Hebrew 3:2 - Nǫ̀htsı̨ Nı̨htł'è

² Moses Nǫ̀htsı̨ wekǫ̀ gha eghàlaı̨dà ekò Nǫ̀htsı̨ wınì k'ę̀ę̀ zǫ eghàlaı̨dà lanì Zezì ededı̨ sı amìı yį̀į̀hchìı sìı yınì k'ę̀ę̀ zǫ eghàlaeda hǫt'e.

Hebrew 3:2 ပူးပေါင်းရင်းမြစ်များ

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 17:4

La seghàneeɂǫǫ sìı weghǫ naht'e t'à dıı nèk'e neghàsǫhoedıì anèhłà.

John 7:18

Dǫ ededahxà godee sìı dǫ nayeet'ı̨ gha at'ı̨ hǫt'e. Ekò amìı yı̨ı̨hɂàa sìı yıızì nezı̨ ehtsı̨ gha at'ı̨ nı̨dè, eyı dǫ sìı ehkw'ı gode hǫt'e. Eyı dǫ sìı hots'ì nıìle.

John 8:29

Amìı sı̨ı̨hɂàa sìı t'aats'ǫǫ̀ wınì k'ę̀ę̀ eghàlaehda t'à, sexè at'ı̨ hǫt'e eyıts'ǫ sets'ǫǫ̀ ajà nıìle,” Zezì hadıì dǫ ts'ǫ̀ goı̨de.

Ephesus 2:22

Naxı̨ sı Zezì-Krı wet'à kǫ̀ ełexè naxıhòèlı̨ı̨ laaht'e, eyıts'ǫ wets'ǫ Įnì Degaı t'à Nǫ̀htsı̨ eyı kǫ̀ yìı nàdè hǫt'e.

1 Tımothy 1:12

Gots'ǫ̀ K'àowo Zezì-Krı sedzeè t'à masì weehwhǫ. Sınì nàtsoò asį̀į̀là t'à, ehkw'ı eghàlaedaa dǫǫ̀ aht'e sı̨ı̨hwhǫ t'à, eyıts'ǫ wegha eghàlaehda ha sį̀į̀hchì t'à masì weehwhǫ.

1 Tımothy 3:15

T'asìı ts'ıhɂǫ̀ ı̨whąą̀ nets'ǫ̀ ahjà-le nı̨dè eyı nı̨htł'è weghàà dànì Nǫ̀htsı̨ wets'ǫ dǫ k'ehogeɂaa sìı wek'èı̨zǫ ha. Nǫ̀htsı̨ wets'ǫ dǫ sìı Nǫ̀htsı̨ edaa wecheekeè agı̨ı̨t'e; yìetł'aà whetǫǫ kǫ̀ yàıtǫ̀ lanì wecheekeè Nǫ̀htsı̨ wenàowoò ehkw'ıı k'ègedì hǫt'e.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.