Hebrew 1:1 - Nǫ̀htsı̨ Nı̨htł'è

¹ Įnę̀ę sìı Nǫ̀htsı̨ nakwenàoɂǫǫ t'à gǫtłǫǫ̀ gocho gots'ǫ̀ goı̨de ı̨lè, eyıts'ǫ t'asìı łǫ xàɂaa t'à gots'ǫ̀ goı̨de ı̨lè,

Hebrew 1:1 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Dànì Kèhoį̀wo 6:3

Eyıt'à gots'ǫ̀ K'àowo hadı, “Dǫ hołı̨ı̨ hogehtsı̨ı̨ agı̨ı̨t'e t'à, sets'ǫ Įnì welǫ whìle ts'ǫ̀ gıxè wheɂǫ ha-le. Įłèakw'eènǫ-daats'ǫ̀-naènǫ (120) xo ts'ǫ̀ geeda ha,” hadı.

Luke 1:55

Welǫ whìle ts'ǫ̀ Abraham eyıts'ǫ wets'ıhɂǫ̀ǫ-dǫǫ̀ gı̨ı̨lı̨ı̨ sìı etegoòɂı̨ ha, gocho ts'ǫ̀ hadı ı̨lè,” Mary hadıì xàyaı̨tı.

Luke 1:72

Eyıts'ǫ gocho etegoèhɂı̨ ha, hadı ı̨lè eyıts'ǫ goxè nakenawhehtsı̨ı̨ degaı sìı yenadì ha,’ hadı ı̨lè.

Luke 24:27

Zezì hagòhdı tł'axǫǫ̀ Moses wenı̨htł'è eyıts'ǫ nakwenàoɂǫǫ gını̨htł'è k'e dànì weghǫ t'asìı hazǫǫ̀ dek'eèhtł'èe sìı gots'ǫ̀ yek'ayaı̨htı.

Luke 24:44

Zezì edecheekeè ts'ǫ̀ hadı, “Įłaà naxıxè wheda ekò eyı weghǫ naxıts'ǫ̀ goıhde ı̨lè: Moses wenı̨htł'è k'e, nakwenàoɂǫǫ gını̨htł'è k'e eyıts'ǫ ts'ejı̨ı̨ enı̨htł'è k'e t'asìı hazǫǫ̀ seghǫ dek'eèhtł'èe sìı wek'ę̀ę̀ agode ha, naxèehsı̨ ı̨lè,” gòhdı.

John 16:13

Hanìkò Yedàyeh Nezı̨ı̨ nììtła nı̨dè t'asìı hazǫǫ̀ ehkw'ı ne sìı naxıts'ǫ̀ hadı ha, ehkw'ı zǫ gode ne t'à. Ededahxà gode ha nıìle, dàehsı̨ı̨ yeèhkw'ǫǫ sìı eyı zǫ t'à gode ha, eyıts'ǫ ı̨daà ayìı dàgode ha sìı naxıts'ǫ̀ hadı ha.

John 7:22

Hanìkò naxı̨ Moses gokwǫ̀ nàt'à nàowoò naxıghàı̨ɂǫ t'à Nǫ̀htsı̨ Dzęę̀ k'e dǫzhìa gıkwǫ̀ k'e nàaht'à hǫt'e. (Moses ededı̨ xàè nàgoet'àa nàowoò naxıghàı̨ɂǫ nıìle, naxıcho Abraham, Isaac eyıts'ǫ Jacob gıts'ǫ nàowo hǫt'e.)

John 9:29

Nǫ̀htsı̨ Moses ts'ǫ̀ goı̨de wek'èts'eezǫ hǫt'e, ekò eyı dǫ awį̀ı̨dıı sìı edı̨į̀ gots'ǫ dǫ ne wek'èts'eezǫ-le,” gedı.

Zezì Wecheekeèdeè 13:32

“Eyı godı nezı̨ı̨ naxıts'ǫ̀ hats'edı: Įdèe whaà gots'ǫ Nǫ̀htsı̨ gocho ghàyatınıɂǫǫ sìı eyı hǫt'e.

Zezì Wecheekeèdeè 2:30

Nǫ̀htsı̨ yegha yatı nàtsoo whehtsı̨ı̨ sìı nakwenàoɂǫǫ elı̨ t'à yek'èezǫ xè hanì xàyaı̨htı. Eyı sìı nǫǫde-ı̨dè ededı̨ wets'ıhɂǫ̀ǫ-dǫǫ̀ ı̨łè yetł'axǫǫ̀ k'àowocho elı̨ ha, Nǫ̀htsı̨ yèhdı ı̨lè.

