Hebrew 3:1 - Nǫ̀htsı̨ Nı̨htł'è

¹ Eyıt'à sèot'ı̨ degaı, yak'e ts'ǫ̀ naxıkayaetıı sìı Zezì ts'ǫ̀ naxınì nàtsoò aahłe. Ededı̨ Nǫ̀htsı̨ wecheekeèdeè elı̨ı̨ xè gogha yahtıı-wet'àaɂàa-deè elı̨ı̨ sìı gogha ehkw'ı adı hǫt'e.

Hebrew 3:1 ပူးပေါင်းရင်းမြစ်များ

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 20:21

Zezì k'achı̨ hagòhdı, “Naxıxè sìghà welè! Setà jǫ ts'ǫ̀ sı̨ı̨hɂà xèht'eè dǫ ts'ǫ̀ naxeehɂa ha,” gòhdı.

John 20:27

Thomas ts'ǫ̀ hadı, “Sılà ghàı̨da, nelakw'ǫǫ̀ jǫ nìı̨chı. Nılà t'à sechǫǫ̀ daı̨chı. Nınì nàtso xè negha ehkw'ı-ahodı welè,” Zezì yèhdı.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

Rome 11:17

Wekw'ıhchı̨į̀ mǫ̀hdaa dahchı̨atǫ̀, eyıts'ǫ naxı̨ ts'ı nezı̨-le wekw'ıhchı̨į̀ laaht'ee sìı ts'ı nezı̨ı̨ wekw'ıhchı̨į̀ ta anaxììdlà laaht'e. Eyıt'à dıì sìı ts'ı nezı̨ı̨ weghochı̨į̀ t'à dahshe lanì hǫt'e.

Rome 15:27

Gınà gogha sǫǫ̀mba nàgı̨ı̨htsı̨ hǫt'e, hanì dǫ-teèt'ı̨ı̨ ts'àgedı ha ı̨lè t'ıį̀t'e. Godı nezı̨ı̨ Israel got'ı̨į̀ gıts'ǫ̀ nììt'ǫǫ sìı dǫ eyıì-le xàɂaa ghàgı̨ı̨ɂǫ t'à dǫ eyıì-le xàɂaa sìı t'asìı wet'à ts'eedaa Nǫ̀htsı̨ goghàı̨laa t'à Israel got'ı̨į̀ ts'àgedıı sìı ehkw'ı hǫt'e.

Rome 15:8

Ehkw'ı anaxèehsı̨, Nǫ̀htsı̨ weyatıì ehkw'ı dahxà Zezì-Krı Israel got'ı̨į̀ gogha eghàlaedaa ajà. T'akwe whaà Nǫ̀htsı̨ edeyatıì gocho ghàyı̨ı̨ɂǫǫ ı̨lèe sìı Zezì wek'ę̀ę̀ hòɂǫǫ̀ ayį̀į̀là.

Rome 9:24

Goxı̨ kò gokayaı̨htı hǫt'e; Israel got'ı̨į̀ zǫ gıta ts'ǫ dǫ agǫ̀ǫ̀là-le, hanìkò dǫ eyıì-le xàɂaa ededı̨ sı gıta gots'ǫ dǫ gokayaı̨htı hǫt'e.

1 Corınth 10:17

Łèt'è ı̨łè zǫ hǫt'e eyıts'ǫ goxı̨ hazǫǫ̀ eyı łèt'è ı̨łè weghǫ shèts'ezhe t'à, goxı̨ goı̨tłǫ ats'ı̨ı̨t'e kò wezhį̀į̀ ı̨łè zǫ lats'ı̨ı̨t'e.

1 Corınth 9:23

Godı nezı̨ı̨ gha eyı hazǫǫ̀ hahɂı̨ hǫt'e. Hanì-ı̨dè godı nezı̨ı̨ wet'à sexè sìghà agode ha.

2 Corınth 1:7

Naxıxè sìghà hòɂǫ agode ha sìı hotıì gogha ehkw'ı-ahodı hǫt'e. Goxè daahɂa wek'èts'eezǫ, eyıt'à goxè naxıgha sìghà hòɂǫ ha hotıì wek'èts'eezǫ hǫt'e.

