Hebrew 3:5 - Nǫ̀htsı̨ Nı̨htł'è

⁵ Moses, Nǫ̀htsı̨ wekǫ̀ gha eghàlaeda ekò yek'èı̨t'e ı̨lè. Įdaà nı̨dè Nǫ̀htsı̨ dàdı ha sìı ghǫ dǫ ts'ǫ̀ goı̨de.

Hebrew 3:5 ပူးပေါင်းရင်းမြစ်များ

Matthew 24:45

“Dǫ nezı̨ı̨ aahłı̨ xè goahsǫǫ̀ k'ehoahɂa. Eyı hanıı dǫ sìı wets'ǫ k'àowo edecheekeè hazǫǫ̀ ts'ǫ̀ k'àowoò ayele ha. Weghǫ shèts'ezhee gı̨ı̨wǫ nı̨dè goghàɂeedı ha.

Matthew 25:21

“Wets'ǫ̀ k'àowo hayèhdı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea t'à nezı̨į̀ eghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Luke 12:42

Zezì yets'ǫ̀ hadı, “Dǫ nezı̨ı̨ aahłı̨ xè goahsǫǫ̀ k'ehoahɂa. Eyı hanıı dǫ sìı wets'ǫ̀ k'àowo edecheekeè hazǫǫ̀ ts'ǫ̀ k'àowoò ayele ha. Weghǫ shèts'ezhee gı̨ı̨wǫ nı̨dè goghàɂeedı ha.

Luke 24:27

Zezì hagòhdı tł'axǫǫ̀ Moses wenı̨htł'è eyıts'ǫ nakwenàoɂǫǫ gını̨htł'è k'e dànì weghǫ t'asìı hazǫǫ̀ dek'eèhtł'èe sìı gots'ǫ̀ yek'ayaı̨htı.

Luke 24:44

Zezì edecheekeè ts'ǫ̀ hadı, “Įłaà naxıxè wheda ekò eyı weghǫ naxıts'ǫ̀ goıhde ı̨lè: Moses wenı̨htł'è k'e, nakwenàoɂǫǫ gını̨htł'è k'e eyıts'ǫ ts'ejı̨ı̨ enı̨htł'è k'e t'asìı hazǫǫ̀ seghǫ dek'eèhtł'èe sìı wek'ę̀ę̀ agode ha, naxèehsı̨ ı̨lè,” gòhdı.

John 5:39

Nǫ̀htsı̨ Nı̨htł'è wet'à welǫ whìle ts'ǫ̀ ts'eeda ha dahwhǫ t'à, hotıì weghàdeahtǫ. Eyı Nǫ̀htsı̨ Nı̨htł'è sìı seghǫ godeè adı hǫt'e,

Zezì Wecheekeèdeè 28:23

Eyıt'à ı̨łè dzęę̀ k'e Paul xè ełegeèhdì ha gedı. Eyı dzęę̀ k'e dǫ łǫ Paul wekǫ̀ nègı̨ı̨de. K'omǫǫ̀dǫǫ̀ ts'ǫ, xèhts'ǫ̀ gots'ǫ̀ Paul gots'ǫ̀ goı̨de. Nǫ̀htsı̨ wenàowoò ghǫ hoghàgoehtǫ xè deghàà godaedı. Moses wenı̨htł'è eyıts'ǫ nakwenàoɂǫǫ gını̨htł'è k'e Zezì ghǫ dek'eèhtł'èe sìı gıgha ehkw'ı-ahodı agole ha goèhdzà.

Zezì Wecheekeèdeè 7:37

“Moses ededı̨-t'ıì Israel got'ı̨į̀ ts'ǫ̀ dıı hadı ı̨lè, ‘Nǫ̀htsı̨ sìı xàè naxıta gots'ǫ, sı̨ lanı, nakwenàoɂǫǫ naxıts'ǫ̀ ayele ha,’ gòhdı ı̨lè.