Zezì Wecheekeèdeè 28:23

Eyıt'à ı̨łè dzęę̀ k'e Paul xè ełegeèhdì ha gedı. Eyı dzęę̀ k'e dǫ łǫ Paul wekǫ̀ nègı̨ı̨de. K'omǫǫ̀dǫǫ̀ ts'ǫ, xèhts'ǫ̀ gots'ǫ̀ Paul gots'ǫ̀ goı̨de. Nǫ̀htsı̨ wenàowoò ghǫ hoghàgoehtǫ xè deghàà godaedı. Moses wenı̨htł'è eyıts'ǫ nakwenàoɂǫǫ gını̨htł'è k'e Zezì ghǫ dek'eèhtł'èe sìı gıgha ehkw'ı-ahodı agole ha goèhdzà.

Zezì Wecheekeèdeè 3:21

Nǫ̀htsı̨ t'asìı hazǫǫ̀ ehkw'ı hòɂǫǫ̀ ayele gots'ǫ̀, Chrıst yak'e wheda ha hǫt'e. T'akwe whaà nakwenàoɂǫǫ degaı gı̨ı̨lı̨ı̨ sìı Nǫ̀htsı̨ gha gogı̨ı̨de t'à Nǫ̀htsı̨ edeyatıì k'ę̀ę̀ hohtsı̨ ha hadı ı̨lè.

Hebrew 11:18

Nǫ̀htsı̨ “Isaac ededı̨ wet'à zǫ nets'ıhɂǫ̀ǫ-dǫǫ̀ agı̨ı̨t'e gha gııtà ha,” yèhdı kò, Abraham ı̨łaà ełaàyèhwhı ha ı̨lè.

Hebrew 11:2

T'akwe whaà gocho hanì gıgha ehkw'ı-ahodı t'à Nǫ̀htsı̨ goghǫ nezı̨į̀ xàyaı̨htı ı̨lè.

Hebrew 12:25

Nǫ̀htsı̨ naxıts'ǫ̀ gode nı̨dè wets'ǫ̀ naxıdzıì goìle welè sǫ̀ǫ̀. Nǫ̀htsı̨ dıı nèk'e Israel got'ı̨į̀ gots'ǫ̀ goı̨de ekò egeèhkw'ǫ-le t'à nàgoı̨hkwa ı̨lè. Ekò goxı̨ sìı yak'e gots'ǫ Nǫ̀htsı̨ gots'ǫ̀ gode kò wets'eèhkw'ǫ-le nı̨dè denahk'e hòtł'ò nàgoehkwa ha hǫt'e.

Hebrew 2:2

Yak'eet'ı̨į̀ Nǫ̀htsı̨ yatıì t'à gogedee sìı hotıì wek'èats'ı̨ı̨t'e ha hǫt'e, eyıts'ǫ dǫ hazǫǫ̀ eyı yatı nàgı̨ı̨zhìı sìı wek'èxa dagı̨ı̨ɂa ha agììdlà hǫt'e.

Hebrew 2:3

Eyıt'à Nǫ̀htsı̨ enıìyah k'ę̀ę̀ edaxàgolee sìı wedę ats'ı̨ı̨là nı̨dè nàgoehkwa ch'à kwı̨ts'eehdè ha honàedı nıìle. Edaxàgole ha sìı gots'ǫ̀ K'àowo t'akwełǫ̀ǫ̀ yeghǫ goı̨de ı̨lè, eyıts'ǫ dǫ gı̨į̀hkw'ǫ̀ǫ sìı ededı̨ sı gots'ǫ̀ hagedı.

Hebrew 3:5

Moses, Nǫ̀htsı̨ wekǫ̀ gha eghàlaeda ekò yek'èı̨t'e ı̨lè. Įdaà nı̨dè Nǫ̀htsı̨ dàdı ha sìı ghǫ dǫ ts'ǫ̀ goı̨de.

Hebrew 4:8

Joshua Israel got'ı̨į̀ ekǫ ts'èwhı̨į̀ hòɂǫǫ ts'ǫ̀ agǫ̀ǫ̀là nı̨dè, Nǫ̀htsı̨ k'achı̨ dzę eyıì-le ghǫ gode ha-le ı̨lè.

Hebrew 5:5

Zezì-Krı ededı̨ sı yahtıı-wet'àaɂàa-deè edèhtsı̨ nıìle. Hanìkò Nǫ̀htsı̨ yets'ǫ̀ dıı hadı, “Nı̨ sìı Seza anet'e, dıı dzęę̀ k'e Netà whıhłı̨ hǫt'e,” yèhdı.

Hebrew 9:19

Moses nàowo hazǫǫ̀ dǫ ts'ǫ̀ yek'eyaı̨htı tł'axǫǫ̀, ejıezaa wedoò, tı xè yìhchı gà sahzǫ̀ą weghàà dek'o eyıts'ǫ hyssop wekw'ıhchı̨į̀ t'à Nǫ̀htsı̨ wenı̨htł'è eyıts'ǫ dǫ hazǫǫ̀ gok'e ayį̀į̀là.