Hebrew 13:2 - Nǫ̀htsı̨ Nı̨htł'è

² Xàhtǫ naxıkǫ̀ aget'ı̨ gha gıts'ǫ̀ enìxàı̨tǫ aahwhǫ. Įnę̀ę sìı dǫ mǫ̀hdaa hagı̨ı̨t'į̀ t'à yak'eet'ı̨į̀ edekǫ̀ agehɂı̨ ı̨lè, yak'eet'ı̨į̀ gı̨ı̨lı̨ı̨ gok'ègeezǫ-le kò.

Hebrew 13:2 ပူးပေါင်းရင်းမြစ်များ

Dànì Kèhoį̀wo 18:1

Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ nıwà-le, gots'ǫ̀ K'àowo Abraham ts'ǫ̀ wègoèht'į̀. Dzętanı edı ekìıyeè k'e Abraham edenı̨hbàa gà tı̨ı̨dà wheda ı̨lè.

Dànì Kèhoį̀wo 19:1

Xèhts'ǫ̀ agòjà ekò yak'eet'ı̨į̀ nàke kǫ̀godeè Sodom nègı̨ı̨de. Ekìıyeè k'e Lot kǫ̀ta goyagoòɂàa k'è wheda ı̨lè. Goaɂı̨ ts'ǫ̀et'ıì nììtła gà gots'ǫ̀ èhtła, wenì dèe xèedìı ts'ǫ̀ gots'ǫ̀ nàgòı̨hgè.

Matthew 25:35

Bò ghaehwhı ekò t'asìı ghǫ shèhtı̨ seghàahdì ı̨lè. Tı ghaehwhı ekò tı seghàahdì ı̨lè. Naxıkǫ̀ta xàhtǫ ehłı̨ ekò naxıkǫ̀ ts'ǫ̀ asèahłà ı̨lè.

Matthew 25:40

“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Matthew 25:43

Naxıkǫ̀ta xàhtǫ ehłı̨ ekò naxıkǫ̀ ts'ǫ̀ asèahłà-le ı̨lè. Goht'ǫ sets'ǫ-le ekò goht'ǫ seghàahła-le ı̨lè. Eyaehłı̨ ekò eyıts'ǫ dǫ-danìı̨laa-kǫ̀ whıhda ekò sets'àwhaahde-le ı̨lè,’ gòhdı ha.

Zezì Wecheekeèdeè 16:15

Eyı ts'èko ededı̨ eyıts'ǫ dǫ yekǫ̀ nàgedèe sìı gık'ètaìdzǫ, eyı tł'axǫǫ̀ wekǫ̀ ts'ǫ̀ agǫ̀ǫ̀là, hadı, “Gots'ǫ̀ K'àowo segha ehkw'ı adı aht'e seahwhǫ nı̨dè sekǫ̀ aaht'e,” gòhdı. Goghǫ daèhnǫ t'à wekǫ̀ ts'ǫ̀ ats'ejà.

Rome 12:13

Nǫ̀htsı̨ wets'ǫ dǫ etegeèt'ı̨ı̨ sìı t'asìı t'à gıts'àahdı. T'aats'ǫǫ̀ dǫ gha enìxànı̨ı̨tǫ aahwhǫ.

Rome 16:23

Gaıus, sı̨ eyıts'ǫ Nǫ̀htsı̨ wecheekeè hazǫǫ̀ wekǫ̀ gots'ǫ̀ enìxàı̨tǫ t'à weghǫ masì ts'ı̨ı̨wǫǫ sìı, “Naxıxè sìghà welè,” naxèhdı. Erastus, kǫ̀ta gha sǫǫ̀mba k'èdìı elı̨ eyıts'ǫ gòet'ı̨ Quartus, “Naxıxè sìghà welè,” naxègedı.

1 Tımothy 3:2

Nǫ̀htsı̨ wecheekeè gha k'àowo elı̨ı̨ sìı weghǫ godı nezı̨-le gǫ̀hłı̨ ha nıìle. Wets'èkeè ı̨łè zǫ gǫ̀hłı̨ xè ehkw'ı eda ha, hotıì edexoehdı ha, nàowołı̨ı̨ ch'à edek'èdì xè dǫ nezı̨į̀ gıts'ǫ̀ naɂa ha, wekǫ̀ dǫ gha enìxànı̨ı̨tǫ ayį̀į̀hwhǫ ha, eyıts'ǫ nezı̨į̀ dǫ hoghàehtǫǫ elı̨ ha hǫt'e.

1 Tımothy 5:10

eyıts'ǫ dǫ ts'ǫ̀ nezı̨į̀ eghàlageeda gha gık'èhoedzǫ nı̨dè, nezı̨į̀ chekoa geèhsǫ nı̨dè, wekǫ̀ dǫ gha enìxànı̨ı̨tǫ nı̨dè, gıdzeè nezı̨ı̨ xè Nǫ̀htsı̨ wets'ǫ dǫ gha eghàlageeda nı̨dè, dǫ gıgha hoìlaa sìı ts'àgedıı, eyıts'ǫ gınì nàtso xè t'aats'ǫǫ̀ dǫ ts'ǫ̀ nezı̨į̀ eghàlageeda nı̨dè, gıızì dek'eèhtł'è ha hǫt'e.

Tıtus 1:8

Hanìkò wekǫ̀ dǫ gha enìxànı̨ı̨tǫ ayį̀į̀hwhǫ ha, ayìı nezı̨ı̨ sìı ghǫneètǫ ha, nàowołı̨ı̨ ch'à edek'èdì ha, ehkw'ı eda xè degaı lanì ha, eyıts'ǫ nàowo nezı̨ı̨ k'ę̀ę̀ edek'èdì ha hǫt'e.

1 Peter 4:9

Dǫ naxıkǫ̀ aget'ı̨į̀ agıahɂı̨, eyı ghǫ sǫahdı-le.

3 John 1:5

Seàgı̨ą, gòet'ı̨ gık'èı̨zǫ-le kò, nets'ǫ̀ aget'ı̨ nı̨dè t'aats'ǫǫ̀ gıts'ànedıı sìı nezı̨ hǫt'e.