2 Corınth 9:13

Hanì dǫ ts'àahdı t'à dǫ naxık'ègeezǫ agèahłà hǫt'e. Zezì-Krı wegodıì nezı̨ı̨ naxıgha ehkw'ı-ahodıı k'ę̀ę̀ aahda t'à dǫ Nǫ̀htsı̨ ghàsǫgeedı ha, eyıts'ǫ dànì naxıdzeè t'à t'asìı dǫ ghàahłe, eyıts'ǫ dǫ hazǫǫ̀ gıts'àahdı t'à Nǫ̀htsı̨ ghàsǫgeedı ha hǫt'e.

Ephesus 3:6

Eyı t'asìı enıìyah gots'ǫ̀ deɂı̨į̀ wheɂǫ ı̨lèe sìı dıı hǫt'e: dǫ Israel got'ı̨į̀ agı̨ı̨t'e-le sìı godı nezı̨ı̨ egıìkw'o ts'ıhɂǫ̀ Nǫ̀htsı̨ t'asìı hazǫǫ̀ edeza gogha ts'atà yèhłaa sìı Israel got'ı̨į̀ gıxè goghàyele ha hǫt'e. Eyıt'à hazǫǫ̀ ełexè dǫ ı̨łè zǫ lats'ı̨ı̨t'e, eyıts'ǫ Zezì-Krı wedahxà Nǫ̀htsı̨ t'asìı nezı̨ı̨ goghàɂà ha dıı sìı hazǫǫ̀ ełexè goį̀zhe ha hǫt'e.

Ephesus 4:1

Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

Ephesus 4:4

Goxı̨ gogha ehkw'ı-ahodıı sìı gots'ǫ̀ K'àowo wezhį̀į̀ ı̨łè zǫ lats'ı̨ı̨t'e, eyıts'ǫ Yedàyeh Nezı̨ı̨ ı̨łè zǫ gǫ̀hłı̨. Naxıkayaetı ekò edaxàahdèe ı̨łè zǫ gha naxıkayaetı ı̨lè.

Phılıppı 3:14

Nǫ̀htsı̨ t'asìı seghàɂà ha sìı eyı dehnè ha dehwhǫ t'à wets'ǫ̀ ı̨daà deht'ì. Zezì-Krı wets'ıhɂǫ̀ welǫ whìle ts'ǫ̀ yak'e ehda ha Nǫ̀htsı̨ sį̀į̀hchì hǫt'e.

Colosse 1:12

Nǫ̀htsı̨-Gotà masì wèahdı ha. Nǫ̀htsı̨ Wenàowoò k'ę̀ę̀ hòɂǫǫ sìı t'aats'ǫǫ̀ dzęh nı̨ı̨dı̨ lanì hǫt'e. Ekǫ Nǫ̀htsı̨ wets'ǫ dǫ t'asìı gıda whelaa sìı gıxè naxıghǫ̀zhe ha hǫt'e.

Colosse 1:22

Hanìkò dıì sìı Nǫ̀htsı̨-Gotà Zezì-Krı wezhį̀į̀ naxıgha ełaı̨woò ayį̀į̀là t'à Nǫ̀htsı̨ xè ts'èwhı̨į̀ aahda anaxììdlà. Dıì hòt'a wenadąą̀ degaı aaht'e, eyı ts'ıhɂǫ̀ t'asìı wı̨ı̨zìı gha naxık'e nìdahoet'à ha nıìle.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

1 Thessalonıca 2:12

Naxınì nàtsoò ats'ı̨ı̨là, ts'ǫǫ̀dahwhǫ nı̨dè naxıghǫnàdats'eetì, eyıts'ǫ Nǫ̀htsı̨ wınì k'ę̀ę̀ hotıì ehkw'ı aahda, k'èdaà hanaxèts'edı ı̨lè. Ededı̨ sìı yak'e wenàowoò k'ę̀ę̀ hòɂǫǫ eyıts'ǫ welǫ whìle ts'ǫ̀ enıìyah wehòhɂǫǫ sìı ts'ǫ̀ naxıkayaı̨htı hǫt'e.

1 Thessalonıca 5:27

Gots'ǫ̀ K'àowo wedahxà naxıts'ǫ̀ dıı haehsı̨: dıı enı̨htł'è gòet'ı̨ hazǫǫ̀ gıts'ǫ̀ wek'eyaahtı ha.

