Hebrew 3:3 - Nǫ̀htsı̨ Nı̨htł'è

³ Kǫ̀-gòhtsı̨ı̨-dǫǫ̀ sìı kǫ̀ nahk'e wet'àaɂà hǫt'e, eyı lanì Zezì sı Moses nahk'e weghàsǫhoedı hǫt'e.

Hebrew 3:3 ပူးပေါင်းရင်းမြစ်များ

Matthew 16:18

Nı̨ sìı kwe lanet'e t'à Peter nìyeh ha. Eyı kwe k'e sets'ǫ dǫ gıgha sekǫ̀ gohtsı̨ ha eyıts'ǫ wehłı̨kǫ̀ yedaèt'è ha-le.

1 Corınth 3:9

Nǫ̀htsı̨ wexè eghàlats'eedaa ats'ı̨ı̨t'e, naxı̨ sìı Nǫ̀htsı̨ wedèè k'e t'asìı dehshee laaht'e, eyıts'ǫ Nǫ̀htsı̨ wekǫ̀ laaht'e.

2 Corınth 3:7

Nàowo kwe k'e dek'eèhtł'èe sìı wet'à ełaàts'ede kò, enıìyah nechàa k'ę̀ę̀ gots'ǫ̀ nììt'ǫ hǫt'e. Moses wınì k'e saı̨dı̨ı̨ sìı whìle adaade kò Israel got'ı̨į̀ whaà ts'ǫ̀ gıghàeda ha dìì ı̨lè. Nàowo kwe k'e dek'eèhtł'èe sìı weghǫ enıìyah ı̨lè, hanìkò Yedàyeh Nezı̨ı̨ t'à ayìı goghǫ̀t'ǫǫ sìı eyı denahk'e weghǫ enıìyah nechàa hǫt'e.

Colosse 1:18

Nǫ̀htsı̨ Weza sìı gokwì elı̨ lanì hǫt'e, Nǫ̀htsı̨ wecheekeè wezhį̀į̀ ı̨łè lagı̨ı̨t'e. Ededı̨ wexè t'asìı hazǫǫ̀ kèhoį̀wo, eyıts'ǫ dǫ naìdà gha sìı ededı̨ denahk'e elı̨, eyı ts'ıhɂǫ̀ t'asìı hazǫǫ̀ gha K'àowo elı̨ hǫt'e.

Hebrew 2:9

Nǫ̀htsı̨ sìı Zezì whaà-lea gots'ǫ̀ yak'eet'ı̨į̀ k'aɂį̀ elı̨į̀ ayį̀į̀là ı̨lè. Hanìkò daı̨ɂà xè ełaı̨wo t'à, dıì sìı Nǫ̀htsı̨ enıìyah deè elı̨į̀ ayį̀į̀là, eyıts'ǫ weghàsǫhoedıì ayį̀į̀là hǫt'e. Nǫ̀htsı̨ wesǫnıwǫ t'à dǫ hazǫǫ̀ gha ełaı̨wo hǫt'e.

Hebrew 3:4

Kǫ̀ hazǫǫ̀ dǫ yèhtsı̨ hǫt'e wek'èts'eezǫ, hanìkò Nǫ̀htsı̨ sìı t'asìı hazǫǫ̀ whehtsı̨ hǫt'e.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.