Hebrew 13:9 - Nǫ̀htsı̨ Nı̨htł'è

⁹ Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

Hebrew 13:9 ပူးပေါင်းရင်းမြစ်များ

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 24:4

Zezì gots'ǫ̀ hadı, “Hotıì kexoahdı, naxıghǫyagııɂà sǫ̀ǫ̀.

Luke 5:38

Į̀le ne, jìetìgòò hoèlı̨ı̨ sìı jìetìwò wegòò yìı ts'ehtł'ì ha hǫt'e.

Zezì Wecheekeèdeè 20:30

Naxıta gots'ǫ kò dǫ mǫ̀hdaa Nǫ̀htsı̨ wecheekeè edek'ę̀ę̀ agogele ha gı̨ı̨wǫ t'à, godı ehkw'ıı sìı ekǫ-le agele ha.

Zezì Wecheekeèdeè 20:32

“Hòt'a Nǫ̀htsı̨ ghànaxèehła, eyıts'ǫ naxıts'ǫ̀ wesǫnıwǫǫ godı t'à naxınì nàtsoò awede. Hanì-ı̨dè ı̨daà Nǫ̀htsı̨ dǫ hazǫǫ̀ edegha gòį̀hchìı sìı gıxè ayìı godawhehłaa sìı naxıghàyele ha hǫt'e.

Rome 14:17

Nǫ̀htsı̨ wenàowoò sìı dǫ shègezhee eyıts'ǫ t'asìı gedǫ hanıı ghǫ nıìle, hanìkò Yedàyeh Nezı̨ı̨ wedahxà ehkw'ı ts'eedaa, goxè sìghà hòɂǫǫ eyıts'ǫ godzeè t'à goınàa, eyı ghǫ ahodı hǫt'e.

Rome 14:2

Dǫ mǫ̀hdaa gınì nàtso t'à t'asìı hazǫǫ̀ xàɂaa ghǫ shègezhe ha gıgha t'asanìle, hanìkò dǫ mǫ̀hdaa gınì nàtso-le t'à dèè gots'ǫ t'asìı dehshee zǫ ghǫ shègezhe.

Rome 14:6

Dǫ dzę ı̨łè wegha denahk'e elı̨ nı̨dè, gots'ǫ̀ K'àowo wınà hohtsı̨ gha at'ı̨ hǫt'e. Dǫ bò edèe sìı Nǫ̀htsı̨ ts'ǫ̀ masì nıwǫ t'à, gots'ǫ̀ K'àowo wınà hohtsı̨ gha at'ı̨ hǫt'e. Eyıts'ǫ dǫ bò edè-le sìı gots'ǫ̀ K'àowo wınà hohtsı̨ gha at'ı̨ xè Nǫ̀htsı̨ ts'ǫ̀ masì nıwǫ hǫt'e.

1 Corınth 6:13

“Bò sìı gobò gha hòèlı̨, eyıts'ǫ gobò sìı bò gha hòèlı̨,” haahdı ha tahkò, hanìkò Nǫ̀htsı̨ eyı nàke sìı yedıhohtsı̨ ha hǫt'e. Gozhį̀į̀ wet'à hołı̨ı̨ k'ę̀ę̀ ełek'alats'edè gha hòèlı̨ nıìle, hanìkò gots'ǫ̀ K'àowo gozhį̀į̀ ts'ǫ̀ k'àowo ne t'à wegha wet'à-ats'et'ı̨ ha hòèlı̨ hǫt'e.

1 Corınth 8:8

Hanìkò bò t'à Nǫ̀htsı̨ ts'ǫ̀ ats'ede ha nıìle. Bò hanıı ts'edè-le nı̨dè deɂǫ̀ǫ̀ nezı̨-le ats'ede ha nıìle, ekò bò ts'edè nı̨dè wet'à denahk'e nezı̨į̀ ats'ede ha nıìle.

2 Corınth 1:21

Nǫ̀htsı̨ sìı Zezì-Krı wet'à goınì eyıts'ǫ naxınì nàtsoò ayehɂı̨ hǫt'e. Edegha gòį̀hchì hǫt'e,

Galatıa 6:1

Sèot'ı̨ı̨, naxı̨ Yedàyeh Nezı̨ı̨ k'ę̀ę̀ aahdaa sìı dǫ hołı̨ı̨ hòèhtsı̨ wek'èahsǫ nı̨dè, eyı dǫ wets'ǫ̀ naxıdzeè nezı̨ı̨ t'à ehkw'ı edaà aweahłe. Hanìkò edexoahdı, naxı̨ sı hołı̨ı̨ nàowoò t'à naxeèdzà ha sǫnı.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Ephesus 5:6

Hots'ets'ìı yatıì t'à dǫ naxıghǫyagııɂà sǫ̀ǫ̀. Dǫ hanì eghàlageeda t'à Nǫ̀htsı̨ k'èagı̨ı̨t'e-le sìı Nǫ̀htsı̨ nàgoehkwa ha hǫt'e.

Colosse 2:4

Dǫ, nezı̨į̀ gogede t'à naxıghǫyagııɂà sǫ̀ǫ̀ dehwhǫ t'à anaxèehsı̨.

2 Thessalonıca 2:17

hotıì naxıdzeè nàtsoò agııle, eyıts'ǫ wet'à t'aats'ǫǫ̀ nezı̨į̀ eghàlaahda gha, eyıts'ǫ wet'à nezı̨į̀ goahde gha nàahtso welè.

2 Thessalonıca 2:2

Dǫ mǫ̀hdaa ekìı ts'edıı yatıì t'à naxıta k'egedè. Nǫ̀htsı̨ weyatıì gıghǫ̀t'ǫ gedı t'à, hanì-le-ı̨dè goxı̨ godı gıghàts'ı̨ı̨ɂǫ gedı t'à, hanì-le-ı̨dè enı̨htł'è naxıts'ǫ̀ ts'ı̨ı̨tł'è gedı t'à gogedeè-agedı. Gots'ǫ̀ K'àowo hòt'a nììtła ı̨lèe ne naxègedı, hanìkò eyı ghǫ nànıahdè xè naxıgha gots'eèdı ha ts'ı̨ı̨wǫ-le.

1 Tımothy 6:20

Tımothy, Nǫ̀htsı̨ ayìı netł'aàyı̨ı̨ɂǫǫ sìı hotıì nezı̨į̀ wehonehdı. Dǫ łǫ ełek'ę̀ę̀ agı̨ı̨wǫ-le kò nàowo łǫ wet'à gots'ı̨ı̨zǫ gı̨ı̨wǫ ghǫ gogede. Hanì Nǫ̀htsı̨ wınì k'ę̀ę̀-le sìı wedę anele.

1 John 4:1

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.

Jude 1:12

Eyı dǫ naxıxè ełeghǫnets'eètǫǫ gha nàsı̨ ghǫ shègezhe nı̨dè naxıta t'asìı ı̨hjı lagı̨ı̨t'e, eyıts'ǫ edeghǫ į̀į̀zhagı̨ı̨lı̨į̀ honàedı-le, sahzǫ̀ą-k'èdìı-dǫǫ̀ ededı̨ zǫ edewà-geedı lagı̨ı̨t'e. Chǫhk'oò wets'ǫ chǫh whìle, ekìı nı̨hts'ı k'eyehts'ıı lagı̨ı̨t'e. Xat'ǫ̀ jìechı̨į̀ wek'e jìe whìle xè wexochı̨į̀ xàts'ı̨ı̨hdla t'à nàekeè ełaı̨wo, eyı lagı̨ı̨t'e.

Jude 1:3

Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.