Hebrew 11:3 - Nǫ̀htsı̨ Nı̨htł'è

³ Gogha ehkw'ı-ahodı t'à Nǫ̀htsı̨ edeyatıì t'à dèè, yat'a eyıts'ǫ t'asìı hazǫǫ̀ whehtsı̨ wek'èts'eezǫ hǫt'e. Hanì t'à t'asìı wègaat'ı̨ı̨ sìı t'asìı wègaat'ı̨ı̨ t'à hòèlı̨ nıìle.

Hebrew 11:3 ပူးပေါင်းရင်းမြစ်များ

Dànì Kèhoį̀wo 1:1

Kèhoį̀wo ekò Nǫ̀htsı̨ yak'e eyıts'ǫ dèè sı whehtsı̨.

John 1:3

Ededı̨ wet'ǫ̀ǫ̀ t'asìı hazǫǫ̀ hòèlı̨ hǫt'e. Wedę t'asìı wı̨ı̨zìı hòèlı̨ nıìle.

Zezì Wecheekeèdeè 14:15

“Dànìghǫ aaht'ı̨? Goxı̨ naxıxèht'eè dǫ ats'ı̨ı̨t'e. Naxıts'ǫ̀ godı nezı̨ı̨ nèts'ı̨ı̨ɂǫ. T'asìı wet'àaɂà-le k'alaahdèe sìı wedę aahłe, Nǫ̀htsı̨ edaa sìı wets'ǫ̀ aahde. Ededı̨ sìı yak'e, dèe, tı eyıts'ǫ t'asìı hazǫǫ̀ weyìı nàdèe sìı yèhtsı̨ hǫt'e.

Zezì Wecheekeèdeè 17:24

“Nǫ̀htsı̨, dèe eyıts'ǫ t'asìı hazǫǫ̀ edaa whehtsı̨ı̨ sìı yak'e eyıts'ǫ dıı nèk'e gha K'àowo hǫt'e. Yats'ehtıı-kǫ̀-gocho, dǫlà t'à hòèlı̨ı̨ sìı, yeyìı nàdè nıìle.

Rome 4:17

Dıı hanì dek'eèhtł'è k'ę̀ę̀, “Dǫ hazǫǫ̀ xàɂaa gha gotà nèwhıhtsı̨ hǫt'e,” dek'eèhtł'è. Nǫ̀htsı̨ sìı dǫ ełaı̨dèe nagìdà agohɂı̨, eyıts'ǫ dǫ t'asìı gı̨ı̨lı̨-le sìı gıt'àaɂàa agohɂı̨ hǫt'e. Ededı̨ Abraham gha ehkw'ı adı t'à gotà elı̨į̀ ayį̀į̀là hǫt'e.

1 Corınth 2:7

Nǫ̀htsı̨ wenàowoò gǫǫzǫǫ sìı dǫ ts'ǫ̀ weghǫ gots'ede hǫt'e, eyı sìı dǫ ts'ǫ̀ deɂı̨į̀ wheɂǫ ı̨lè. Dıı nèè hòèlı̨ kwe gots'ǫ gogha wheɂǫǫ̀ ayį̀į̀là ı̨lè, eyıts'ǫ wet'à welǫ whìle ts'ǫ̀ enıìyah xè edaxàgozhe ha.

1 Tımothy 4:5

Nǫ̀htsı̨ weyatıì t'à eyıts'ǫ goxı̨ xàyats'ehtı t'à degaı adlà hǫt'e.

Hebrew 1:2

hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

Hebrew 6:5

Nǫ̀htsı̨ weyatıì nezı̨ı̨ hǫt'e gık'èhoèhzà tł'axǫǫ̀, eyıts'ǫ ı̨daà nìhǫǫwo nı̨dè Nǫ̀htsı̨ dànì enıìyah hohtsı̨ ha sìı gık'èezǫ tł'axǫǫ̀,

2 Peter 3:5

Hanìkò Nǫ̀htsı̨ edeyatıì t'à yak'e whehtsı̨ eyıts'ǫ tı yìı gots'ǫ dèè ı̨dòo ayį̀į̀là eyıts'ǫ tı t'à dèè xè hòɂǫǫ̀ ayį̀į̀là, eyı sìı gınadì ha gı̨ı̨wǫ-le.

John Wenazhıı 4:11

“Gots'ǫ̀ K'àowo Gonǫ̀htsı̨, t'asìı hazǫǫ̀ wheęhtsı̨ ne t'à enıìyah xè neghàsǫts'eedıı sìı nı̨ zǫ nets'ǫ̀ hats'edı ha hǫt'e eyıts'ǫ t'asìı hazǫǫ̀ ts'ǫ̀ k'àı̨wo welè. Hanì welè neewǫ t'à t'asìı hazǫǫ̀ hòèlı̨ı̨ xè geeda hǫt'e,” gedı.