Hebrew 13:3 - Nǫ̀htsı̨ Nı̨htł'è

³ Naxıta gots'ǫ dǫ mǫ̀hdaa gıdanìı̨laa sìı gıxè naxıdanìı̨la lanì gınaahdì. Eyıts'ǫ dǫ dagı̨ı̨ɂaà agììdlàa sìı naxı̨ gıxèht'eè daahɂa lanì gınaahdì.

Hebrew 13:3 ပူးပေါင်းရင်းမြစ်များ

Dànì Kèhoį̀wo 40:23

Hanìkò dǫ k'àowocho gha ayìı edǫǫ xoehdıı elı̨ı̨ sìı Joseph nadì-le t'à yegha k'àowocho ts'ǫ̀ goı̨de-le.

Matthew 25:36

Goht'ǫ sets'ǫ-le ekò goht'ǫ seghàahła ı̨lè. Eyaehłı̨ ekò sek'èahdì ı̨lè. Eyıts'ǫ dǫ-danìı̨laa-kǫ̀ whıhda ekò sets'àwhaahde ı̨lè,’ hagòhdı ha.

Matthew 25:43

Naxıkǫ̀ta xàhtǫ ehłı̨ ekò naxıkǫ̀ ts'ǫ̀ asèahłà-le ı̨lè. Goht'ǫ sets'ǫ-le ekò goht'ǫ seghàahła-le ı̨lè. Eyaehłı̨ ekò eyıts'ǫ dǫ-danìı̨laa-kǫ̀ whıhda ekò sets'àwhaahde-le ı̨lè,’ gòhdı ha.

Zezì Wecheekeèdeè 24:23

K'àowo Felıx, eghǫǫ-dǫǫ̀-gha-k'àowo k'èè whedaa ts'ǫ̀ hadı, “Paul wèhoedı ha hanìkò yaazea edets'ǫ̀ k'àowo awı̨ı̨le, eyıts'ǫ weàgı̨ą gık'èdì ha t'asanìle,” yèhdı.

Zezì Wecheekeèdeè 27:3

Ek'èdaedzęę̀ k'e kǫ̀ta Sıdon nèts'ı̨ı̨ɂe. Eghǫǫ-dǫǫ̀-gha-k'àowo Paul ts'ǫ̀ dǫ nezı̨ı̨ elı̨. Paul weàgı̨ą nezı̨į̀ gık'èdì ha nıwǫ t'à, edeàgı̨ą gots'àèhtłaà ayį̀į̀là.

Rome 12:15

Dǫ gınà nı̨dè, gıxè naxınà welè. Dǫ ts'ǫǫ̀gı̨ı̨wǫ nı̨dè gıxè ts'ǫǫ̀dahwhǫ.

1 Corınth 12:26

Gozhį̀į̀ k'e t'asìı ı̨łè daı̨ɂa nı̨dè eyıì-le hazǫǫ̀ wexè dagı̨ı̨ɂa hǫt'e; gozhį̀į̀ k'e t'asìı ı̨łè weghàhodì nı̨dè eyıì-le hazǫǫ̀ wexè gınà hǫt'e.

Ephesus 4:1

Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

Colosse 4:18

Sı̨ Paul, sılà t'à dıı yatı nǫǫde naxıts'ǫ̀ eehtł'è hǫt'e. Sedaànìı̨tǫ xè satsǫ̀tł'ıì sek'e whela t'à senaahdì. Nǫ̀htsı̨ naxıts'ǫ̀ sǫnıwǫ welè.

Hebrew 10:34

Dǫ gıdanìı̨laa sìı etegıahɂı̨ ı̨lè, eyıts'ǫ t'asìı naxıghǫ gį̀į̀hchì kò ı̨łaà naxınà ı̨lè, eyı wenahk'e t'asìı nezı̨ı̨ sìı, welǫ whìle ts'ǫ̀ naxıghaelı̨ ha wek'èahsǫ t'à.

Hebrew 11:37

Mǫ̀hdaa kwe t'à gogııhshì t'à ełaàgı̨ı̨dè, mǫ̀hdaa tanı ts'ǫ̀ tàgogeet'à, mǫ̀hdaa behcho t'à ełaàgogehde. Mǫ̀hdaa sahzǫ̀ąwò t'à-aget'ı̨ xè k'egedè, etegeèt'ı̨, tsį̀gogį̀ı̨hɂa eyıts'ǫ dagogį̀ı̨hɂa.

1 Peter 3:8

Nǫǫde t'à naxıts'ǫ̀ dıı haehsı̨ ha dehwhǫ: ts'èwhı̨į̀ ełexè aahdaa; ełets'ǫ̀ naxıdzeè nezı̨ı̨ aaht'ı̨ı̨, ełèot'ı̨ lanì ełeghǫnıahtǫǫ, etełeahɂı̨ı̨ eyıts'ǫ xàhoahdì-le k'ę̀ę̀ ełets'ǫ̀ naahɂa.