Hebrew 4:3 - Nǫ̀htsı̨ Nı̨htł'è

³ Goxı̨ gogha ehkw'ı-ahodıı sìı Nǫ̀htsı̨ wexè ts'èwhı̨į̀ hòɂǫǫ sìı hots'eɂį̀ ha hǫt'e. Nǫ̀htsı̨ gocho gots'ǫ̀ dàdıı sìı k'ę̀ę̀, “Sıì sek'èch'a t'à yatı nàtsoo t'à dıı haehsı̨, ‘Sexè ts'èwhı̨į̀ hòɂǫǫ sìı hogeɂį̀ hǫı̨lı̨ ha nıìle,’ ” hadı. Hanìkò dıı nèè hòèlı̨ gots'ǫ Nǫ̀htsı̨ edılaà deghàà yeghǫnǫǫt'e ı̨lè.

Hebrew 4:3 ပူးပေါင်းရင်းမြစ်များ

Dànì Kèhoį̀wo 1:31

Nǫ̀htsı̨ t'asìı hazǫǫ̀ whehtsı̨ı̨ sìı yeghàeda, sıì wegha nezı̨. Xèhts'ǫ̀ eyıts'ǫ k'omǫǫ̀dǫǫ̀ agòjà; ek'ètaı dzęę̀ k'ehǫǫwo.

Matthew 13:35

Nakwenàoɂǫǫ yeghǫ goı̨de ı̨lèe sìı wek'ę̀ę̀ agòjà. Dıı hadı ı̨lè: “Godı t'à gohde ha, hanì-ı̨dè dıı nèè hòèlı̨ gots'ǫ ayìı wek'èhoedzǫ-le sìı t'à dǫ hoghàehtǫ ha,” nakwenàoɂǫǫ hadı dek'eèhtł'è.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Hebrew 3:11

Gıts'ǫ̀ sınì-le t'à dıı yatı nàtsoo whıhtsı̨, ‘Edı̨į̀ sexè ts'èwhı̨į̀ hòɂǫǫ sìı hogeɂį̀ hǫı̨lı̨ ha nıìle,’ ” hadı dek'eèhtł'è.

Hebrew 3:14

T'akwełǫ̀ǫ̀ dànì hotıì gogha ehkw'ı-ahodıı sìı nǫǫde ts'ǫ̀ ts'ıtǫ̀ nı̨dè, Zezì-Krı wexè ı̨łè lats'ı̨ı̨t'e hǫt'e.

Hebrew 9:26

Hanì-le nı̨dè Zezì dıı nèè hòèlı̨ gots'ǫ gǫtłǫǫ̀ daı̨ɂa ha ı̨lè. Hanìkò dıì nǫǫde dzęę̀ ts'ǫ̀ nìhǫǫwoo sìı ı̨łàà zǫ nììtła hǫt'e, welǫ whìle ts'ǫ̀ gohołı̨į̀ whìle ayele gha Nǫ̀htsı̨ ghàdìtı̨.

1 Peter 1:20

Dèè hòèlı̨ kwe wììchì hǫt'e, hanìkò dıì nǫǫde dzęę̀ gha wègoèht'į̀ adlà.