Hebrew 7:6 - Nǫ̀htsı̨ Nı̨htł'è

⁶ Melkızedek Levı wets'ıhɂǫ̀ǫ-dǫǫ̀ elı̨ nıìle kò ı̨łaà Abraham wets'ǫ t'asìı haàtłǫǫ weghǫ̀zha hǫt'e, eyıts'ǫ Nǫ̀htsı̨ Abraham xè yatı whehtsı̨ kò Melkızedek yek'eèyaı̨htı.

Hebrew 7:6 ပူးပေါင်းရင်းမြစ်များ

Dànì Kèhoį̀wo 12:13

Sedè anet'e nı̨ı̨dı nǫǫ̀, hanì-ı̨dè nets'ıhɂǫ̀ ełaàsegèhwhı ha-le xè nezı̨į̀ sets'ǫ̀ nageɂa ha,” Abram edets'èkeè èhdı.

Dànì Kèhoį̀wo 12:2

Nı̨ nets'ıhɂǫ̀ǫ-dǫǫ̀ ı̨łè xàgeèɂaa deè gı̨ı̨lı̨į̀ agehłe ha, eyıts'ǫ nexè sìghà hòɂǫǫ̀ ahłe ha. Nıızì nechà ahłe ha eyıts'ǫ nets'ıhɂǫ̀ǫ-dǫǫ̀ hazǫǫ̀ gıxè sìghà hòɂǫ ha.

Zezì Wecheekeèdeè 3:25

Nakwenàoɂǫǫ ayìı ghǫ gogı̨ı̨de ı̨lèe sìı naxıgha hǫt'e eyıts'ǫ ı̨dèe whaà, Nǫ̀htsı̨ naxıcho xè nakenawhehtsı̨ı̨ sìı naxıgha hǫt'e. Abraham ts'ǫ̀ dıı hadı ı̨lè, ‘Nets'ıhɂǫ̀ǫ-dǫǫ̀ wet'à dıı nèk'e dǫ hazǫǫ̀ gıxè sìghà hòɂǫ ha hǫt'e,’ dek'eèhtł'è.

Rome 4:13

Nǫ̀htsı̨ dıı hadı ı̨lè, Abraham, weza eyıts'ǫ wets'ıhɂǫ̀ǫ-dǫǫ̀ gı̨ı̨lı̨ı̨ sìı dıı nèk'e k'àhogedè agole ha, gòhdı ı̨lè. Moses wenàowoò k'èagı̨ı̨t'e t'à gıxè hagode ha, gòhdı nıìle, hanìkò gıgha ehkw'ı-ahodı t'à ehkw'ı geedaa k'ę̀ę̀ goıhtà ts'ıhɂǫ̀ gıxè hagode ha, gòhdı.

Rome 9:4

Ededı̨ sìı xàè wets'ǫ dǫ gı̨ı̨lı̨ ha eyıts'ǫ xàè weza gı̨ı̨lı̨ ha Nǫ̀htsı̨ gòį̀hchì hǫt'e. Enıìyah t'à Gınǫ̀htsı̨ elı̨ı̨ sìı gık'èezǫǫ̀ agǫ̀ǫ̀là, goxè nakenawhehtsı̨, Moses wenàowoò goghàı̨ɂǫ, Nǫ̀htsı̨ ts'ǫ̀ yagehtı ha Nǫ̀htsı̨kǫ̀-gocho goghàyı̨ı̨ɂǫ, eyıts'ǫ edaxàgole ha edeyatıì goghàı̨ɂǫ ı̨lè.

Galatıa 3:16

Nǫ̀htsı̨, Abraham eyıts'ǫ wets'ıhɂǫ̀ǫ-dǫǫ̀ elı̨ı̨ sìı goxè sìghà ayele ha edeyatıì goghàı̨ɂǫ ı̨lè. Nǫ̀htsı̨ Nı̨htł'è k'e dıı hanì dek'eèhtł'è, “amìı wets'ıhɂǫ̀ǫ-dǫǫ̀ elı̨,” hadıı sìı dǫ łǫ ghǫ godeè-adı nıìle, hanìkò, “amìı wets'ıhɂǫ̀ǫ-dǫǫ̀ elı̨,” hadıı sìı dǫ ı̨łè zǫ ghǫ godeè-adı, eyı dǫ sìı Zezì-Krı hǫt'e.

Hebrew 11:13

Eyı dǫ ełaàgı̨ı̨dè ekò ı̨łaà gıgha ehkw'ı-ahodı k'ę̀ę̀ geeda ı̨lè. Nǫ̀htsı̨ edeyatıì goghàı̨ɂǫǫ sìı ı̨łaà wek'ę̀ę̀ t'asìı gıghǫ̀zha nıìle, hanìkò ı̨daà nıwà gıaɂı̨ lanì t'à eyı ghǫ gınà ı̨lè. Xàhtǫ lanì whaà-lea gots'ǫ̀ dıı nèk'e nàts'edè, hagedı ı̨lè.

Hebrew 11:17

Abraham, Nǫ̀htsı̨ yeèhdzà ekò yegha ehkw'ı adı t'à edeza Isaac Nǫ̀htsı̨ gha ełaàyèhwhı ha sınìhòı̨ɂǫ ı̨lè. Ededı̨ Nǫ̀htsı̨ weyatıì weghǫ̀t'ǫǫ sìı edeza ı̨łàet'ee zǫ Nǫ̀htsı̨ ts'ǫ̀ ełaàyèhwhı ha ı̨lè.

Hebrew 7:1

Eyı dǫ Melkızedek sìı kǫ̀godeè Salem gogha k'àowocho elı̨ ı̨lè, Nǫ̀htsı̨ wenahk'e gǫ̀hłı̨-le sìı gha yahtıı elı̨ ı̨lè. Abraham, k'àowocho eyıì-le gots'ǫ̀ ełegegǫ t'à goghǫèhnǫ gots'ǫ ek'èt'à naèhtła ekò, Melkızedek yeghaetła t'à yek'eèyaı̨htı ı̨lè.

Hebrew 7:7

Dǫ denahk'e elı̨ı̨ sìı dǫ dek'aɂį̀ elı̨ı̨ k'eèyaı̨htı hǫt'e, hotıì wek'èts'eezǫ.