Hebrew 11:9 - Nǫ̀htsı̨ Nı̨htł'è

⁹ Wegha ehkw'ı ahodı t'à dèè weghǫ̀t'à ha sìı k'e xàhtǫ lanì nı̨hbàa yìı nàı̨dè. Isaac eyıts'ǫ Jacob ededı̨ sı Nǫ̀htsı̨ eyı xèht'eè goxè yatı whehtsı̨ı̨ sìı ededı̨ sı ekǫ xàhtǫ lanì nı̨hbàa yìı nàgı̨ı̨dè.

Hebrew 11:9 ပူးပေါင်းရင်းမြစ်များ

Dànì Kèhoį̀wo 12:8

Ekǫ gots'ǫ kǫ̀ta Bethel wexa sa k'àɂàa ts'ǫnèe shìh xàwheɂaa ts'ǫ̀ nììtła. Ekǫ edenı̨hbàa nàı̨hgè. Kǫ̀ta Bethel dą̀ą ts'ǫ̀ goòɂàa eyıts'ǫ kǫ̀ta Ayı gòyeh sa kàɂàa ts'ǫ̀ goòɂàa, eyı kǫ̀ta nàke wege edenı̨hbàa nàı̨hgè. Ekǫ gots'ǫ̀ K'àowo ts'ǫ̀ t'asìı k'eehk'ǫ̀ gha k'achı̨ kwe-ladà whehtsı̨ eyıts'ǫ gots'ǫ̀ K'àowo ts'ǫ̀ xàyaı̨htı.

Dànì Kèhoį̀wo 13:18

Eyıt'à Abram edenı̨hbàa hazǫǫ̀ nàı̨wa. Hebron nèk'e Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ tàèhtła. Ekǫ gots'ǫ̀ K'àowo ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨.

Dànì Kèhoį̀wo 13:3

Ekìı-ka nèk'e Negev gòyeh gots'ǫ hazǫǫ̀ ts'ǫ̀ wek'eèhoowo, eyı tł'axǫǫ̀ kǫ̀ta Bethel nǫ̀ǫtła. Eyı kǫ̀ta Bethel eyıts'ǫ kǫ̀ta Ayı wege wekǫ̀ k'è gòı̨ɂà ı̨lèe sìı ts'ǫ̀ anajà.

Dànì Kèhoį̀wo 17:8

Dıì Kanan nèk'e xàhtǫ lanì wek'e nàądè kò dıı dèè hazǫǫ̀ welǫ whìle ts'ǫ̀ neghaelı̨į̀ ahłe ha. Eyıts'ǫ netł'axǫǫ̀ nets'ıhɂǫ̀ǫ-dǫǫ̀ gı̨ı̨lı̨ı̨ sìı dıı dèè gıghaelı̨į̀ ahłe ha, eyıts'ǫ Sı̨ Gınǫ̀htsı̨ ehłı̨ ha,” yèhdı.

Dànì Kèhoį̀wo 18:6

Eyıt'à ekòet'ıì Abraham Sarah gà goyaèhtła, hayèhdı, “Įwhąą̀! Łè nezı̨ı̨ sìı dı̨ènǫ aı̨hda deyı̨į̀htł'ì. Łè tsı̨ı̨htsı gà łèt'è neht'è,” yèhdı.

Dànì Kèhoį̀wo 18:9

“Nets'èkeè Sarah welaedì?” gıìhdı dageehke. “Nı̨hbàa goyìı wheda,” gòhdı.

Dànì Kèhoį̀wo 21:34

Eyı tł'axǫǫ̀ Abraham, Fılıstea nèk'e whaà gots'ǫ̀ nàı̨dè.

Dànì Kèhoį̀wo 23:4

hagòhdı, “Xàhtǫ lanì naxıta nàhdè hǫt'e. Dèè mǫ̀hdaa naxıghǫ nàıhdì, sets'èkeè ełaı̨woo sìı wekw'ǫǫ̀ nèehtį̀ ha t'à,” gòhdı.

Dànì Kèhoį̀wo 25:27

Eyı chekoa geèzǫ, ǫhdah gı̨ı̨lı̨į̀ agejà. Esau t'aa nàzèe-dǫǫ̀ elı̨ gha nàghò. Ekìı-ka nàzè wegha nezı̨. Ekò Jacob t'aa hotıı̨t'ee-dǫǫ̀ elı̨, edekǫ̀ wheda zǫ lanì.

Dànì Kèhoį̀wo 28:4

Abraham ts'ǫ̀ dànì xàyaı̨htı ı̨lèe sìı nı̨ eyıts'ǫ nets'ıhɂǫ̀ǫ-dǫǫ̀ wek'ę̀ę̀ gıxè sìghà hòɂǫǫ̀ ayııle. Dıı dèè k'e xàhtǫ lanì nàądèe sìı wets'ǫ̀ k'àı̨woò awı̨ı̨de. Dıı dèè Nǫ̀htsı̨ Abraham ghàyı̨ı̨ɂǫ ı̨lè,” Isaac hadıì Jacob k'eèyaı̨htı.

Dànì Kèhoį̀wo 31:25

Laban, Jacob ghǫnììtła ekò, Jacob shìhta Gılad nèk'e nı̨hbàa nàı̨hgè ı̨lè. Eyıt'à Laban ededı̨ sı edèot'ı̨ xè eyı nı̨hbàa nàı̨hgè.

Dànì Kèhoį̀wo 35:27

Jacob, edetà Isaac ts'ǫ̀ anajà. Mamer nèk'e, kǫ̀ta Kırat-Arba (dıì Hebron gòyeh) ts'ǫ̀ nıwà-le, ekǫ wetseè Abraham eyıts'ǫ wetà Isaac nàgı̨ı̨dèe sìı ts'ǫ̀ anajà.

Dànì Kèhoį̀wo 36:7

Ełechıke gıts'ǫ tıts'aàdìı sıì łǫ ajà t'à ełexè nàgedè ha dìì agòjà. Gıts'ǫ tıts'aàdìı shègezhe ha gıgha gòɂǫ-le agòjà.

Dànì Kèhoį̀wo 47:9

Jacob yets'ǫ̀ hadı, “Įłèakw'eènǫ-daats'ǫ̀-taènǫ xo dıı nèk'e nàıhdè hǫt'e. Secho gıxèht'eè whaà dıı nèk'e nàıhdè-le xè hoìla łǫ sexè k'ehokw'o,” yèhdı.

Hebrew 6:17

Nǫ̀htsı̨ edeza edeyatıì goghàı̨ɂǫǫ sìı t'aats'ǫǫ̀ edeyatıì k'èdì ha gık'èezǫ ha nıwǫ t'à, ededı̨ edet'à yatı nàtsoo whehtsı̨ ı̨lè.