2 Thessalonıca 1:11

Eyı weghǫ nànıts'edè xè t'aats'ǫǫ̀ naxıgha Nǫ̀htsı̨ ts'ǫ̀ yats'ehtı hǫt'e. Nǫ̀htsı̨ edets'ǫ̀ naxıkayaı̨htı gha dǫ nezı̨ı̨ aahłı̨ k'ę̀ę̀ naxııtà welì, eyıts'ǫ t'asìı wegha dìì-le t'à t'asìı wegha weghàlaahda ha dahwhǫǫ sìı hazǫǫ̀ naxıgha deghàà ayııle, eyıts'ǫ naxıgha ehkw'ı-ahodı k'ę̀ę̀ nezı̨į̀ eghàlaahdaa sìı hazǫǫ̀ naxıgha deghàà ayııle.

2 Thessalonıca 2:14

Godı nezı̨ı̨ hoghànaxets'eèhtǫ eyı wet'à Nǫ̀htsı̨ naxıkayaı̨htı hǫt'e, hanì-ı̨dè gots'ǫ̀ K'àowo Zezì-Krı dànì wexè enıìyah hòɂǫǫ sìı wexè hanì naxıxè hòɂǫǫ̀ ayele ha hǫt'e.

1 Tımothy 6:12

Daneeɂa ha sǫnı kò, Zezì negha ehkw'ı-ahodıı sìı t'aats'ǫǫ̀ wek'ę̀ę̀ ı̨da. Dǫ gınadąą̀, “Zezì segha ehkw'ı-ahodı,” nı̨ı̨dıì xàyanehtı ekò, welǫ whìle ts'ǫ̀ ı̨da ha nekayaı̨htı. Eyı yatı nezı̨ı̨ neghǫ̀t'ǫǫ sìı wedı̨ı̨chı-le, hanì-ı̨dè welǫ whìle ts'ǫ̀ ı̨da ha hǫt'e.

1 Tımothy 6:2

K'àowo gı̨ı̨lı̨ı̨ eyıts'ǫ gıcheekeè į̀łah gıgha ehkw'ı-ahodı t'à ełèot'ı̨ agı̨ı̨t'e. Gıcheekeè gı̨ı̨lı̨ı̨ sìı dek'aɂį̀ gots'ǫ̀ nageɂa ha-le, hanìkò dǫ got'à hogeehwhıı sìı gıgha ehkw'ı-ahodı xè goghǫnegeètǫ agı̨ı̨t'e t'à denahk'e hòtł'ò gıgha eghàlageeda ha hǫt'e. Gıcheekeè gı̨ı̨lı̨ı̨ sìı eyı nàowo hoghàgı̨ı̨htǫ welì eyıts'ǫ hotıì weghàà aahda gìı̨dı.

2 Tımothy 1:9

Nǫ̀htsı̨ ededı̨ edaxàgoı̨la hǫt'e, wets'ǫ dǫ degaı ts'ı̨ı̨lı̨ ha gokayaı̨htı hǫt'e. T'asìı wı̨ı̨zìı hots'èhtsı̨ t'à agǫ̀ǫ̀là nıìle, hanìkò hanıwǫ t'à eyıts'ǫ wesǫnıwǫ ts'ıhɂǫ̀ agǫ̀ǫ̀là hǫt'e. Dıı nèè hòɂǫ kwe Zezì-Krı wet'ǫ̀ǫ̀ Nǫ̀htsı̨ hòt'a edesǫnıwǫǫ̀ goghàyı̨ı̨ɂǫ ı̨lè.

2 Tımothy 2:7

Jǫ ayìı dànèehsı̨ı̨ sìı hotıì wedaànınewo, gots'ǫ̀ K'àowo eyı nezı̨į̀ wenıı̨dì anııle.

Hebrew 10:19

Eyıt'à sèot'ı̨ı̨, Zezì wedoò dahxà eyı Denahk'e Degaı K'è gòɂǫǫ goyats'eedè gha goghàhòt'ǫǫ sìı sıì gogha ehkw'ı-ahodı hǫt'e.

Hebrew 10:21

Nǫ̀htsı̨ wekǫ̀ gha yahtıı-wet'àaɂàa-deè gots'ǫ ne t'à,

Hebrew 10:23

Nǫ̀htsı̨ sìı t'aats'ǫǫ̀ edeyatıì k'èdì ne t'à, goınì nàtsoo xè t'aats'ǫǫ̀ weyatıì ts'ıtǫ̀ ha hǫt'e.

Hebrew 13:22

Sèot'ı̨ı̨, eyı yatı nàtsoo naxıghàehɂǫǫ sìı hotıì wek'èahdì, nı̨htł'è nek'ǫ̀ą t'à naxıts'ǫ̀ ııhtł'è ne t'à.