Rome 3:21

Hanìkò dıì sìı Moses wenàowoò wedę dànì Nǫ̀htsı̨ ehkw'ı agohɂı̨ı̨ sìı wek'èts'eezǫǫ̀ agǫ̀ǫ̀là hǫt'e. Moses wenı̨htł'è eyıts'ǫ nakwenàoɂǫǫ gını̨htł'è k'e eyı ghǫ gogı̨ı̨de ı̨lè.

1 Corınth 4:2

Dǫ t'asìı gıtł'aà wheɂǫǫ̀ agììdlàa sìı t'aats'ǫǫ̀ gıt'à nezı̨į̀ eghàlageeda ha hǫt'e.

1 Tımothy 1:12

Gots'ǫ̀ K'àowo Zezì-Krı sedzeè t'à masì weehwhǫ. Sınì nàtsoò asį̀į̀là t'à, ehkw'ı eghàlaedaa dǫǫ̀ aht'e sı̨ı̨hwhǫ t'à, eyıts'ǫ wegha eghàlaehda ha sį̀į̀hchì t'à masì weehwhǫ.

Hebrew 1:1

Įnę̀ę sìı Nǫ̀htsı̨ nakwenàoɂǫǫ t'à gǫtłǫǫ̀ gocho gots'ǫ̀ goı̨de ı̨lè, eyıts'ǫ t'asìı łǫ xàɂaa t'à gots'ǫ̀ goı̨de ı̨lè,

Hebrew 3:2

Moses Nǫ̀htsı̨ wekǫ̀ gha eghàlaı̨dà ekò Nǫ̀htsı̨ wınì k'ę̀ę̀ zǫ eghàlaı̨dà lanì Zezì ededı̨ sı amìı yį̀į̀hchìı sìı yınì k'ę̀ę̀ zǫ eghàlaeda hǫt'e.

Hebrew 3:4

Kǫ̀ hazǫǫ̀ dǫ yèhtsı̨ hǫt'e wek'èts'eezǫ, hanìkò Nǫ̀htsı̨ sìı t'asìı hazǫǫ̀ whehtsı̨ hǫt'e.

Hebrew 8:5

Ededı̨ degaı k'è gòɂǫǫ goyìı eghàlageedaa sìı yak'e degaı k'è gòɂǫǫ xèht'eè lanì hǫt'e, eyıts'ǫ ekìı weɂı̨zhı̨į̀ lanì hǫt'e. Eyı ts'ıhɂǫ̀ Moses Nǫ̀htsı̨ gha nı̨hbàa gohtsı̨ ha nìhǫǫwo ekò Nǫ̀htsı̨ yets'ǫ̀ dıı hadı, “Shìhka dànì nets'ǫ̀ wègaat'ı̨į̀ adlàa sìı, hotıì wek'ę̀ę̀ anele ha,” yèhdı ı̨lè.

Hebrew 9:24

Zezì-Krı sìı nı̨hbàa dǫlà t'à hòèlı̨ı̨ k'è goyaı̨za nıìle, eyı nı̨hbàa sìı yak'e degaı k'è gòɂǫǫ k'ę̀ę̀ hòèlı̨ı̨ hǫt'e. Zezì xàè yak'e goyaı̨za hǫt'e, dıì Nǫ̀htsı̨ nadąą̀ gogha nàwo hǫt'e.

John Wenazhıı 15:3

Nǫ̀htsı̨ wecheekeè Moses eyıts'ǫ Sahzǫ̀ą gıts'ǫ shı̨ t'à gejı̨, hagedı, “Gots'ǫ̀ K'àowo t'asìı negha dìì-le anet'e, t'asìı hazǫǫ̀ ghàlaneedàa sìı gogha enıìyah nechàa hǫt'e. Kèhǫǫ̀wo gots'ǫ, welǫ whìle ts'ǫ̀ t'aats'ǫǫ̀ K'àowocho anet'e, eyıts'ǫ nenàowoò sìı ehkw'ı zǫ hǫt'e.