Hebrew 1:9 - Nǫ̀htsı̨ Nı̨htł'è

⁹ Nàowo ehkw'ıı ghǫneę̀tǫ eyıts'ǫ nàowołı̨ı̨ dzanehwhǫ hǫt'e. Eyıt'à Nenǫ̀htsı̨ sìı neàgı̨ą gınahk'e K'àowodeè nelı̨ gha degaı tłeh nek'e ayį̀į̀là t'à nınà anį̀į̀là,” dek'eèhtł'è.

Hebrew 1:9 ပူးပေါင်းရင်းမြစ်များ

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

John 1:41

Ekòet'ıì Andrew edı̨ı̨de Sımon ts'ǫ̀ èhtła, hayèhdı, “Messıah wegots'į̀hɂǫ” yèhdı. (“Messıah” gedı nı̨dè “Chrıst” gedıì-agedı.)

John 10:17

Sesahzǫ̀ą gıgha ełaehwhı ha t'à Setà seghǫneètǫ hǫt'e. Eyı tł'axǫǫ̀-ı̨dè naìhdà ha hǫt'e.

John 20:17

Zezì yets'ǫ̀ hadı, “Dası̨ı̨chì-le, ı̨łaà Setà ts'ǫ̀ anahjà nıìle t'à. Hanìkò sèot'ı̨ gıts'àątła, dıı hagìı̨dı, ‘Setà eyıts'ǫ naxı̨ sı naxıtà ts'ǫ̀ anahde ha, Senǫ̀htsı̨ eyıts'ǫ Naxınǫ̀htsı̨ ts'ǫ̀ anahde ha,’ ” hadıì edecheekeè godayatınìı̨ɂǫ.

John 3:34

Nǫ̀htsı̨ dǫ gots'ǫ̀ yı̨ı̨hɂàa sìı yeyatıì t'à gode hǫt'e, Nǫ̀htsı̨, Yedàyeh Nezı̨ı̨ deghàà wets'ǫ̀-èlı̨ ayį̀į̀là.

Zezì Wecheekeèdeè 4:26

Dıı nèk'e k'àowocho łą̀ą ełègı̨ı̨de, Nǫ̀htsı̨ k'èch'a aget'ı̨ eyıts'ǫ wets'ǫ Chrıst sı k'èch'a aget'ı̨,’ k'àowocho Davıd hadı ı̨lè.

Zezì Wecheekeèdeè 4:27

Hęɂę, hotıì hagòjà. K'àowocho Herod eyıts'ǫ k'àowo Pılate, dǫ eyıì-le xàɂaa eyıts'ǫ Israel got'ı̨į̀ ełexè jǫ kǫ̀ta łą̀ą ełègı̨ı̨de ı̨lè. Zezì necheekeè degaı weneehchìı sìı wek'èch'a k'ehogeɂa ı̨lè.

Rome 12:9

Naxıdzeè t'à dǫ ghǫnıahtǫ. Hołı̨ı̨-nàowoò sìı wedzaahwhǫ, hanìkò t'asìı ehkw'ı xè nezı̨ı̨ sìı wedeahchı-le.

Rome 15:13

Nǫ̀htsı̨ edaxàgolee sìı sıì naxınà eyıts'ǫ naxıxè sìghà hòɂǫ ayııle. Nǫ̀htsı̨ naxıgha ehkw'ı adı welè, hanì-ı̨dè Yedàyeh Nezı̨ı̨ wedahxà naxınì deɂǫ̀ǫ̀ nàtsoò ade ha hǫt'e.

1 Corınth 1:9

Nǫ̀htsı̨-Gotà, Edeza Zezì-Krı wexè ı̨łè laaht'e ha naxıkayaı̨htıı sìı t'aats'ǫǫ̀ gots'ǫ̀ edeyatıì k'èdì hǫt'e.

2 Corınth 11:31

Nǫ̀htsı̨, gots'ǫ̀ K'àowo Zezì Wetà, welǫ whìle ts'ǫ̀ weghàsǫts'eedıı sìı hohts'ì gohde nıìle yek'èezǫ hǫt'e.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.

Phılıppı 2:9

Eyıt'à Nǫ̀htsı̨-Gotà t'asìı hazǫǫ̀ nahk'e k'àowo yèhtsı̨ xè dǫ hazǫǫ̀ gıızì nahk'e wıızì wet'àaɂà yeghàı̨ɂǫ.

Hebrew 2:11

Zezì degaı agohɂı̨ı̨ sìı eyıts'ǫ dǫ degaı agììdlàa sìı į̀łah gıtà ełèht'e hǫt'e. Eyıt'à Zezì xàè edechı gòhdı ha goghǫ į̀į̀zhaelı̨ nıìle.

Hebrew 2:9

Nǫ̀htsı̨ sìı Zezì whaà-lea gots'ǫ̀ yak'eet'ı̨į̀ k'aɂį̀ elı̨į̀ ayį̀į̀là ı̨lè. Hanìkò daı̨ɂà xè ełaı̨wo t'à, dıì sìı Nǫ̀htsı̨ enıìyah deè elı̨į̀ ayį̀į̀là, eyıts'ǫ weghàsǫhoedıì ayį̀į̀là hǫt'e. Nǫ̀htsı̨ wesǫnıwǫ t'à dǫ hazǫǫ̀ gha ełaı̨wo hǫt'e.

Hebrew 7:26

Hanì yahtıı-wet'àaɂàa-deè sìı gots'àdı ha dìì-le hǫt'e; degaı elı̨ı̨, hołı̨ı̨ wek'e wheɂǫ-le, hołı̨ı̨-hogehtsı̨ı̨-dǫǫ̀ ta gots'ǫ nıìle, yak'e gote-ts'ǫ̀ nıwıìtı̨ hǫt'e.

1 Peter 1:3

Nǫ̀htsı̨, Zezì-Krı wetà, weghàsǫts'eedı welè. Sıì gots'ǫ̀ wedzeè eteèɂı̨ t'à k'achı̨ dǫ nats'edlı̨į̀ agǫ̀ǫ̀là hǫt'e. Gots'ǫ̀ K'àowo Zezì naìdà ts'ıhɂǫ̀, ts'eeda ha gogha hòɂǫǫ̀ ayį̀į̀là.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

John Wenazhıı 2:15

Eyıts'ǫ naxını dǫ mǫ̀hdaa Nıcolaıtan gı̨ı̨lı̨ı̨ gınàowoò gıgha ehkw'ı-ahodı.