Hebrew 2:11

Zezì degaı agohɂı̨ı̨ sìı eyıts'ǫ dǫ degaı agììdlàa sìı į̀łah gıtà ełèht'e hǫt'e. Eyıt'à Zezì xàè edechı gòhdı ha goghǫ į̀į̀zhaelı̨ nıìle.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.

Hebrew 3:12

Eyıt'à sèot'ı̨ı̨, naxıdzeè yìı hołı̨ı̨ awede sǫ̀ǫ̀ eyıts'ǫ naxıgha ehkw'ı-ahodı-le t'à Nǫ̀htsı̨ edaa sìı wets'ǫǫ̀ naahdè sǫ̀ǫ̀.

Hebrew 3:14

T'akwełǫ̀ǫ̀ dànì hotıì gogha ehkw'ı-ahodıı sìı nǫǫde ts'ǫ̀ ts'ıtǫ̀ nı̨dè, Zezì-Krı wexè ı̨łè lats'ı̨ı̨t'e hǫt'e.

Hebrew 6:20

Ekǫ Zezì gonakweè gogha goyaèhtła hǫt'e. Ededı̨ sìı welǫ whìle ts'ǫ̀ Melkızedek wek'ę̀ę̀ yahtıı-wet'àaɂàa-deè whelı̨ hǫt'e.

Hebrew 7:26

Hanì yahtıı-wet'àaɂàa-deè sìı gots'àdı ha dìì-le hǫt'e; degaı elı̨ı̨, hołı̨ı̨ wek'e wheɂǫ-le, hołı̨ı̨-hogehtsı̨ı̨-dǫǫ̀ ta gots'ǫ nıìle, yak'e gote-ts'ǫ̀ nıwıìtı̨ hǫt'e.

Hebrew 7:28

Moses wenàowoò k'ę̀ę̀ dǫ yahtıı-wet'àaɂàa-deè gı̨ı̨lı̨ı̨ gha gogį̀į̀hchìı sìı degaı gı̨ı̨lı̨ ha nàgetso-le hǫt'e, hanìkò eyı nàowo hòèlı̨ tł'axǫǫ̀ Nǫ̀htsı̨ yatı nàtsoo t'à Edeza yį̀į̀hchì hǫt'e, ededı̨ sìı welǫ whìle ts'ǫ̀ deghàà degaı elı̨ hǫt'e.

Hebrew 9:11

Zezì-Krı yahtıı-wet'àaɂàa-deè k'ę̀ę̀ nììtła ekò nàowo denahk'e nezı̨ı̨ goxè hòɂǫǫ̀ ayį̀į̀là. Denahk'e degaı nı̨hbàa yìı gogha eghàlaı̨dà. Eyı nı̨hbàa dǫlà t'à hòèlı̨-le eyıts'ǫ dıı nèk'e gots'ǫ nıìle.

Hebrew 9:15

Eyı ts'ıhɂǫ̀ Zezì-Krı nakenahòdlı̨ı̨ wegòò k'ę̀ę̀ dǫ eyıts'ǫ Nǫ̀htsı̨ gogha tanı wheda hǫt'e. Įłaà nakenahòdlı̨ı̨ wezǫą tł'a geèhkw'e ekò dǫ gıhołı̨į̀ k'èxa ełaı̨wo t'à nàgeekwa ch'à agǫ̀ǫ̀là. Eyıt'à dǫ gıkayaetıı sìı Nǫ̀htsı̨ dǫ xè yatı whehtsı̨ k'ę̀ę̀ welǫ whìle ts'ǫ̀ geeda ha.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

1 Peter 3:5

Įnę̀ę whaà gots'ǫ ts'èko degaı Nǫ̀htsı̨ gıgha ehkw'ı-ahodıı sìı gınaahdì. Ededǫǫ̀ k'èagı̨ı̨t'e t'à gìdaat'ı̨į̀ adegììdlà hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 18:20

‘Naxı̨ yak'e dahkw'ee sìı eyı ts'èko wets'ǫ̀ dànàhòwo ts'ıhɂǫ̀ naxınà welè. Naxı̨ hazǫǫ̀ Nǫ̀htsı̨ wets'ǫ dǫ aahłı̨, wecheekeèdeè eyıts'ǫ nakwenàoɂǫǫ aahłı̨ı̨ sìı naxınà welè! Eyı ts'èkojıı dànì naxıts'ǫ̀ eghàlaı̨dà k'èxa Nǫ̀htsı̨ yesınìyaehtı hǫt'e,’ ” hats'edıì hǫt'e.