke 22:30

K'àowocho whıhłı̨ nı̨dè seladà k'e shèahzhe ha eyıts'ǫ daèhchı̨cho k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha,” gots'ǫ̀ hadı.

Luke 6:15

Matthew, Thomas, Alphaeus weza James, Sımon (“dǫ edenèè ghǫneètǫǫ” wìyeh),

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

John 7:35

Israel gha k'aodèe ełets'ǫ̀ hagedı, “Eyı dǫ wegots'ìhɂà ha-le, dı t'à, edı̨į̀ ts'ǫ̀ ade ha ghǫ adı. Gòet'ı̨ eyıì-le nèk'e Greece got'ı̨į̀ ta nàgedèe sìı gots'ǫ̀ ade ha nì? Ekǫ hoghàgoehtǫ ha nì?

Zezì Wecheekeèdeè 1:13

Eyı nègı̨ı̨de ekò dahkǫ̀ agı̨ı̨t'ee sìı ts'ǫ̀ dekegı̨į̀de. Dǫ goyìı geèhkw'ee sìı Peter, John, James, Andrew, Phılıp, Thomas, Bartholomew, Matthew, Alphaeus weza James eyıts'ǫ Sımon (“dǫ edenèè ghǫneètǫǫ” wìyeh), eyıts'ǫ James weza Zhıdàà, hazǫǫ̀ t'à dǫ haàtłǫǫ goyìı geèhkw'e.

Zezì Wecheekeèdeè 12:17

Sıì sìgeèt'ı̨ xè gıdagoòhwho t'à Peter ts'èwhı̨į̀ agı̨ı̨t'e ha edılà t'à gogha nàɂeetsį̀. Eyı tł'axǫǫ̀ dànì gots'ǫ̀ K'àowo dǫ-danìı̨laa-kǫ̀ gots'ǫ xàyeèhchìı sìı hazǫǫ̀ gots'ǫ̀ hadı. “James eyıts'ǫ Nǫ̀htsı̨ wecheekeè gıts'ǫ̀ haahdı nǫǫ̀,” gòhdı tł'axǫǫ̀ eyıì-le kǫ̀ ts'ǫ̀ xàèhtła.

Zezì Wecheekeèdeè 15:13

Barnabas eyıts'ǫ Paul hòt'a gogı̨ı̨de tł'axǫǫ̀ James xàyaı̨htı, hadı, “Sèot'ı̨ı̨, seàhkw'ǫ.

Zezì Wecheekeèdeè 15:21

Įnę̀ę whaà gots'ǫ kǫ̀ta hazǫǫ̀ yàgòlaa sìı hanì Moses wenàowoò t'à dǫ hoghàgogeèhtǫ hǫt'e. Eyıts'ǫ Nǫ̀htsı̨ Dzęę̀ taàt'eè ełègehdèe-kǫ̀ goyìı wenı̨htł'è gık'eyahtı hǫt'e,” James hadıì gots'ǫ̀ goı̨de.

Zezì Wecheekeèdeè 15:23

Dıı hanì gots'ǫ̀ egı̨ı̨tł'è: “Gòet'ı̨ı̨, dǫ eyıì-le xàɂaa gıgha ehkw'ı-ahodıı sìı kǫ̀ta Antıoch, Syrıa nèk'e eyıts'ǫ Cılıcıa nèk'e nàgedèe sìı gıts'ǫ̀ aatł'è. Dıı enı̨htł'è sìı Zezì wecheekeèdeè eyıts'ǫ k'aodèe gı̨ı̨lı̨ı̨ sìı egı̨ı̨tł'è hǫt'e. “Naxıxè sìghà welè!

Zezì Wecheekeèdeè 2:5

Ekò k'e Israel got'ı̨į̀ Nǫ̀htsı̨ ghǫ hòtł'ò agı̨ı̨wǫǫ sìı hazǫǫ̀ nèk'e gots'ǫ Jerusalem nègı̨ı̨de ı̨lè.

Zezì Wecheekeèdeè 21:18

Ek'èdaedzęę̀ k'e Paul eyıts'ǫ goxı̨ hazǫǫ̀ James wets'àts'ede, Nǫ̀htsı̨ cheekeè gha k'aodèe hazǫǫ̀ eyı geèhkw'e.

Zezì Wecheekeèdeè 23:26

“Claudıus-Lysıyas gots'ǫ, k'àowo Felıx wets'ǫ̀ aatł'è. “Nexè sìghà welè.

Zezì Wecheekeèdeè 26:7

Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı Nǫ̀htsı̨ edeyatıì k'ę̀ę̀ hòɂǫǫ̀ ayele ha sìı gıgha ehkw'ı-ahodı t'à, dzę eyıts'ǫ to Nǫ̀htsı̨ gha hòtł'ò eghàlageeda. K'àowocho Agrıppa, sı̨ sı Nǫ̀htsı̨ dànì edeyatıì k'ę̀ę̀ hòɂǫǫ̀ ayele ha sìı segha ehkw'ı-ahodı t'à Israel got'ı̨į̀ sek'èch'a gogede.

