Hebrew 4:1 - Nǫ̀htsı̨ Nı̨htł'è

¹ Nǫ̀htsı̨ wexè ts'èwhı̨į̀ hòɂǫǫ sìı hots'eɂį̀ gha edeyatıì goghàı̨ɂǫǫ sìı ı̨łaà goxè wheɂǫ hǫt'e. Eyıt'à hotıì edexoahdı, naxıta ts'ǫ dǫ wı̨ı̨zìı eyı gha dek'aɂį̀ awede sǫ̀ǫ̀.

Hebrew 4:1 ပူးပေါင်းရင်းမြစ်များ

Matthew 24:48

Ekò edahxǫ eyı dǫ wejıı t'à, edets'ǫ̀ dıı hadı, ‘Sets'ǫ̀ k'àowo whaà ts'ǫ wewhìle,’

Zezì Wecheekeèdeè 3:19

Eyıt'à edek'eahłı̨ eyıts'ǫ Nǫ̀htsı̨ ts'ǫ̀ anaahde, hanì-ı̨dè naxıhołı̨į̀ naxıghǫ nahoezhe ha,

Rome 11:20

Eyı sìı ehkw'ı t'ıį̀t'e, Nǫ̀htsı̨ gıgha ehkw'ı adı-le t'à dahchı̨gıatǫ̀ ı̨lè. Naxı̨ Nǫ̀htsı̨ naxıgha ehkw'ı-ahodı t'à, eyı ts'ı wets'ǫ kw'ıhchı̨į̀ aaht'e anaxììdlà hǫt'e. Eyıt'à xàhoahdì-le, hanìkò edeghǫ dahjı̨ welè.

Rome 3:23

Dǫ hazǫǫ̀ hołı̨ı̨ hogèhtsı̨ hǫt'e. Nǫ̀htsı̨ dànì wexè enıìyah xè degaı wehòhɂǫǫ sìı ts'ǫ nıwà ts'eèhkw'e hǫt'e,

1 Corınth 10:12

Eyıt'à amìı nàhtso edeewǫǫ sìı, hołı̨ı̨ t'à naxık'èchıìtła ch'à edexoahdı!

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

Galatıa 5:4

Eyı nàowo t'à ehkw'ıì aahde ha dahwhǫ nı̨dè Zezì-Krı wexè aaht'e-le aahjà, eyıts'ǫ wesǫnıwǫ ts'ǫǫ̀ nıwà aahjà.

2 Tımothy 2:13

Wets'ǫ̀ goyatıì nàts'eezhì sǫnı kò ededı̨ edeyatıì nàezhì ha nıìle, edınì k'èch'a ade ha hòɂǫ nıìle t'à.

Hebrew 12:15

Dǫ wı̨ı̨zìı Nǫ̀htsı̨ wesǫnıwǫ wedę ayııle sǫ̀ǫ̀ eyıts'ǫ ełedzaahwhǫ ch'à naxınì nàtsoò aahłe. Hanì-le-ı̨dè naxıxè hoìla agode ha eyıts'ǫ dǫ łǫ ehkw'ı geeda-le agede ha.

Hebrew 12:25

Nǫ̀htsı̨ naxıts'ǫ̀ gode nı̨dè wets'ǫ̀ naxıdzıì goìle welè sǫ̀ǫ̀. Nǫ̀htsı̨ dıı nèk'e Israel got'ı̨į̀ gots'ǫ̀ goı̨de ekò egeèhkw'ǫ-le t'à nàgoı̨hkwa ı̨lè. Ekò goxı̨ sìı yak'e gots'ǫ Nǫ̀htsı̨ gots'ǫ̀ gode kò wets'eèhkw'ǫ-le nı̨dè denahk'e hòtł'ò nàgoehkwa ha hǫt'e.

Hebrew 13:7

Naxıgha k'aodèe gı̨ı̨lèe sìı dànì Nǫ̀htsı̨ yatıì t'à naxıts'ǫ̀ gogı̨ı̨de ı̨lèe sìı gınaahdì. Ełaàgı̨ı̨dè gots'ǫ̀ dànì gı̨ı̨dàa sìı ghǫ nànıahdè, eyıts'ǫ dànì gıgha ehkw'ı-ahodıı ı̨lèe sìı k'ę̀ę̀ naxıgha ehkw'ı-ahodı welè.

Hebrew 3:11

Gıts'ǫ̀ sınì-le t'à dıı yatı nàtsoo whıhtsı̨, ‘Edı̨į̀ sexè ts'èwhı̨į̀ hòɂǫǫ sìı hogeɂį̀ hǫı̨lı̨ ha nıìle,’ ” hadı dek'eèhtł'è.

Hebrew 4:11

Eyıt'à Nǫ̀htsı̨ xè ts'èwhı̨į̀ hòɂǫǫ k'è hots'eɂį̀ ha nı̨dè hòtł'ò eghàlats'eeda ha hǫt'e, hanì-ı̨dè gocho dànì Nǫ̀htsı̨ k'èagı̨ı̨t'e-le k'ę̀ę̀ gogha hoìla ha-le.

Hebrew 4:9

Eyıt'à Nǫ̀htsı̨ wets'ǫ dǫ gıgha sìı Nǫ̀htsı̨ Dzęę̀ lanì deghàà ts'èwhı̨į̀ nahogeezì ha gıgha ı̨daà wheɂǫ hǫt'e.