Hebrew 5:1 - Nǫ̀htsı̨ Nı̨htł'è

¹ Dıı nèk'e yahtıı-wet'àaɂàa-deè hazǫǫ̀ sìı dǫ gıxèht'eè gıta gots'ǫ gììchì hǫt'e. Edèot'ı̨ gha nakweè geèhkw'e gı̨ı̨lı̨ t'à Nǫ̀htsı̨ nadąą̀ k'ehogeɂa, dǫ-hołı̨į̀ k'èxa tıts'aàdìı ełaàgehde xè Nǫ̀htsı̨ ts'ǫ̀ gık'eehk'ǫ̀.

Hebrew 5:1 ပူးပေါင်းရင်းမြစ်များ

Rome 15:17

Nǫ̀htsı̨ wegha sılaà eghàlaehda t'à Zezì-Krı weghàsǫehdı hǫt'e.

1 Corınth 15:3

Yatı sets'ǫ̀ nìt'ǫǫ sìı yatı t'akwełǫ̀ǫ̀ wek'èahsǫ ha naxıghàehɂǫ hǫt'e. Eyı yatı sìı Zezì-Krı gohołı̨į̀ k'èxa ełaı̨wo hǫt'e, eyı sìı Nǫ̀htsı̨ Nı̨htł'è k'ę̀ę̀ agòjà.

Hebrew 10:11

Dzę taàt'eè yahtıı hazǫǫ̀ Moses wenàowoò k'ę̀ę̀ Nǫ̀htsı̨ ladà k'e edılaà ghàlageeda. Eyı nàowo k'ę̀ę̀ k'ègok'e Nǫ̀htsı̨ ts'ǫ̀ t'asìı k'egeehk'ǫ̀, hanìkò wet'à dǫ gıhołı̨į̀ whìle ade hǫı̨lı̨ ha nıìle.

Hebrew 10:12

Hanìkò dıı yahtıı-wet'àaɂàa-deè sìı welǫ whìle ts'ǫ̀ gha ı̨łàà zǫ gohołı̨į̀ k'èxa Nǫ̀htsı̨ ghàdìtı̨ tł'axǫǫ̀, Nǫ̀htsı̨ gà nàgòts'ehnèe wheda.

Hebrew 11:4

Abè wegha ehkw'ı-ahodı t'à Caın Nǫ̀htsı̨ ghà-t'asìı-nı̨ı̨dìı nahk'e Abè yets'ǫ̀ t'asìı k'eehk'ǫ̀ǫ sìı wegha nezı̨. Abè wegha ehkw'ı-ahodı t'à Nǫ̀htsı̨ yeghǫ dıı hadı, “Abè ehkw'ı-edaa-dǫǫ̀ elı̨, sets'ǫ̀ ayìı k'eehk'ǫ̀ǫ sìı segha nezı̨,” hadı. Eyıts'ǫ Abè wegha ehkw'ı-ahodı t'à ełaı̨wo kò ayìı dàyį̀į̀làa sìı t'à ı̨łaà gots'ǫ̀ gode hǫt'e.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.

Hebrew 7:27

Zezì ı̨nę̀ę gots'ǫ yahtıı-wet'àaɂàa-deè xèht'e-le. Dzę taàt'eè edehołı̨į̀ k'èxa eyıts'ǫ dǫ gıhołı̨į̀ sı k'èxa Nǫ̀htsı̨ ts'ǫ̀ t'asìı k'eehk'ǫ̀ǫ sìı wegha hanì hòɂǫ-le. Nǫ̀htsı̨ nadąą̀ gohołı̨į̀ hazǫǫ̀ k'èxa ełaàwìgwo adììdlà eyıts'ǫ k'achı̨ hanade ha nıìle.

Hebrew 8:3

Yahtıı-wet'àaɂàa-deè hazǫǫ̀ sìı t'asìı Nǫ̀htsı̨ ghàgeɂà eyıts'ǫ t'asìı Nǫ̀htsı̨ ts'ǫ̀ gık'eehk'ǫ̀ gha gìhchì hǫt'e. Eyıt'à Zezì ededı̨ sı t'asìı Nǫ̀htsı̨ ghàɂà ha hǫt'e ı̨lè.

Hebrew 8:4

Įłaà dıı nèk'e wheda nı̨dè yahtıı-wet'àaɂàa-deè elı̨ ha-le ı̨lè, hòt'a Moses wenàowoò k'ę̀ę̀ yahtıı Nǫ̀htsı̨ ts'ǫ̀ t'asìı gık'eehk'ǫ̀ gǫ̀hłı̨ ne t'à.

Hebrew 9:9

Eyı hazǫǫ̀ dıì weghàà nànıts'edè gha adlà hǫt'e. T'asìı hazǫǫ̀ Nǫ̀htsı̨ ghàgele eyıts'ǫ t'asìı Nǫ̀htsı̨ ts'ǫ̀ gık'eehk'ǫ̀ǫ sìı wet'à dǫ gınì deghàà degaı ade ha nıìle.