Hebrew 7:9 - Nǫ̀htsı̨ Nı̨htł'è

⁹ Levı got'ı̨į̀ t'asìı hoònǫ ts'ǫ ı̨łè nàgehtsı̨ kò Abraham wet'ǫ̀ǫ̀ eyı wexètłǫ Melkızedek ts'àgeèhdì, ts'edı ha dìì-le hǫt'e.

Hebrew 7:9 ပူးပေါင်းရင်းမြစ်များ

Dànì Kèhoį̀wo 14:20

Nǫ̀htsı̨ Enıìyah Deè elı̨ı̨ sìı weghàsǫts'eedı welè. Dǫ nek'èch'a gı̨ı̨lı̨ı̨ sìı netł'aà nègòı̨la hǫt'e,” Melkızedek Abram ts'ǫ̀ hadı. Eyı tł'axǫǫ̀ Abram ełegegǫ gots'ǫ t'asìı hazǫǫ̀ nèyı̨ı̨waa sìı wets'ǫ hoònǫ-ı̨łè yahtıı Melkızedek ghàyı̨ı̨la.

Matthew 7:8

T'aa eekèe sìı t'asìı weghǫ̀t'à ha; amìı t'asìı hak'eet'į̀ı̨ sìı yegòhɂà ha; eyıts'ǫ amìı enìı̨tǫ k'e ts'aht'ıı sìı wets'ǫ̀ enìxàetį̀ ha.

Rome 5:12

Dǫ ı̨łè wehołı̨į̀ t'à dıı nèk'e hołı̨ı̨ kèhǫǫ̀wo wek'èts'eezǫ hǫt'e. Hołı̨ı̨ ts'ıhɂǫ̀ eyı dǫ ełaı̨wo, eyıts'ǫ dǫ hazǫǫ̀ hołı̨ı̨ hogehtsı̨ ts'ıhɂǫ̀ wexèht'eè ełaàgede ha hǫt'e.

Hebrew 7:10

Melkızedek Abraham ghǫ nììtła ekò, Levı ı̨łaà wegǫ̀hłı̨-le t'à, edecho Abraham yìı-ts'ǫ̀-èlı̨ ı̨lè.

Hebrew 7:4

Dànì wet'àaɂàa-deè elı̨ ı̨lèe sìı wedaànıahdè: Gocho Abraham ededı̨ kò t'asìı hazǫǫ̀ dèhnǫ gots'ǫ sìı hoònǫ-ı̨łè yeghàı̨ɂǫ.

Hebrew 7:8

Levı got'ı̨į̀ sìı ełaàgııde ha agı̨ı̨t'e kò t'asìı hoònǫ gots'ǫ ı̨łè nàgı̨ı̨htsı̨ hǫt'e, hanìkò Melkızedek eyı wexètłǫ weghǫ̀zha hǫt'e eyıts'ǫ Nǫ̀htsı̨ Nı̨htł'è k'ę̀ę̀ ı̨łaà eda hǫt'e.