Ephesus 6:9 - Nǫ̀htsı̨ Nı̨htł'è

⁹ Naxı̨ dǫ ts'ǫ̀ k'àowo yàahłı̨ı̨ sìı eyı xèht'eè dǫ naxıtł'a geèhkw'ee sìı gıts'ǫ̀ nezı̨į̀ k'ehoahɂa. Gıts'ǫ̀ yıdaaht'e-le, yak'e gıts'ǫ̀ k'àowo gǫ̀hłı̨ı̨ sìı naxı̨ sı naxıts'ǫ̀ k'àowo elı̨ wek'èahsǫ t'à, eyıts'ǫ Nǫ̀htsı̨ sìı dǫ ı̨łè xàɂaa zǫ gòį̀hchì nıìle.

Ephesus 6:9 ပူးပေါင်းရင်းမြစ်များ

Matthew 22:10

Eyıt'à wecheekeè tı̨lı k'e ts'ǫ̀ geède, dǫ nezı̨ı̨ eyıts'ǫ dǫ nezı̨-le gogį̀į̀hɂǫǫ sìı nàgogı̨ı̨htsı̨. Eyıt'à kǫ̀ gocho nàsı̨ hołèe sìı goyìı dǫ dàgoòɂǫ agòjà.

Matthew 22:8

“Eyı tł'axǫǫ̀ k'àowocho edecheekeè gots'ǫ̀ hadı, ‘Seza honìdzaa sìı wenàsı̨ hołè ha nìkw'o, hanìkò dǫ goxè shègezhe ha ı̨lèe sìı negezı̨-le t'à jǫ geedè ha dehwhǫ-le.

Matthew 24:48

Ekò edahxǫ eyı dǫ wejıı t'à, edets'ǫ̀ dıı hadı, ‘Sets'ǫ̀ k'àowo whaà ts'ǫ wewhìle,’

Matthew 24:51

K'àowo hòtł'ò nàyeehkwa ha eyıts'ǫ dǫ degaı degeetsı̨ı̨ sìı gota whedaà ayele ha. Ekǫ dǫ getse xè gıgha hoìla ha.

Matthew 7:12

Eyı xèht'eè dànì dǫ naxıts'ǫ̀ nezı̨į̀ eghàlageeda ha dahwhǫ k'ę̀ę̀ gıts'ǫ̀ eghàlaahda. Moses wenàowoò eyıts'ǫ nakwenàoɂǫǫ gını̨htł'è k'e hanì dek'eèhtł'è.

Luke 6:31

Dànì dǫ naxıts'ǫ̀ nezı̨į̀ eghàlageeda ha dahwhǫ k'ę̀ę̀ gıts'ǫ̀ eghàlaahda.

John 13:13

“ ‘K'àowo’ sèahdıı sìı ehkw'ı aahdı hǫt'e, naxıts'ǫ̀ K'àowo aht'e ne t'à.

Zezì Wecheekeèdeè 10:34

Eyıt'à Peter gots'ǫ̀ goı̨de, “Nǫ̀htsı̨ sìı dǫ ı̨łè xàɂaa zǫ gòìhchı nıìle, eyı sìı k'ǫǫ̀t'a wek'èhoèhzà.

Rome 2:11

Nǫ̀htsı̨ sìı dǫ ı̨łè xàɂaa zǫ ts'ǫ̀ nezı̨į̀ anıwǫ nıìle.

1 Corınth 7:22

Dǫ Nǫ̀htsı̨ yekayaı̨htı kwe wets'ǫ̀ k'àowo gǫ̀hłı̨ nı̨dè gots'ǫ̀ K'àowo Zezì gha edets'ǫ̀ k'àowo elı̨į̀ ajà hǫt'e. Eyı xèht'eè dǫ Nǫ̀htsı̨ yekayaı̨htı ekò edets'ǫ̀ k'àowo elı̨ ı̨lèe sìı Zezì-Krı yets'ǫ̀ K'àowo elı̨į̀ ajà hǫt'e.

Colosse 3:25

Amìı ekǫ-le eghàlaedaa sìı wek'èxa hoìla weghǫ̀t'à ha. Nǫ̀htsı̨ sìı wegha dǫ denahk'e nezı̨ı̨ gǫ̀hłı̨ nıìle, hazǫǫ̀ ełèht'eè gosınìyaehtı ha hǫt'e.

Colosse 4:1

K'aodèe yàahłı̨ı̨ sìı dǫ naxıgha eghàlageedaa sìı gıts'ǫ̀ ehkw'ı eghàlaahda, naxı̨ sı yak'e naxıts'ǫ̀ K'àowo gǫ̀hłı̨ wek'èahsǫ ne t'à.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

James 2:8

Nǫ̀htsı̨ Nı̨htł'è k'e dıı hanì dek'eèhtł'èe, “Edeghǫnıahtǫ k'ę̀ę̀ naxèot'ı̨ ghǫnıahtǫ.” Eyı nàowo nezı̨ı̨ wek'èahdì nı̨dè ehkw'ı eghàlaahda hǫt'e.

James 5:4

Seàhkw'ǫ! Dǫ naxıdèè k'e t'asìı dehshee nàgı̨ı̨htsı̨ı̨ sìı gıts'àɂaahdì-le t'à naxısınìyaetı hǫt'e. Dǫ t'asìı dehshee naxıgha nàgehtsı̨ı̨ sìı yagìtse t'à, gots'ǫ̀ K'àowo t'asìı wegha dìì-le sìı goèhkw'ǫ hǫt'e.