Zezì Wecheekeèdeè 8:1

Dǫ degaı mǫ̀hdaa Stephen wekw'ǫǫ̀ nègı̨į̀tǫ eyıts'ǫ gıghǫ hòtł'ò gı̨ı̨tsè. Eyı dzęę̀ k'e Jerusalem Nǫ̀htsı̨ wecheekeè hazǫǫ̀ dagı̨ı̨ɂaà agììdlà. Eyıt'à Judea nèk'e eyıts'ǫ Samarıa nèk'e ts'ǫ̀ kwı̨geèhde. Hanìkò Zezì wecheekeèdeè t'aa Jerusalem ageèhkw'e.

Rome 1:1

Sı̨ Paul aht'e, Zezì-Krı wegha eghàlaehda. Wecheekeèdeè ehłı̨ gha eyıts'ǫ Nǫ̀htsı̨ wegodıì nezı̨ı̨ dǫ ts'ǫ̀ haehsı̨ gha Nǫ̀htsı̨ sį̀į̀hchì hǫt'e.

Galatıa 1:19

Ededı̨ wenǫ̀ǫ̀ Zezì wecheekeèdeè geehɂı̨-le. James, gots'ǫ̀ K'àowo wechı ededı̨ zǫ weehɂı̨.

Galatıa 2:12

James dǫ mǫ̀hdaa gots'ǫ̀ goı̨hɂàa kwe sìı Peter dǫ Israel got'ı̨į̀ agı̨ı̨t'e-le xè shètı̨ ı̨lè. Hanìkò eyı dǫ nègı̨ı̨de ekò dǫ gıkwǫ̀ nàt'àa ts'ǫǫ̀hk'e agı̨ı̨t'ee sìı Peter gots'àejı̨į̀ ajà t'à, Israel got'ı̨į̀ agı̨ı̨t'e-le sìı goxè at'ı̨-le ajà.

Galatıa 2:9

James, Peter eyıts'ǫ John, Nǫ̀htsı̨ wecheekeèdeè denahk'e gıt'àhoòɂà gha gııtà hǫt'e. Nǫ̀htsı̨ sets'ǫ̀ sǫnıwǫ t'à hanì enıìyah eghàlaıhdà k'èhogeèhzà t'à, į̀łah Barnabas eyıts'ǫ sı̨ nàgots'ehnèe ts'ǫ goılà gı̨ı̨tǫ̀. Ełek'ę̀ę̀ ats'ı̨ı̨wǫ t'à goxı̨ Israel got'ı̨į̀ agı̨ı̨t'e-le sìı gıts'ǫ̀ ats'ede ha eyıts'ǫ ededı̨ sìı Israel got'ı̨į̀ ts'ǫ̀ agede ha, ts'edı.

Phılıppı 1:1

Kǫ̀ta Phılıppı dǫ Zezì-Krı wets'ıhɂǫ̀ Nǫ̀htsı̨ wets'ǫ dǫ agı̨ı̨t'ee eyıts'ǫ gıts'ǫ k'aodèe yàgı̨ı̨lı̨ı̨ sìı dıı enı̨htł'è gıts'ǫ̀ aatł'è hǫt'e. Zezì wecheekeè, Paul eyıts'ǫ Tımothy, dıı naxıts'ǫ̀ gı̨ı̨tł'è:

2 Tımothy 4:21

Xok'e agode kwe jǫ sets'ǫ̀ anede ha wı̨ı̨hdzà. Eubulus yatı nezı̨ı̨ nedanìı̨ɂǫ, eyıts'ǫ Pudens, Lınus, Claudıa, eyıts'ǫ gòet'ı̨ hazǫǫ̀, “Nexè sìghà welè,” nègedı.

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

1 Peter 1:1

Sı̨ Peter Zezì-Krı wecheekeèdeè aht'e. Nǫ̀htsı̨ dǫ edegha gòį̀hchìı sìı eyıts'ǫ dıı nèk'e ts'ǫ dǫ gıta xàhtǫ lagı̨ı̨t'ee sìı gıts'ǫ̀ eehtł'è. Pontus nèk'e, Galatıa nèk'e, Cappadocıa nèk'e, Asıa nèk'e eyıts'ǫ Bıthynıa nèk'e hazǫǫ̀ ts'ǫ̀ nàgedèe gıts'ǫ̀ eehtł'è.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.

John Wenazhıı 7:4

Eyı tł'axǫǫ̀ dıı hats'edıì hǫt'e, “Dǫ dıı haàtłǫǫ sìı nàgıakwı̨ hǫt'e: Israel got'ı̨į̀ ts'ǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000).